1 Samuel 1:19 - Mbeti ti Nzapa - Tënë so amu fini

¹⁹ Na kota ndaperere, Elkana na asewa ti lo alondo si ala kuku na gbe ti KOTA GBIA. Na pekoni, ala kiri na kodro ti ala na Rama. Elkana na wali ti lo Anne aduti koli na wali si *KOTA GBIA adabe ti lo na Anne.

1 Samuel 1:19 ပူးပေါင်းရင်းမြစ်များ

Tongo nda ti aye 21:1

KOTA GBIA aga ti sara nzoni na Sara alingbi na tënë so lo tene. Lo sara ye na Sara alingbi na zendo so lo mu ando.

Tongo nda ti aye 30:22

Nzapa adabe ti lo na Rachel; Nzapa ama sambela ti lo si azi na lo lege ti dungo ni.

Tongo nda ti aye 4:1

Adam na wali ti lo Eve aduti si wali ni amu ngo. Lo du Kain si lo tene: “KOTA GBIA amu na mbi lege ti wara zo.”

Tongo nda ti aye 8:1

Nzapa adabe ti lo na Noe, na anyama kue ti ngonda, na ala ti kodro so kue ayeke na tere ti lo na ya ti mangboko ni. Nzapa asara si mbeni pupu alondo, aya na ndö ti sese si ngu ni ato nda ti kiri.

2 Agbia 4:17

Wali ni amu ngo si na ngu ti peko, gi na mara ti ngoi so, lo du molenge-koli alingbi na tënë so Élisée atene lani na lo.

Abia (Psaumes) 119:147

Kozo titene ndo ahan, mbi iri mo; mbi zia be ti mbi ti ku atënë ti mo.

Abia (Psaumes) 136:23

So ye ahon ndö ti e, lo dabe ti lo na e. – Biani, nzoni be ti lo angba kpu na kpu!

Abia (Psaumes) 25:7

Mo kiri mo dabe ti mo pepe na asiokpari nga na asioni so mbi sara na ngoi so mbi de maseka. Me na lege ti nzoni be ti mo, KOTA GBIA, dabe ti mo na mbi, ndali ti so mo yeke nzoni mingi.

Abia (Psaumes) 5:3

Gbia ti mbi, Nzapa ti mbi, zia mê ti mo kpoo, mo ma iringo ndo ti mbi; mo laa mbi yeke sambela mo.

Abia (Psaumes) 55:17

Ti mbi, mbi dekongo na Nzapa, fade KOTA GBIA ayeke soo mbi.

Marc 1:35

Na ndaperere, so ndo angba kâ, Jésus azingo, lo sigigi na ya ti gbata ni si lo gue ti sambela na mbeni ndo so zo ayeke daa pepe.

Nzoni Tënë so Luc asu na mbeti 23:42

Na pekoni, lo tene: “Jésus, tongana mo kiri ande ti le-gbia, dabe ti mo na mbi!”

Josué 18:25

Ambeni gbata ni ayeke so: Gabaon, Rama, Beerot,

1 Samuel 1:1

Mbeni koli ayeke daa, iri ti lo Elkana; lo yeke lango na Ramataim-Sofim, na sese ti Efraim, ndo so ahoto ayeke daa. Lo yeke molenge ti Yeroam; Yeroam ayeke molenge ti Elihu; Elihu ayeke molenge ti Tohu; Tohu ayeke molenge ti Suf, zo ti mara ti Efraim.

1 Samuel 1:11

Lo mu zendo, lo tene: “KOTA GBIA, mo so mo yeke na ndö ti dunia kue, baa mawa ti mbi, zo ti gbe ti mo. Dabe ti mo na mbi, mo girisa mbi pepe. Mu na mbi molenge-koli, fade mbi kiri mbi mu lo na mo, KOTA GBIA titene lo sara kua na mo na lango ti fini ti lo kue. Fade a yeke kio kua ti li ti lo oko pepe.”

1 Samuel 15:34

Na pekoni, Samuel akiri na Rama si Saul ague na ndo ti lo na Gibea.

1 Samuel 16:13

Samuel amu didi so mafuta ayeke na ya ni si lo tuku mafuta ni na li ti David na le ti a-ita ti lo. Gi na lango ni so, yingo ti KOTA GBIA aga na ndö ti David. Na pekoni, Samuel amu lege akiri na Rama.

1 Samuel 19:18

So David akpe ahon, lo gue na kodro ti Rama na ndo ti Samuel si lo fa na Samuel peko ti aye so kue Saul asara na lo. Na pekoni, lo na Samuel ague ti lango na kodro ti Nayot.

1 Samuel 2:11

Na pekoni, Elkana akiri na da ti lo na kodro ti Rama. Ti molenge ni, lo ngba ti lo ti sara kua na KOTA GBIA na gbe ti wayango-sandaga Heli.

1 Samuel 25:1

Na ndembe ni so, Samuel akui. Azo ti Israel kue abongbi si atoto kuâ ti lo. A lu lo na kodro ti lo na Rama. Na pekoni, David amu lege ague na benyama ti Paran.

1 Samuel 7:17

Na pekoni, lo yeke kiri na Rama, ngbanga ti so da ti lango ti lo ayeke kâ. Kâ laa lo yeke fâ ngbanga ti azo ti Israel si lo sara nga gbalaka ndali ti KOTA GBIA.

1 Samuel 8:4

Ndani laa *akangba ti Israel kue abongbi tere si ala gue, abaa Samuel na kodro ti Rama.

1 Samuel 9:26

Na ndade ni na kota ndaperere, Saul na zo ti kua ti lo azingo. So ndo ahan awe, Samuel airi Saul na li ti da, lo tene na lo: “Saul, londo mbi gue, mbi zia peko ti mo na lege.” Saul alondo si lo na Samuel kue ahon.