1 Pierre 5:2 - Mbeti ti Nzapa - Tënë so amu fini

² Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.

1 Pierre 5:2 ပူးပေါင်းရင်းမြစ်များ

2 Agbia 12:6

ayeke nzoni wayango-sandaga oko oko aro ni na maboko ti azo ti batango nginza ti lo. Ala yeke mu nginza ni ti leke na kota da ti KOTA GBIA, na ndo so kue ye abuba daa.”

B. ti abia 1:8

Mo so mo yeke pendere mo hon awali kue so, tongana mo hinga pepe, mo mu peko ti gere ti ataba, mo fa lege na akete nyama ti mo, ngbii asi na tere ti agbefa ti awabatango-taba.

Ésaïe 40:11

Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Ésaïe 56:11

Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Ésaïe 6:8

Tongaso mbi ma go ti Kota Gbia, atene: “Zo wa laa mbi yeke tokua lo, zo wa? Zo wa laa ayeke gue ti tene peko ti tënë ti yanga ti e, zo wa?” Mbi kiri tënë, mbi tene: “Mbi laa, mo tokua mbi!”

Ésaïe 63:11

Tongaso, azo ti lo adabe ti ala na ngoi ti giriri, ngoi so Moïse ayeke ando na ala: “Lo so lo sara si azo ti lo so ayeke tongana ataba ti lo nga na amakonzi ti ala afâ kota ngu-ingo si ala sigigi so, lo yeke na ndo wa? Lo so ando lo zia yingo ti lo so ayeke nde si ayeke nzoni kue na popo ti azo ti lo so, lo yeke na ndo wa?

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 13:20

“Jérusalem, yo le ti mo na nduzu, mo baa ndo: awato ti mo alondo na mbage ti Banga si ayeke ga Azo so lani a mu ala na mo titene mo bata ala so ayeke na ndo wa? Ataba so lani mo yeke pika kate ti mo ndali ti ala so ayeke na ndo wa?

Jérémie 6:13

ngbanga ti so, ti londo na kete zo na popo ti ala asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Jérémie 8:10

“Ndani laa, KOTA GBIA atene: mbi yeke mu awali ti ala na ambeni zo nde; mbi yeke mu ayaka ti ala na azo si ayaka ni aga ti azo ni biani. Biani, ti londo na kete zo asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Ezekiel 34:23

Mbi yeke zia gi wabatango-taba oko na ndö ti ataba ti mbi titene lo bata ala. Wabatango-taba ni ayeke duti David, zo ti kua ti mbi. Lo laa lo yeke gi kobe na ataba ni, lo laa lo yeke duti wabatango ala.

Ezekiel 34:31

“Ala azo, ala yeke ataba ti mbi, ataba so mbi yeke mu na ala kobe. Biani, mbi yeke Nzapa ti ala. So tënë ti yanga ti Kota Gbia NZAPA laa.”

Ezekiel 46:24

Koli ni atene na mbi: “So ndo ti tongo kobe laa. Anyama so azo amu na sandaga, azo ti kua ti kota da ti Nzapa ayeke to ni na ndo so.”

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Mishe 5:4

Lo wani laa lo yeke mu siriri na azo. “Tongana azo ti Asirii aga ti mu kodro ti e si ala li na ya ti ayangbo ti agbia ti e, fade e yeke tokua azo ti li ni mbarambara na amakonzi miombe ti tiri bira na ala.

Mishe 7:14

KOTA GBIA, na keke ti mo, mo fa lege na azo ti mo tongana ti so wabatango-taba ayeke fa lege na ataba ti lo. Azo ni aga ye ti mo awe. Fadeso ala yeke duti gi ala oko na ya ti ngonda, me anzoni sese so akeke ayeke sigigi daa pendere angoro tere ni kue. Gue na azo ti mo na nzoni sese ti Bashan na ti Galaad, tongana ti so mo sara ando.

Zakarii 11:17

Mawa na wabatango-taba so lo hinga ndo pepe, lo so lo do ataba ti lo, lo zia ala so! Ayeke nzoni a de maboko ti lo si a koro le ti lo ti mbage ti koli na ya ti bira! Ayeke nzoni maboko ti lo ahole biani biani, le ti lo ti mbage ti koli amingo biani biani!

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Wungo ti azo 18:7

Me mo, Aaron na amolenge ti mo, ala yeke sara kua ti ala ti wayango-sandaga na ndo so gbalaka ayeke daa nga na ndo so ayeke nde si ayeke nzoni kue ahon atanga ni; so ti tene na peko ti ridoo so akangbi ya ti da ni so. Mbi laa mbi mu na ala kua ni. Tongana mbeni senge zo aga nduru na ndo ni, fade a yeke fâ lo.”

Nzoni Tënë so Luc asu na mbeti 12:32

“Ala azo so ayeke tongana bongbi ti akete taba, ala sara mbeto pepe, ngbanga ti so a nzere na Babâ ti ala ti mu Kodro-gbia ni na ala!

Awatokua 20:29

Mbi hinga, mbi tene, na peko ti mbi, fade ambeni sioni mbo ti ngonda ayeke ga na popo ti ala ti fâ ataba ni.

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Rome 1:15

Ndani laa mbi yeke na nzara ti fa nga Nzoni Tënë na ala, ala so ayeke na Rome.

1 Korente 9:7

Zo wa laa ali na kua ti turugu awe si ayeke te ye na nginza ti bozo ti lo wani? Zo wa laa ayeke fâ yaka ti *vinye si lo yeke te ale ti vinye ni pepe? Zo wa laa ayeke bata abagara si lo yeke nyon ngu ti me ti abagara ni pepe?

1 Timothée 3:3

lo yeke ngbaa ti samba pepe, lo yeke zo ti tiri pepe, me lo yeke zo ti nzoni be, lo yeke sara ngangu na amba ti lo pepe; nzara ti nginza ahon ndö ti lo pepe;

1 Timothée 3:8

Alingbi *adiakre nga aduti azo so ayeke ne tere ti ala; tënë ti yanga ti ala ayeke use use pepe, ala yeke angbaa ti samba pepe, ala gi ti wara ye na lege ti sioni pepe.

Tite 1:11

Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

Tite 1:7

Zo ti li ti Eglize ayeke wabatango lege ti aye ti Nzapa, nilaa alingbi lo yeke zo so tënë ayeke na li ti lo pepe. Lo yeke zo ti pikango kate pepe, zo ti ngonzo pepe, ngbaa ti samba pepe, zo ti tiri pepe; lo yeke zo ti warango nginza na lege ti likisi pepe.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Tite 3:1

Mo kiri mo tene na azo kue: alingbi ala ma yanga ti azo ti komandema na ti azo so ayeke na li ti kodro; alingbi ala sara ye so azo ni ahunda na ala, ala duti nduru ti sara nzoni ye lakue.

Philémon 1:14

Me mbi ye ti sara mbeni ye pepe gi tongana mbi hinga tënë ti be ti mo si. Titene mo sara nzoni na mbi, mbi ye ti gbu mo na ngangu pepe, me mbi ye mo sara ye so be ti mo afa na mo ti sarango ni.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.