1 Pierre 2:24 - Mbeti ti Nzapa - Tënë so amu fini

²⁴ Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

1 Pierre 2:24 ပူးပေါင်းရင်းမြစ်များ

Tongo nda ti aye 22:6

Abraham amu akeke ti wâ ti zongo na sandaga ni si lo zia na ndö ti go ti molenge ti lo Isaac. Lo mu ale ti wâ na zeme si ala use kue ague legeoko.

Abia (Psaumes) 147:3

Azo so be ti ala afâ ka, lo laa lo yeke kai ni, lo yeke kanga ka ti ala.

Abia (Psaumes) 38:4

Ndali ti ngonzo ti mo, ya ti tere ti mbi kue gi na songo ni; ndali ti asiokpari ti mbi, abio ti mbi kue awoko.

Sigingo 28:38

Aaron ayeke yu palata ni so lakue na ndö ti le ti lo na ndembe so lo yeke ga na dawa ti mbi KOTA GBIA. Ndali ni, mbi yeke yeda na *asandaga so azo ti Israel ayeke ya na mbi, ataa ala sara asioni ye na lege ti gango na asandaga ni na mbi.

Amato 20:30

Tongana a pika zo si lo wara ka, ka ni alingbi ti ga tongana yoro ti kaingo na sioni ti lo; pikango zo alingbi nga ti *sukula ya ti be ti lo.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Awayango-sandaga 16:22

Tongaso koli-ngasa ni ayeke mu asioni kue ti azo ti Israel na li ti lo si lo hon na ni na ndo so zo ayeke daa pepe. “So a tokua koli-ngasa ni na benyama awe,

Awayango-sandaga 22:9

“Alingbi awayango-sandaga asara ye alingbi na atënë ti yanga ti mbi. Tongaso si ngbanga ati na li ti ala pepe ndali ti tënë ti kobe. Tongana ala sara si kobe ni aga sioni, fade ala yeke kui. Mbi laa mbi yeke KOTA GBIA so mbi sara titene ala duti nde si ala duti nzoni kue.

Wungo ti azo 18:22

Tongaso, tanga ti azo ti Israel alingbi ti pusu nduru na tere ti da ti bongo ni pepe si a mu lege na ala pepe ti ti na ya ti siokpari si ala kui.

Wungo ti azo 7:15

Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

Matthieu 27:26

Tongaso, Pilate azi Barabas na ala si lo mu yanga titene a pika Jésus na fimbo. Na pekoni, lo mu lo na ala titene a fâ lo na ndö ti keke ti kroa.

Matthieu 5:20

Mbi tene na ala: tongana ala sara ye ti mbirimbiri ahon ti awafango-ndia na ti *afarizien pepe, fade ala yeke li na ya ti Kodro-gbia ti yayu pepe.”

Matthieu 8:17

Lo sara tongaso titene tënë so wayanga-Nzapa Ésaïe atene ando, aga taa-tënë; lo tene: “Lo mu pasi ti e, lo hon na ni, lo yo akobela ti e na ndö ti lo.”

Marc 15:15

Pilate aye ti sara si be ti gba ti azo ni anzere; nilaa lo zi na ala Barabas. Na pekoni, lo mu yanga titene a pika Jésus na fimbo si lo zia lo na maboko ti ala titene a fâ lo na ndö ti keke ti kroa.

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Jean 19:1

Tongaso Pilate amu yanga titene a gue na Jésus si a pika lo na fimbo.

Awatokua 10:35

Zo so kue akpe mbeto ti Nzapa si asara ye ti mbirimbiri, Nzapa aye lo, ataa lo yeke zo ti mara wa.

Awatokua 10:39

E nga, e baa aye so kue lo sara na kodro ti azuife, e baa nga aye so lo sara na Jérusalem. A kanga lo na ndö ti keke ti kroa si lo kui.

Awatokua 13:29

Na peko ti so ala sara ye so kue Mbeti ti Nzapa atene tënë ni na ndö ti lo awe, ala zi lo na ndö ti keke ti kroa si ala zia lo na ya ti du ti kuâ.

