1 Pierre 4:17 - Mbeti ti Nzapa - Tënë so amu fini

¹⁷ Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?

1 Pierre 4:17 ပူးပေါင်းရင်းမြစ်များ

Ésaïe 10:12

Tongana KOTA GBIA ahunzi ande akua ti lo kue na li ti hoto ti *Sion nga na Jérusalem awe, fade lo yeke ga na tere ti gbia ti Asirii ndali ti kuru baba ti lo nga ndali ti bango azo tongana mbumbuse ye.

Jérémie 25:29

Biani, gbata so a zia nde ndali ti mbi, mbi yeke to nda ti tokua kota kpale ti ti na ndö ni. Ala baa ti ala atene, ala yeke sigigi na ya ni? Oko pepe, fade ala yeke sigigi na ya ni pepe. Me gi bira laa mbi yeke tokua na tere ti azo ti dunia kue; so tënë ti yanga ti KOTA GBIA laa.”

Jérémie 49:12

Tënë so KOTA GBIA atene ayeke so: “Azo so alingbi fade ti nyon kopo ti mbi pepe, a fâ ngbanga na li ti ala titene ala nyon ni. Ti mo, Edom, mo lingbi ti kpe ngbanga ni tongana nyen? Fade mo yeke sigigi na ya ni oko pepe. Kopo ni so, fade mo yeke nyon ni biani!

Ezekiel 9:6

Ataa ambakoro, ataa amaseka-koli wala amaseka-wali, ataa amolenge wala awali, ala fâ ala, ahunzi ala kue. Me azo so nzoroko ayeke na ndö ti le ti ala, ala ndu ala pepe. Ala to nda ni ge na ndo so a zia ni nde ndali ti mbi.” Nilaa akoli ni ato nda ti fâ *akangba so ayeke na dawa ti kota da ti Nzapa.

Amos 3:2

“Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Nzoni Tënë so Luc asu na mbeti 23:31

Tongana azo asara tongaso na fini keke, fade ti holengo keke ayeke duti tongana nyen?”

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Rome 2:9

Azo so kue ayeke sara ye ti sioni, fade ye ti ngangu na pasi ayeke si na ala, azuife kozoni si na pekoni azo ti amara nde.

Galasii 3:1

Ala azo ti Galasii, so buba ti nyen? Zo wa laa aturne li ti ala, zo wa? Andaa, a fa na ala polele tënë ti kuâ ti Christ na ndö ti keke ti kroa!

Galasii 5:7

Kozoni, ala to nda ti sara ye nzoni mingi! Zo wa laa akanga lege na ala si ake na ala ti sara ye alingbi na taa-tënë, zo wa?

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

Ahebro 2:2

Tënë so Nzapa afa ando na lege ti *a-ange, aga taa-tënë. Azo so kue ake tënë ni, wala ala so aye ti ma ni pepe, Nzapa afâ ngbanga na li ti ala alingbi mbirimbiri na ye so ala sara.

Ahebro 2:4

Nzapa nga afa atene, tënë ni ayeke taa-tënë na lege ti aye ti kpene nde nde na aye ti dongo be nga na amatabisi ti Yingo-Vuru so lo kangbi na azo tongana ti so be ti lo aye.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.