1 Pierre 4:3 - Mbeti ti Nzapa - Tënë so amu fini

³ Ando, ala mu ngoi mingi ti sarango na aye tongana ti azo so ahinga Nzapa pepe. Ala yeke sara aye ti ndumba, ala yeke sara nzara ti aye ti amba ti ala, ala yeke angbaa ti samba, ala yeke sara matanga ti te, ti nyon butuma, ala yeke voro anzapa nde, ye so akpa titene zo asara ni pepe.

1 Pierre 4:3 ပူးပေါင်းရင်းမြစ်များ

2 Samuel 13:28

Na pekoni, Absalom amu yanga na azo ti kua ti lo, atene: “Ala baa Amnon nzoni. Na ndembe so lo nyon samba ahon ndö ti lo si be ti lo ayeke na ngia, tongana mbi tene na ala: ‘Ala pika Amnon!’, fade ala pika lo, ala fâ lo. Ala sara mbeto pepe, mbi laa mbi mu yanga na ala! Ala gbu ngangu, ala sara ye ti koli!”

1 Agbia 21:26

Mara ti asioni ye so lo sara so, zo alingbi ti baa na le ti lo fani use pepe: lo mu peko ti anzapa nde ti voro ala gi tongana ti so azo ti mara ti Amori asara ando, azo so KOTA GBIA atumba ala si lo mu ndo ti ala na azo ti Israel.

2 Mbai 15:8

So Asa ama atënë so nga na tënë so wayanga-Nzapa Oded atene na peko ti yanga ti Nzapa, lo wara ngangu si lo zi ayanda so ayeke na sese ti Juda na ti Benjamin; lo zi nga ayanda so ayeke na ya ti agbata so lo mu na bira si ayeke na sese ti Efraim, ndo so ahoto ayeke daa. Na pekoni, lo leke gbalaka ti KOTA GBIA so ayeke na dawa ti kubu so azo ayeke hon daa ti li na ya ti kota da ti Nzapa.

Ésaïe 28:7

Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Ésaïe 5:11

Mawa na ala, azo so alondo na kota ndaperere ti mu loro na peko ti angangu samba! Ti londo na ndaperere ngbii asi na lakui, samba ni angba ti sara ala.

Ésaïe 65:4

Ala yeke duti na popo ti asende ti kuâ, ala yeke lango na ya ti adu ti têne; ala yeke te kasa ti nguru, ya ti asembe ti ala asi singo na kobe so ayeke *sioni mingi.

Jérémie 16:11

Tongaso, fade mo yeke kiri tënë: ‘So tënë ti yanga ti KOTA GBIA laa: Kota kpale ni ayeke ti na ndö ti ala, ngbanga ti so akotara ti ala ado mbi, azia, ala mu peko ti anzapa nde ti voro ala, ala ti akpo li ti ala na sese na gbe ti ala. Me mbi, akotara ti ala ni ado mbi, azia, ala ke ti sara ye alingbi na ye so mbi fa na ala.

Jérémie 16:18

Mbi yeke mu na ala kozoni futa fani use alingbi na sioni nga na siokpari ti ala, ngbanga ti so ala sara si kodro ti mbi aga sioni. Ye so aga ti mbi, ala sara si asi singo na afungo nzapa ti ala so ayeke na fini pepe so; ala sara si ye ti mbi ni asi singo na asioni nzapa ti ala so zo alingbi ti baa na le ti lo fani use pepe so.”

Ezekiel 44:6

“Fade mo yeke tene na azo ti Israel, azo ti ngangu li so, mo tene: Tënë so Kota Gbia NZAPA atene ayeke so: Ala azo ti Israel, asioni sarango ye ti ala kue so zo alingbi ti baa na le ti lo fani use pepe so, ahon ndoni awe!

Ezekiel 45:9

Tënë so Kota Gbia NZAPA atene ayeke so: “Ala amakonzi ti Israel, ala sara ye ni ahon ndoni awe! Ala zia ti sara ngangu na azo, ti nzi aye ti azo. Ala sara ye na legeni; ala fâ ngbanga mbirimbiri; ala zia ti mu ye ti azo ti mbi na ngangu. So tënë ti yanga ti Kota Gbia NZAPA laa.

Marc 7:22

gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti buba.

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

Rome 13:13

Alingbi fini ti e aduti na legeni mbirimbiri tongana ti azo so ayeke sara ye na kota lâ. E te kobe wala e nyon samba ahon ndoni pepe, e sara aye ti kirikiri wala aye ti ndumba pepe, e papa wala e sara kota be pepe.

1 Korente 12:2

Na ndembe so ala de ando ti hinga Nzapa pepe, a gboto ala ti gue na peko ti anzapa nde so ayeke tene tënë laoko pepe.

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

2 Korente 12:21

Mbeto asara nga mbi titene tongana mbi kiri mbi si na ala kâ, Nzapa azia kamene na le ti mbi na dawa ti ala. Mbi hinga pepe, fade mbi yeke toto ndali ti azo mingi na popo ti ala so angba ti sara siokpari tongana ti ando; ala ngba na lege ti sarango aye ti sioni, aye ti kamene na aye ti ndumba.

Galasii 5:19

Aye so asioni nzara ti be ti zo ayeke sara ni si azo ahinga ni kue ayeke: gingo wali wala gingo koli kirikiri, sarango ye ti ndumba, sarango ye ti kamene,

Galasii 5:21

sarango nzara ti ye ti zo, nyongo samba na tengo kobe butuma, na ambeni mara ti ye tongaso. Mbi tene tënë so na ala kozoni awe, mbi yeke kiri na ndö ni: azo ti sarango aye tongaso, *Kodro-gbia ti Nzapa ayeke ga ti ala pepe.

Efeze 5:18

Ala nyon samba ahon ndö ti ala pepe: nyongo samba ahon ndoni ayeke buba gigi ti ala; me ala zia lege na Yingo-Vuru ti si ala singo.

1 Tesalonike 4:5

Ala sara ye na lege ti asioni nzara ti be ti ala pepe, tongana ti azo ti amara nde so ahinga Nzapa pepe.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

1 Pierre 1:14

Ala sara ye tongana amolenge so ayeke ma ndo. Ala sara ye pepe na lege ti anzara ti be ti ala so ala yeke na ni ando, na ngoi so ala de ti hinga ndo pepe so.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.