1 Samuel 1:26 - Mbeti ti Nzapa - Tënë so amu fini

²⁶ Anne atene na Heli: “Babâ, mbi gbu gere ti mo; mo laa mo ngba na le ti mo so. Wali so lani aluti na tere ti mo ge ti sambela KOTA GBIA so, ayeke mbi.

1 Samuel 1:26 ပူးပေါင်းရင်းမြစ်များ

Tongo nda ti aye 42:15

Ye so mbi yeke sara ti hinga nda ti ala na ni ayeke so: na iri ti Faraon so ayeke na fini! Tongana tanga ti ita ti ala ni asi na ndo so pepe, ala yeke sigigi na ndo so ti gue pepe.

2 Samuel 11:11

Urii akiri tënë na David, atene: “Sanduku ti *mbuki ti *KOTA GBIA, aturugu ti Israel na ala ti Juda kue ayeke lango na gbe ti da ti bongo. Makonzi ti aturugu Yoab na aturugu ti lo ti kota kamba ayeke lango na ya ti ngonda si mbi, mbi gue ti mbi na da ti mbi ti te kobe, ti nyon ye, ti lango na tere ti wali ti mbi? Gbia ayeke na fini! Mbi yeke sara mara ti ye tongaso laoko pepe.”

2 Samuel 14:19

Gbia ahunda wali ni: “Yoab ayeke na gbe ti atënë so mo tene so pepe?” Wali ni akiri tënë: “Gbia ayeke na fini! Mbi lingbi ti handa mo pepe! Biani, zo ti kua ti mo Yoab laa amu na mbi yanga; lo fa na mbi atënë so kue mbi lingbi fade ti tene.

2 Agbia 2:2

Élie atene na Élisée: “Mbi gbu gere ti mo, mo ngba na ndo so, ngbanga ti so KOTA GBIA atokua mbi kâ na Betel.” Élisée akiri tënë: “KOTA GBIA ayeke na fini! Mo nga, mo yeke na fini! Fade mbi yeke zia mo pepe!” Tongaso ala kue, ala gue na Betel.

2 Agbia 2:4

Élie akiri atene na Élisée: “Élisée, mbi gbu gere ti mo, mo ngba na ndo so, ngbanga ti so KOTA GBIA atokua mbi na Jéricho.” Élisée akiri tënë: “KOTA GBIA ayeke na fini! Mo nga, mo yeke na fini! Fade mbi yeke zia mo pepe!” Tongaso ala gue, asi na Jéricho.

2 Agbia 2:6

Élie akiri atene na Élisée: “Mbi gbu gere ti mo, mo ngba na ndo so, ngbanga ti so KOTA GBIA atokua mbi na ngu ti Jourdain.” Élisée akiri tënë: “KOTA GBIA ayeke na fini! Mo nga, mo yeke na fini! Fade mbi yeke zia mo pepe!” Tongaso ala use kue amu lege ague.

2 Agbia 4:30

Me mama ti molenge ni atene na Élisée: “KOTA GBIA ayeke na fini! Mo nga, mo yeke na fini! Mbi yeke zia mo ti hon pepe.” Tongaso Élisée alondo si amu peko ti wali ni.

1 Mbai 4:10

Yabes asambela Nzapa ti Israel, atene: “Ayeke nzoni mo sara tufa na ndö ti mbi, mo sara si le ti sese ti mbi akiri akono mingi, mo zia maboko ti mo na ndö ti mbi ti bata mbi, mo sara si akpale na pasi ahon yongoro na tere ti mbi!” Nzapa amu na lo ye so lo hunda.

1 Samuel 17:55

So Saul abaa David amu lege ti gue ti tiri bira na zo ti Filistii so, lo hunda Abner, makonzi ti aturugu, lo tene: “Abner, babâ ti molenge-koli so ayeke zo wa?” Abner akiri tënë: “Gbia, mo laa mo ngba na fini le ti mo so, mbi hinga ye oko daa pepe.”

1 Samuel 20:3

David akiri adeba yanga ti lo, atene: “Babâ ti mo ahinga kue atene, mo ye mbi mingi. Lo tene na be ti lo, lo tene: ‘Ayeke nzoni Jonatan ahinga tënë so pepe ngbanga ti be ti lo aso.’ *KOTA GBIA ayeke na fini! Mo nga, mo yeke na fini! Angba kete ka mbi kui.”

1 Samuel 25:26

*KOTA GBIA ayeke na fini! Mo nga, mo yeke na fini! KOTA GBIA laa akanga lege na mo, babâ ti mbi titene mo ga, mo tuku mene ti azo pepe si mo fâ nga ngbanga ti mo, mo wani pepe. Ayeke nzoni ye so asi na Nabal asi na awato ti mo, ala so ayeke gi lege ti fâ mo so.