1 Pierre 5:14 - Mbeti ti Nzapa - Tënë so amu fini

¹⁴ Ala bara tere na popo ti ala na sungo ngbangba na lege ti ndoye ti azo ti Christ. Ala duti na siriri, ala so kue aga oko na Christ!

1 Pierre 5:14 ပူးပေါင်းရင်းမြစ်များ

Matthieu 5:47

Tongana ala yeke bara gi a-ita ti ala, ye so ala sara ahon tanga ti azo na ni ayeke nyen? Azo so ahinga Nzapa pepe ayeke sara nga tongaso pepe?

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Jean 20:19

Na lakui ti layenga ni, adisiple abongbi tere ti ala na ya ti mbeni da. Ala kanga yanga ti da ni na ndö ti ala, ngbanga ti so mbeto ti amakonzi ti azuife asara ala. Jésus aga si lo luti na popo ti ala, lo tene na ala: “Siriri aduti na ala!”

Jean 20:26

Yenga oko na pekoni, adisiple akiri abongbi tere ti ala na ya ti da, Thomas ayeke na popo ti ala. Ala kanga yanga ti da ni na kerere, me Jésus aga si lo luti na popo ti ala, lo tene: “Siriri aduti na ala!”

Rome 1:7

Mbi tokua mbeti so na ala so kue ayeke na Rome, ala so Nzapa aye ala mingi si lo iri ala ti ga azo ti lo. Ayeke nzoni Nzapa Babâ ti e na Kota Gbia Jésus Christ asara nzoni be na ala si amu na ala siriri.

Rome 16:16

Ala bara tere na popo ti ala na lege ti sungo ngbangba so ayeke nzoni na le ti Nzapa. A-Eglize ti Christ kue abara ala.

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

1 Korente 16:20

A-ita so kue ayeke ge abara ala. Ala bara tere na popo ti ala na lege ti sungo ngbangba so ayeke nzoni na le ti Nzapa.

2 Korente 13:12

Ala bara tere na popo ti ala na sungo ngbangba so ayeke nzoni na le ti Nzapa. Azo ti Nzapa kue abara ala.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

Efeze 6:23

Ayeke nzoni Nzapa Babâ, na *Kota Gbia Jésus Christ amu na a-ita siriri, ndoye na mabe!

1 Tesalonike 5:26

Ala bara a-ita kue na sungo ngbangba so ayeke nzoni na le ti Nzapa.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

3 Jean 1:14

Mbi ye ti baa mo na ya ti alango so ayeke ga si mbi na mo, e tene tënë na yanga.