1 Samuel 1:24 - Mbeti ti Nzapa - Tënë so amu fini

²⁴ Na pekoni so Anne azi molenge ni na me awe, lo gue na lo na da ti KOTA GBIA na Silo. Lo mu nga na tere ti lo koli-bagara ti ngu ota, kota sembe ti farini oko, na vin so lo zia na ya ti bozo ti poro ti nyama. Andaa na ndembe ni so, Samuel ade kete molenge.

1 Samuel 1:24 ပူးပေါင်းရင်းမြစ်များ

Tongo nda ti aye 21:8

Molenge ni akono si mama ni azi lo na yanga ti me. Na lango ti zingo lo na yanga ti me, Abraham asara kota matanga.

1 Agbia 11:20

Ita ti Tapenes adu molenge-koli na Hadad; iri ti molenge ni ayeke Genubat. Tapenes abata molenge na yangbo ti Faraon, molenge ni aduti kâ na popo ti amolenge ti gbia.

Matthieu 13:33

Jésus atene na ala mbeni toli, lo tene: “*Kodro-gbia ti yayu ayeke tongana mama ti mapa so mbeni wali amu, lo bongbi na gba ti farini, lo pika ya ni si mapa ni kue asuku nzoni.”

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.

Josué 18:1

Na peko ti so azo ti Israel amu sese ni awe, ala kue abongbi tere ti ala na Silo. Kâ, ala kpo na nduzu da ti bongo so Nzapa na azo ti lo ayeke wara tere daa.