1 Samuel 1:11 - Mbeti ti Nzapa - Tënë so amu fini

¹¹ Lo mu zendo, lo tene: “KOTA GBIA, mo so mo yeke na ndö ti dunia kue, baa mawa ti mbi, zo ti gbe ti mo. Dabe ti mo na mbi, mo girisa mbi pepe. Mu na mbi molenge-koli, fade mbi kiri mbi mu lo na mo, KOTA GBIA titene lo sara kua na mo na lango ti fini ti lo kue. Fade a yeke kio kua ti li ti lo oko pepe.”

1 Samuel 1:11 ပူးပေါင်းရင်းမြစ်များ

Tongo nda ti aye 28:20

Jacob amu zendo, atene: “Tongana Nzapa ayeke na mbi si lo bata mbi na lege so mbi yeke tambula daa so, tongana lo mu na mbi kobe ti tengo ni na abongo ti yungo ni,

Tongo nda ti aye 29:32

Lea amu ngo, lo du molenge-koli si lo di iri ti lo Ruben, ngbanga ti so lo tene: “KOTA GBIA abaa vundu ti be ti mbi awe. Fadeso koli ti mbi ayeke ye mbi.”

Tongo nda ti aye 30:22

Nzapa adabe ti lo na Rachel; Nzapa ama sambela ti lo si azi na lo lege ti dungo ni.

Tongo nda ti aye 8:1

Nzapa adabe ti lo na Noe, na anyama kue ti ngonda, na ala ti kodro so kue ayeke na tere ti lo na ya ti mangboko ni. Nzapa asara si mbeni pupu alondo, aya na ndö ti sese si ngu ni ato nda ti kiri.

2 Samuel 16:12

E hinga pepe, fade KOTA GBIA ayeke baa mawa ti mbi. E hinga pepe, lo yeke sanze dengo ba ti laso titene aga nzoni ye ndali ti mbi.”

Abia (Psaumes) 25:18

Baa mawa ti mbi na pasi ti mbi; zi siokpari ti mbi kue na li ti mbi.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Amato 31:2

“Molenge ti mbi, taa molenge ti ya ti mbi! Mo yeke molenge ti zendo so mbi mu; mo ma mbi si.

Zo ti bongbingo azo 5:4

Tongana mo mu zendo pepe, so ayeke nzoni ahon titene mo mu zendo si mo sara ye ni pepe.

Awayango-sandaga 27:2

Tene na azo ti Israel, mo tene: “Tongana mbeni zo amu zendo ti mu mbeni zo na KOTA GBIA, lo lingbi ti mu nginza so alingbi na ngere ti zo ndali ti zendo so lo mu.

Wungo ti azo 21:2

Tongaso, azo ti Israel adeba yanga ti ala na *KOTA GBIA, ala tene: “Tongana mo zia azo so na maboko ti e, fade e yeke buba agbata ni biani biani si aga ti mo, KOTA GBIA.”

Wungo ti azo 6:11

Wayango-sandaga ayeke mu mbeni ndeke ni oko na *sandaga ti zingo siokpari na li ti zo, lo yeke mu mbeni ndeke ni na sandaga so a yeke gbi ni kue na wâ. Na pekoni, lo yeke sara ye ti fa so KOTA GBIA azi siokpari awe na li ti nazir ni ndali ti zo so akui so. Gi na lango ni so, a yeke kiri ti zia li ti nazir ni nde ndali ti Nzapa.

Wungo ti azo 6:5

Na ngoi so kue lo deba yanga ti lo ti ga nazir, alingbi lo kio kua ti li ti lo pepe; lo yeke zia tere ti lo nde ndali ti Nzapa, lo yeke zia kua ti li ti lo ayo yongo, ngbii ngoi so lo mu tere ti lo kue ti sara na kua ti KOTA GBIA ahunzi si.

Wungo ti azo 6:8

“Na ngoi so kue lo ngba nazir, lo yeke duti nde ndali ti KOTA GBIA.

Awafango-ngbanga 11:30

Yefte amu zendo na KOTA GBIA, lo tene: “Tongana mo zia azo ti Amon na maboko ti mbi,

Awafango-ngbanga 13:5

ngbanga ti so mo yeke mu ande ngo si mo yeke du molenge-koli. Fade a yeke fâ kua ti li ti molenge ni pepe, lo yeke duti nazir, gi na ndembe so lo de na ya ti mama ti lo. Lo laa lo yeke to nda ti soo azo ti Israel na maboko ti azo ti Filistii.”

1 Samuel 1:10

Vundu ahon ndö ti Anne, lo yeke toto mingi si lo yeke sambela KOTA GBIA.

1 Samuel 1:12

So Anne angba ti sambela KOTA GBIA si sambela ni aninga, Heli ayeke baa yanga ti lo.

1 Samuel 1:19

Na kota ndaperere, Elkana na asewa ti lo alondo si ala kuku na gbe ti KOTA GBIA. Na pekoni, ala kiri na kodro ti ala na Rama. Elkana na wali ti lo Anne aduti koli na wali si *KOTA GBIA adabe ti lo na Anne.

1 Samuel 1:22

Me ti so ni, Anne ague pepe. Lo tene na koli ti lo: “Mbi yeke ku ti zi molenge ni na me si mbi gue na lo na Silo; mbi yeke fa lo na KOTA GBIA si lo yeke ngba kâ biani biani.”

1 Samuel 1:27

Baa molenge so lani mbi sambela KOTA GBIA ngbanga ti lo so laa. KOTA GBIA ama sambela ti mbi si amu lo na mbi.

1 Samuel 1:28

Fadeso, mbi nga, mbi ye ti mu lo na KOTA GBIA; mbi mu lo na KOTA GBIA titene lo ga zo ti KOTA GBIA na lango ti fini ti lo kue.” Na pekoni, Elkana na asewa ti lo akuku, akpo li ti ala na sese na gbe ti KOTA GBIA.

1 Samuel 2:20

Heli asara tufa na ndö ti Elkana na wali ti lo, atene: “Ayeke nzoni KOTA GBIA asara si mo na wali so akiri adu amolenge na peko ti molenge so ala mu na KOTA GBIA so.” Na pekoni, Elkana na wali ti lo akiri na da ti ala.