1 Pierre 4:1 - Mbeti ti Nzapa - Tënë so amu fini

¹ Christ abaa pasi na ya ti tere ti lo ti zo. Tongaso, ala nga, ala hinga biani na be ti ala atene, zo so abaa pasi na ya ti tere ti lo ti zo, lo kangbi na siokpari awe. Alingbi tënë so aduti na be ti ala tongana mbeni ye ti bira.

1 Pierre 4:1 ပူးပေါင်းရင်းမြစ်များ

Ésaïe 1:16

Ala sukula tere ti ala, ala sara titene ala ga *nzoni! Asioni ye so ala sara, ala zi ni na le ti mbi, ala zia ti sara sioni.

Ezekiel 16:41

Ala yeke gbi ada ti mo, ala yeke de ngbanga na li ti mo na le ti gba ti awali. Mbi yeke sara si kua ti mo ti ndumba ni ahunzi biani biani, mo yeke kiri ti futa andeko ti mo ni pepe.

Marc 3:3

Jésus airi koli ni, atene: “Londo, mo luti na le ti azo kue!”

Rome 6:11

Ala nga, alingbi ala baa tere ti ala tongana ti so ala kui awe ti kangbi na siokpari si na lege ti gango so ala ga oko na Jésus Christ, ala yeke na fini ndali ti Nzapa.

Rome 6:2

Oko pepe! E so e kui si e kangbi na siokpari awe so, fade e yeke ngba na ya ti siokpari tongana nyen?

Rome 6:7

Biani, zo so akui awe, lo sigigi na gbe ti ngangu ti siokpari awe.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Efeze 6:13

Ndani laa, ala mu aye ti bira ti Nzapa kue. Tongaso, na ya ti sioni ngoi, ala lingbi ti luti nganganga na le ti wato, ala kiri na peko pepe, me ala tiri bira ni ngbii asi na ndani.

Ndia ti fani use ni 27:10

Fade ala yeke ma yanga ti lo, ala yeke sara ye alingbi na atënë ti ndia ti lo nga na andia ti lo so mbi yeke fa na ala laso.”

Filipe 2:5

Ayeke nzoni sarango ye na popo ti ala alingbi na ti azo so aga oko na Jésus Christ.

Ahebro 12:3

Ala dabe ti ala na Jésus, na pasi so lo baa na maboko ti azo ti siokpari so ake lo, tongaso si be ti ala awoko pepe si ala zia lege ni pepe.

Ahebro 4:10

Biani, Nzapa awu tere ti lo na peko ti akua so lo sara. Legeoko nga, zo so asi na ndo ti wungo tere ni so, andaa lo nga, lo yeke wu tere ti lo na peko ti akua so lo sara.

1 Pierre 2:21

Ye so Nzapa airi ala ndali ni laa, ngbanga ti so Christ nga abaa ando pasi ndali ti ala; lo sara tongaso ti fa lege na ala si ala mu tapande ti lo.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.