1 Samuel 1:18 - Mbeti ti Nzapa - Tënë so amu fini

¹⁸ Anne atene: “Ayeke nzoni mo ngba ti sara nzoni be na mbi.” Lo kiri, lo te kobe; vundu ayeke na le ti lo mbeni pepe.

1 Samuel 1:18 ပူးပေါင်းရင်းမြစ်များ

Tongo nda ti aye 32:5

Lo mu yanga na ala, lo tene: “Fade ala yeke tene na kota zo ti mbi Ezau, atene: ‘Tënë so zo ti gbe ti mo Jacob atene ayeke so: Mbi duti na ndo ti Laban si mbi ninga na ndo ti lo ngbii asi laso.

Tongo nda ti aye 32:6

Mbi yeke na abagara, alele, ataba, angasa na azo ti kua ti koli na ti wali. Nilaa mbi tokua azo ti tene tënë ni na mo, kota zo ti mbi titene mo sara nzoni be na mbi.’ ”

Tongo nda ti aye 33:15

Ezau atene: “Mbi ye ti zia ambeni zo so ayeke mu peko ti mbi so titene ala ngba na tere ti mo.” Jacob akiri tënë, atene: “Ngbanga ti nyen? Mbi ye gi titene mo, kota zo ti mbi, mo baa mbi na nzoni le, awe!”

Tongo nda ti aye 33:8

Ezau ahunda ndo, atene: “Mo ye fade ti sara nyen na gba ti anyama so kue mbi wara na lege so?” Jacob akiri tënë, atene: “Mbi ga na ala na mo, kota zo ti mbi titene mo baa mbi na nzoni le.”

Abia (Psaumes) 34:6

Azo so abaa ndo na mbage ti lo, le ti ala ayeke za zango na ngia, kamene ayeke gbu le ti ala pepe.

Zo ti bongbingo azo 9:7

Tongaso, mo gue, mo te kobe ti mo na ngia, mo nyon vin ti mo na ngia na be ti mo, ngbanga ti so Nzapa ayeda na aye so mo sara awe.

Jean 16:24

Ala de ti hunda mbeni ye na iri ti mbi pepe. Ayeke nzoni ala hunda ye, fade ala wara ni si ngia ti ala alingbi kue.”

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

Ruth 2:13

Ruth atene: “Kota zo, mo ngba ti sara nzoni na mbi; mo sara si be ti mbi ade. Tënë so mo tene so agbu be ti mbi mingi; mbi so mbi lingbi nga na awali so ayeke sara kua na gbe ti mo lawa!”

Ruth 2:2

Ruth, zo ti mara ti Moab, atene na Noemi: “Mbi ye ti gue na yaka. Tongana mbeni zo asara nzoni be na mbi, fade mbi yeke ro ale ti kobe so atuku na sese na peko ti lo.” Noemi akiri tënë, atene: “Mo gue ma, molenge ti mbi!”