1 Samuel 1:1 - Mbeti ti Nzapa - Tënë so amu fini

¹ Mbeni koli ayeke daa, iri ti lo Elkana; lo yeke lango na Ramataim-Sofim, na sese ti Efraim, ndo so ahoto ayeke daa. Lo yeke molenge ti Yeroam; Yeroam ayeke molenge ti Elihu; Elihu ayeke molenge ti Tohu; Tohu ayeke molenge ti Suf, zo ti mara ti Efraim.

1 Samuel 1:1 ပူးပေါင်းရင်းမြစ်များ

1 Agbia 11:26

Yeroboam, molenge ti Nebat ayeke mbeni zo ti kua ti Salomon. Nebat ayeke zo ti mara ti Efraim, zo ti kodro ti Sereda; iri ti mama ti lo ayeke Serua, mbeni wali-mua. Yeroboam atomboka na tere ti gbia.

1 Mbai 6:12

Eliab ayeke molenge ti Nahat, Yeroam ayeke molenge ti Eliab, Elkana ayeke molenge ti Yeroam.

1 Mbai 6:22

Tahat, Tahat ayeke molenge ti Asir, Asir ayeke molenge ti Abiasaf, Abiasaf ayeke molenge ti Kore, Kore ayeke molenge ti

1 Mbai 6:33

Ambeni ita ti ala, azo ti mara ti Lévi ayeke sara ambeni kua nde na ya ti kota da ti Nzapa.

1 Mbai 6:34

Kua ti Aaron, lo na ahale ti lo ayeke ti ya *asandaga ti nyama na ndö ti gbalaka ti sandaga so a yeke gbi ni kue na wâ; ala yeke ya nga asandaga ti dukani na ndö ti gbalaka ti zongo dukani. Ala yeke baa lege ti akua ti ndo so ayeke nde si ayeke nzoni kue ahon atanga ni, ala yeke sara ye titene Nzapa azi siokpari na li ti azo ti Israel, alingbi gi na atënë ti yanga ti Moïse, zo ti kua ti Nzapa.

Matthieu 27:57

Na lakui, mbeni zo ti mosoro ti gbata ti Arimate aga, iri ti lo Joseph; lo nga lo yeke disiple ti Jésus.

Josué 24:33

Elazar, molenge ti Aaron, akui nga. A lu lo na ndö ti kete hoto so a mu na molenge ti lo Pinas, na sese ti Efraim, ndo so ahoto ayeke daa.

Awafango-ngbanga 12:5

Na pekoni, azo ti Galaad ague si ala kanga ndo so a yeke fâ ngu ti Jourdain daa na gere; ala kanga lege na azo ti Efraim. Tongana mbeni zo ti Efraim akpe, asi na ndo so si lo ye ti fâ ngu, ala yeke hunda lo: “Mo yeke zo ti Efraim?” Tongana lo tene: “Ên-en”,

Awafango-ngbanga 17:1

Mbeni koli ayeke daa, iri ti lo Mika; lo yeke lango na sese ti Efraim, ndo so ahoto ayeke daa.

Awafango-ngbanga 19:1

Na ngoi ni so, gbia ayeke na Israel pepe. Mbeni zo ti mara ti Lévi ayeke daa, lo lango tongana gene na mbeni ndo yongoro na sese ti Efraim, ndo so ahoto ayeke daa. Lo mu mbeni wali na gbata ti Betlehem, na sese ti Juda.

Awafango-ngbanga 4:5

Lo yeke duti na gbe ti keke ti mburu so a iri ni “Keke ti mburu ti Debora”; ndo ni ayeke na popo ti gbata ti Rama na Betel, na sese ti Efraim, na ndo so ahoto ayeke daa. Kâ laa azo ti Israel ayeke gue ti baa lo titene lo fâ ya ti angbanga ti ala.

Ruth 1:2

Iri ti koli so ayeke Elimelek; iri ti wali ti lo ayeke Noemi; iri ti amolenge ti lo ti koli use ayeke Malon na Kilion. Ala yeke azo ti kete mara ti Efrata na kodro ti Betlehem, na sese ti Juda. Ala si na sese ti Moab si ala sara kodro kâ.

Ruth 4:22

Obed adu Yese; Yese adu David.

1 Samuel 1:19

Na kota ndaperere, Elkana na asewa ti lo alondo si ala kuku na gbe ti KOTA GBIA. Na pekoni, ala kiri na kodro ti ala na Rama. Elkana na wali ti lo Anne aduti koli na wali si *KOTA GBIA adabe ti lo na Anne.

1 Samuel 17:12

David ayeke molenge ti Yese, zo ti kete mara ti Efrata; Yese ayeke lango na Betlehem, na sese ti Juda. Lo yeke na amolenge-koli miombe. Na ndembe so Saul ayeke gbia, lo ga mbakoro ahon ndoni.

1 Samuel 2:11

Na pekoni, Elkana akiri na da ti lo na kodro ti Rama. Ti molenge ni, lo ngba ti lo ti sara kua na KOTA GBIA na gbe ti wayango-sandaga Heli.

1 Samuel 7:17

Na pekoni, lo yeke kiri na Rama, ngbanga ti so da ti lango ti lo ayeke kâ. Kâ laa lo yeke fâ ngbanga ti azo ti Israel si lo sara nga gbalaka ndali ti KOTA GBIA.

1 Samuel 9:4

Saul na zo ti kua ni ahon na sese ti Efraim, ndo so ahoto ayeke daa; ala hon na ya ti sese ti Shalisha, ala wara anyama ni pepe. Ala hon na ya ti sese ti Shaalim, ye oko ala wara pepe. Ala hon na ya ti sese ti Benjamin, ala gi ndo gbaa.

1 Samuel 9:5

So ala si na sese ti Suf awe, Saul atene na zo ti kua ti lo: “E kiri na kodro. Tongana e kiri pepe, fade be ti babâ ti mbi ayeke girisa na tënë ti amama ti lele ni si lo yeke gi be ti lo ndali ti e.”