1 Pierre 4:10 - Mbeti ti Nzapa - Tënë so amu fini

¹⁰ Nzapa amu amatabisi nde nde na zo oko oko. Tongaso, ayeke nzoni zo oko oko amu matabisi ni ti sara na nzoni na amba ti lo. Fade ala yeke ga anzoni ndombe ti aye nde nde ti Nzapa so lo mu na ala na lege ti nzoni be ti lo.

1 Pierre 4:10 ပူးပေါင်းရင်းမြစ်များ

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Matthieu 24:14

Fade a yeke fa Nzoni Tënë ti *Kodro-gbia na ndö ti dunia kue, tongaso si azo ti amara kue ama ni. Na pekoni, fade ye kue ayeke hunzi.”

Matthieu 24:21

ngbanga ti so, fade pasi ni ayeke duti kota mingi. Ngbene ye na tongo nda ti dunia ngbii asi fadeso, zo ade ti baa mara ti pasi tongaso laoko pepe. Na pekoni, fade zo ayeke kiri ti baa mara ti pasi so oko pepe.

Matthieu 24:45

“Zo ti kua so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti amba ti lo titene lo mu na ala kobe tongana ngbonga ni alingbi.

Matthieu 25:17

Lo so lo wara ale ti lôro ngbangbo use so asara nga legeoko tongaso si lo wara ambeni le ti lôro ngbangbo use na ndö ni.

Matthieu 25:44

Fade azo ni ayeke kiri tënë na lo: ‘*Kota Gbia, lawa laa nzara ti kobe wala nzara ti ngu asara mo, wala mo yeke wande, wala tere ti mo ayeke senge, wala tere ti mo aso, wala mo yeke na da ti kanga, e baa mo si e ke ti mu na mo maboko?’

Marc 10:45

ngbanga ti so *Molenge ti Zo aga titene azo asara kua na lo pepe, me lo ga ti sara kua na azo, ti ka tere ti lo na kuâ ti soo gba ti azo.”

Nzoni Tënë so Luc asu na mbeti 12:42

Kota Gbia atene na lo: “Ndombe so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti azo ti kua ti lo titene lo mu na ala kobe tongana ngbonga ni alingbi.

Nzoni Tënë so Luc asu na mbeti 19:13

Kozoni si lo hon, lo iri azo ti kua ti lo baleoko. Lo mu ale ti nginza baleoko so a sara na lôro si lo kangbi ni na ala; lo tene na ala: ‘Ala mu nginza so ade na buze ngbii asi na ngoi so mbi yeke kiri.’

Nzoni Tënë so Luc asu na mbeti 8:3

lo na Jeanne, wali ti Kuza, wabatango aye ti Herode, na Suzanne na ambeni wali mingi so ayeke mu ye ti ala wani ti mu maboko na Jésus na adisiple ti lo.

Rome 15:25

Me fadeso, mbi yeke gue na Jérusalem ti sara na azo ti Nzapa so ayeke kâ.

Rome 15:27

Ala wani aleke na be ti ala ti sara ye ni, ye so alingbi titene ala sara ni fade laa. So azo ti amara nde awara nzoni ye ti Nzapa na lege ti azuife, ayeke nzoni titene azo ti amara nde amu nga mbage ti ye so ala yeke na ni na azuife so ayeke na ya ti mawa.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

1 Korente 3:10

Na lege ti nzoni be so Nzapa asara na mbi, mbi sara kua tongana nzoni wakode ti sarango da; mbi leke gere ti da ni si mbeni zo nde asara da na ndö ni. Me ayeke nzoni zo oko oko asara hange na lege so lo yeke sara da na ndö ti gere ti da ni.

1 Korente 4:7

Biani, zo wa laa atene na mo atene, mo hon azo kue? Aye so mo yeke na ni so, Nzapa laa amu ni na mo pepe? Tongana Nzapa laa amu ni na mo, ngbanga ti nyen laa mo yeke gonda tere ti mo daa, mo baa mo tene, aye so mo yeke na ni so a mu na mo mungo pepe?

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

2 Korente 9:1

Tongana ayeke tënë ti mungo maboko na azo ti Nzapa so ayeke na Judée, so ayeke mbeni ye titene mbi tokua mbeti na ala ngbanga ni pepe.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Efeze 4:11

Lo laa lo mu amatabisi na azo; lo mu lege na ambeni ti ga *awatokua, wala awayanga-Nzapa, wala azo ti fango Nzoni Tënë, wala azo ti batango azo ti *Eglize wala awafango-ye.

2 Timothée 1:18

Ayeke nzoni Kota Gbia asara nzoni be na lo na lango ti ndani. Anzoni ye so lo sara na mbi na gbata ti Efeze, mo hinga tënë ni ahon tanga ti azo kue.

Tite 1:7

Zo ti li ti Eglize ayeke wabatango lege ti aye ti Nzapa, nilaa alingbi lo yeke zo so tënë ayeke na li ti lo pepe. Lo yeke zo ti pikango kate pepe, zo ti ngonzo pepe, ngbaa ti samba pepe, zo ti tiri pepe; lo yeke zo ti warango nginza na lege ti likisi pepe.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.

1 Pierre 5:12

Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.