1 Samuel 1:15 - Mbeti ti Nzapa - Tënë so amu fini

¹⁵ Anne akiri tënë na lo: “Babâ, mbi nyon samba oko pepe. Mbi yeke wali so mawa ahon ndö ti mbi. Nilaa mbi yeke fa tënë ti be ti mbi na KOTA GBIA.

1 Samuel 1:15 ပူးပေါင်းရင်းမြစ်များ

Mbeti ti Job 30:16

Fadeso, fini ti mbi ague ti hunzi; mbi ngba gi na ya ti alango ti pasi.

Abia (Psaumes) 143:6

Mbi yoro maboko ti mbi na mbage ti mo, mbi laa na dawa ti mo tongana sese so aye ngu. Luti kete

Abia (Psaumes) 42:4

Bi na lâ, ngu ti le ti mbi ayeke sua, aga tongana kobe ti mbi ti tengo ni. Azo ayeke hunda mbi lakue, atene: “Nzapa ti mo ni ayeke na ndo wa?”

Abia (Psaumes) 62:8

Nzapa ayeke wasongo mbi na kuâ; na lege ti lo laa mbi yeke wara gonda. Lo yeke kota ngangu têne so mbi luti na ndö ni ti bata tere ti mbi; lo yeke ndo so mbi kpe daa ti bata tere ti mbi.

Abia (Psaumes) 62:9

Ala azo, ala zia be ti ala lakue na ndö ti lo, ala fa tënë ti be ti ala na lo. Nzapa ayeke ndo so e yeke kpe daa ti bata tere ti e. Luti kete

Amato 14:10

Vundu ti be ti zo, lo wani laa lo hinga ni; ngia ti be ti lo, mbeni zo nde alingbi ti kangbi ni na lo pepe.

Amato 15:1

Kiringo tënë na nzoni be asara si ngonzo ade; me tënë ti songo be asara si ngonzo alondo.

Amato 25:15

Na lege ti kangango be ti ku, zo alingbi ti woko be ti mbeni wafango-ngbanga ti yeda na mbeni tënë. Atënë so ayeke de be ti zo alingbi ti zi angangu ye so ayeke kanga lege.

Abia ti demango tere 2:19

Ala londo, azo ti Jérusalem! Na bi, ala lango pepe, ala dema tere ti ala na Kota Gbia. Ala zi be ti ala kue ti tene tënë na lo. Ala yo maboko ti ala na nduzu ti voro tere ti ala na lo. Ala voro lo ndali ti amolenge ti ala so ayeke kui na nzara na ndö ti alege kue so.

1 Samuel 1:16

Mo baa mbi, zo ti gbe ti mo tongana mbeni buba zo pepe. Mbeni tënë laa aso be ti mbi ahon ndoni si ayeke mu na mbi vundu. Nilaa mbi sambela ngbii aninga so.”

1 Samuel 7:6

Azo ti Israel abongbi na Mispa. Ala to ngu si ala tuku ni na sese na dawa ti KOTA GBIA. Na lango ni so, ala ke ti te kobe si ala tene: e sara siokpari so ake KOTA GBIA. Kâ na Mispa laa, Samuel asara kua ti wayango-sandaga na popo ti azo ti Israel.