1 Samuel 1:23 - Mbeti ti Nzapa - Tënë so amu fini

²³ Koli ti lo Elkana atene na lo: “Sara ye so be ti mo aye. Mo ngba ge na da ngbii mo zi molenge ni na me si. Ayeke nzoni KOTA GBIA asara ye alingbi na tënë ti yanga ti lo.” Nilaa, Anne angba na da ti mu me na molenge ni ngbii asi na ngoi so lo zi molenge ni na me.

1 Samuel 1:23 ပူးပေါင်းရင်းမြစ်များ

2 Samuel 7:25

Fadeso, KOTA GBIA Nzapa, tënë so mo tene lani na ndö ti mbi nga na ndö ti ahale ti mbi, ayeke nzoni mo sara si tënë ni aluti kpu na kpu. Sara ye alingbi na tënë ti mo.

1 Agbia 3:21

Na ndaperere, mbi londo ti mu me na molenge ti mbi, mbi baa so molenge ni akui awe. So ndo ahan mbirimbiri awe, mbi baa molenge ni kpoo, mbi baa so ayeke molenge so mbi du so laa pepe.”

Abia (Psaumes) 22:9

Ala tene: “Lo zia be ti lo na ndö ti *KOTA GBIA! Ka KOTA GBIA ni azi lo e baa ma! So KOTA GBIA aye lo mingi so, ka lo zi lo na ya ti ye ti sioni ma!”

Ésaïe 44:26

Mbi yeke sara ye alingbi na tënë so zo ti kua ti mbi atene; mbi yeke sara si apialo so awatokua ti mbi atene tënë ni aga nzoni. Tënë so mbi tene na ndö ti Jérusalem ayeke so: ‘Fade azo ayeke kiri ti lango na ya ni’. Tënë so mbi tene na ndö ti agbata ti Juda ayeke so: ‘Fade a yeke kiri ti leke ni; aye so a kungbi na sese, fade mbi yeke kiri ti leke ni na nduzu.’

Wungo ti azo 30:12

tongana koli ti lo ama tënë ni si lo zi yanga daa pepe, lo ke ni pepe, alingbi wali ni asara ye alingbi na dengo ba ti yanga ti lo, lo sara ye alingbi na zendo so lo mu.

Matthieu 24:19

So ye ti mawa na awali so ayeke na ngo nga na ala so ayeke mu me na amolenge na ya ti alango ni so!

Nzoni Tënë so Luc asu na mbeti 11:27

So Jésus angba ti tene tënë so, mbeni wali na popo ti gba ti azo adekongo, atene: “Ti lo nzoni, wali so amu lani ngo ti mo si amu me na mo ti nyon ni so!”

1 Samuel 1:17

Tongaso, Heli akiri tënë na lo: “Gue nzoni! Ayeke nzoni Nzapa ti Israel amu na mo ye so mo hunda na lo.”

1 Samuel 14:36

Saul atene: “E gue na bi so, e tumba peko ti azo ti Filistii, e mu aye ti ala ngbii asi na ndaperere. E fâ ala kue, e zia zo oko angba na fini pepe.” Aturugu akiri tënë: “Sara ye so kue be ti mo aye.” Me wayango-sandaga atene: “E hunda Nzapa na ndo so kozoni si.”

1 Samuel 14:40

Saul akiri atene na azo ti Israel kue: “Ti ala, ala luti na mbage; mbi na molenge ti mbi Jonatan, e luti na mbage.” Azo ni atene na Saul: “Sara ye so be ti mo aye.”