1 Samuel 1:10 - Mbeti ti Nzapa - Tënë so amu fini

¹⁰ Vundu ahon ndö ti Anne, lo yeke toto mingi si lo yeke sambela KOTA GBIA.

1 Samuel 1:10 ပူးပေါင်းရင်းမြစ်များ

Tongo nda ti aye 30:1

So Rachel abaa atene lo yeke du molenge na Jacob pepe, lo sara kota be na tere ti ita ti lo. Rachel atene na Jacob: “Mu na mbi amolenge, tongaso pepe mbi yeke kui.”

Tongo nda ti aye 50:10

So ala si na ndö ti lakere ti Atad, so ayeke na mbage ti ngu ti Jourdain, ala luti si ala kiri atoto kuâ ni ngangu mingi. Joseph akiri asara mua ti babâ ti lo na ya ti lango mbarambara.

2 Samuel 13:36

Gi so lo hunzi ti tene tënë tongaso, amolenge ti gbia asi. Ala ti na kota toto; gbia na azo ti yangbo ti lo kue atoto mingi nga.

2 Samuel 17:8

Mo hinga babâ ti mo na azo ti lo kue: ala kue ayeke akpengba turugu, ala sara ngonzo mingi tongana ti *urse so a nzi molenge ti lo na ya ti ngonda. Babâ ti mo ayeke zo ti bira; na bi, lo na tanga ti azo ti lo ayeke lango na ndo oko pepe.

2 Agbia 20:3

“Ae! KOTA GBIA, mbi gbu gere ti mo, mo dabe ti mo so mbi sara ye na le ti mo na lege ti taa-tënë si mbi sara ni na be ti mbirimbiri. Mbi sara nga ye so ayeke nzoni na le ti mo.” Na pekoni Ezekias atoto mingi.

Mbeti ti Job 10:1

Nzara ti gigi ni ahunzi na be ti mbi awe! Mbi yeke kiri ti kanga be ti mbi na demango tere ti mbi pepe; mbi ye ti sigigi na sengo ye so ayeke na be ti mbi.

Mbeti ti Job 7:11

Ndani laa, mbi lingbi ti kanga yanga ti mbi pepe. Ataa vundu ayeke na be ti mbi, mbi yeke tene tënë; ataa be ti mbi aso mingi, mbi yeke dema tere ti mbi.

Mbeti ti Job 9:18

Lo yeke zia lege kete na mbi pepe titene mbi wu pupu; me lo yeke sara si sengo ye asi singo na be ti mbi.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Amato 14:10

Vundu ti be ti zo, lo wani laa lo hinga ni; ngia ti be ti lo, mbeni zo nde alingbi ti kangbi ni na lo pepe.

Ésaïe 38:15

So KOTA GBIA laa asara ye ni so, fade mbi tene nyen na lo si lo kiri tënë na mbi? Lango akpe le ti mbi ndali ti vundu so ayeke na be ti mbi.

Ésaïe 54:6

Mo yeke tongana wali so koli ado lo azia, vundu ahon ndö ti mo. Me fadeso KOTA GBIA airi mo si Nzapa ti mo atene: Wali so koli ti lo amu lo na ndembe so koli ni ade maseka, koli ni alingbi ti tumba lo tongana nyen?

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 22:10

Ala azo ti Juda, lo so akui awe so, ala toto lo pepe! Ala toto tere ti ala ndali ti lo pepe! Me ala toto mingi ndali ti lo so ayeke hon hongo so. Ala toto lo mingi, ngbanga ti so kodro so a du lo daa, lo yeke kiri ti baa ni pepe.

Abia ti demango tere 3:15

Lo mu na mbi asengo pere si mbi te ahon ndö ti mbi; lo mu na mbi ye so asee sioni si mbi nyon ahon ndö ti mbi.

Nzoni Tënë so Luc asu na mbeti 22:44

So mbeto angba ti sara lo ahon ndoni, lo kiri lo sambela Nzapa ngangu. Gbiki asigigi na tere ti lo tongana angbongboro mene si ayeke yuru na sese.]

Ahebro 5:7

Na ngoi so Jésus ayeke na sese so, lo hinga so Nzapa alingbi ti soo lo na kuâ. Lo sambela, lo voro tere ti lo na Nzapa, lo dekongo, lo toto na ngu ti le. Nzapa ama lo, ngbanga ti so lo sara tere ti lo kete si lo ma yanga ti Nzapa.

Awafango-ngbanga 21:2

Azo ti kodro ni kue akiri ague na Betel, ala duti kâ na dawa ti *KOTA GBIA ngbii asi na lakui. Ala dekongo si ala toto mingi.

Ruth 1:20

Noemi atene na ala: “Ala iri mbi Noemi pepe; me ala iri mbi Mara, so ti tene: ‘zo ti mawa’. Ala iri mbi zo ti mawa, ngbanga ti so Nzapa so ngangu ti lo ahon angangu kue asara si aye ti vundu mingi asi na mbi.

1 Samuel 1:11

Lo mu zendo, lo tene: “KOTA GBIA, mo so mo yeke na ndö ti dunia kue, baa mawa ti mbi, zo ti gbe ti mo. Dabe ti mo na mbi, mo girisa mbi pepe. Mu na mbi molenge-koli, fade mbi kiri mbi mu lo na mo, KOTA GBIA titene lo sara kua na mo na lango ti fini ti lo kue. Fade a yeke kio kua ti li ti lo oko pepe.”

1 Samuel 1:9

So ala te si ala nyon na Silo awe, Anne alondo ague na yanga ti da ti Nzapa. Wayango-sandaga Heli ayeke duti na ndö ti mbata ti lo na yanga ti da ti KOTA GBIA.