1 Pierre 5:7 - Mbeti ti Nzapa - Tënë so amu fini

⁷ Aye so kue ala yeke gi be ti ala daa, ala zia ni kue na maboko ti Nzapa, ngbanga ti so lo laa lo yeke bata ala.

1 Pierre 5:7 ပူးပေါင်းရင်းမြစ်များ

Abia (Psaumes) 34:15

Mo ke lege ti sioni ye, mo sara nzoni ye; mo gi lege ti siriri, mo ngba daa.

Abia (Psaumes) 37:5

Zia gigi ti mo na maboko ti KOTA GBIA, zia be ti mo na ndö ti lo, fade lo yeke sara na mo.

Abia (Psaumes) 40:17

Me azo so kue ayeke gi mo, ayeke nzoni ala dodo na ngia ndali ti mo. Azo so aye mo, Wasongo azo na kuâ, ayeke nzoni ala ngba lakue ti tene: “KOTA GBIA ayeke kota!”

Abia (Psaumes) 55:22

Tënë ti yanga ti lo anzere tongana mafuta ti wotoro, me tënë ti bira ayeke na be ti lo kâ. Atënë ti yanga ti lo ayeke woko zo ahon mafuta, me atënë ni ayeke kpo zo tongana zeme.

Amato 16:3

Ye so mo yeke sara, mo zia ni na maboko ti KOTA GBIA si fade apialo ti mo ayeke ga nzoni.

Matthieu 6:27

Zo wa na popo ti ala, na lege ti gingo be ti lo, lo lingbi ti zia mbeni lango oko na ndö ti alango ti fini ti lo?

Matthieu 6:28

“Ngbanga ti nyen si ala yeke gi be ti ala ndali ti bongo? Ala baa lege so akongo ti ngonda ayeke kono na ni: ala yeke sara kua pepe, ala yeke leke nga bongo pepe.

Matthieu 6:31

Tongaso, ala gi be ti ala pepe, atene: ‘Fade e yeke te nyen? Fade e yeke nyon nyen? Fade e yeke wara bongo na ndo wa ti yu?’

Marc 4:38

Jésus ayeke lango na mbage ti ngbonda ti ngo ni; lo zia li ti lo na ndö ti koli. Adisiple ti lo azingo lo, atene: “Wafango-ye, kuâ so e yeke na ya ni so, ayeke senge na le ti mo?”

Nzoni Tënë so Luc asu na mbeti 12:22

Na pekoni, Jésus atene na adisiple ti lo: “Ndani laa, mbi tene na ala: Ala gi be ti ala pepe ndali ti fini ti ala wala ndali ti tere ti ala, atene: ‘Fade e yeke te nyen? Fade e yeke wara bongo na ndo wa ti yu?’

Nzoni Tënë so Luc asu na mbeti 12:26

So akete kete ye ahon ndö ti ala so, ngbanga ti nyen si ala yeke gi be ti ala ndali ti tanga ti aye?

Jean 10:13

Zo so ayeke sara kua gi ndali ti nginza ayeke bata ataba ni nzoni pepe.

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

1 Samuel 30:6

Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.