Awatokua 5:30

Ala, ala kanga Jésus na ndö ti keke ti kroa si lo kui, me Nzapa ti akotara ti e azingo lo na kuâ.

Rome 6:11

Ala nga, alingbi ala baa tere ti ala tongana ti so ala kui awe ti kangbi na siokpari si na lege ti gango so ala ga oko na Jésus Christ, ala yeke na fini ndali ti Nzapa.

Rome 6:13

Ala mu mbage ti tere ti ala oko pepe ti sara na siokpari si aga ye ti sarango na ye ti kirikiri. Me ala mu tere ti ala kue na Nzapa tongana azo so azingo na kuâ awe si ayeke na fini; ala mu tere ti ala kue ti sara na kua ti lo si tere ti ala ni aga ye ti sarango na ye ti mbirimbiri.

Rome 6:16

Ala hinga pepe? Tongana ala mu tere ti ala na ngbaa na gbe ti mbeni zo, ti ma yanga ti lo, ala ga angbaa ti zo so ala yeke ma yanga ti lo so awe; so ti tene, tongana ala mu tere ti ala na siokpari, ala ga angbaa ti siokpari awe si siokpari ayeke gue na ala na kuâ, me tongana ala mu tere ti ala ti ma yanga ti Nzapa, Nzapa ayeke sara si ala ga mbirimbiri na le ti lo.

Rome 6:2

Oko pepe! E so e kui si e kangbi na siokpari awe so, fade e yeke ngba na ya ti siokpari tongana nyen?

Rome 6:22

Ti fadeso, Nzapa azi ala na gbe ti ngbaa ti siokpari awe si ala ga angbaa ti lo. Ye so ala yeke wara na peko ni ayeke fini so a zia nde ndali ti Nzapa si na ndani, ayeke fini so angba lakue lakue.

Rome 6:7

Biani, zo so akui awe, lo sigigi na gbe ti ngangu ti siokpari awe.

Rome 7:6

Me fadeso, e sigigi na gbe ti Ndia awe, e yeke azo so akui awe ti sigigi na ya ti kanga ti Ndia si e yeke sara na Nzapa na fini kode so Yingo amu na e. E yeke kiri ti sara na Nzapa na ngbene kode pepe so Ndia ti Moïse amu na e.

1 Korente 15:3

Kozo ye so mbi fa na ala ayeke tënë so mbi wani, mbi ma: Christ akui ndali ti siokpari ti e tongana ti so Mbeti ti Nzapa atene.

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Efeze 5:9

Lumiere ni asara si zo aduti na nzoni be, lo yeke sara ye mbirimbiri si lo yeke tene taa-tënë.

Filipe 1:11

Fade sarango ye ti mbirimbiri so alondo na Jésus Christ ayeke si singo na ya ti fini ti ala; na lege so laa ala yeke gonda Nzapa si ala yeke sepela lo.

Kolose 2:14

Mbeti ti mbela so abi tënë na li ti e si afâ ngbanga ti kuâ na li ti e so, Nzapa amingo ngangu ni, lo kanga ni na ndö ti keke ti kroa.

Kolose 2:20

So ala na Christ akui awe, a zi ala na gbe ti ngangu ti ayingo ti dunia so awe. Ngbanga ti nyen si ala ngba ti sara ye tongana ti azo ti dunia so? Ngbanga ti nyen si ala yeda titene mbeni zo afa na ala mara ti ndia tongaso:

Kolose 3:3

Biani, ala kui awe si fini ti ala ahonde legeoko na ti Christ kâ na tere ti Nzapa.

Ahebro 10:10

Jésus Christ asara ye alingbi na ye so be ti Nzapa aye. Lo mu tere ti lo na sandaga gi fani oko biani biani, nilaa a sukula asioni ti e.

Ahebro 10:5

Ndani laa, na ndembe so Christ aga lani na ndö ti sese so, lo tene na Nzapa, lo tene: “Sandaga wala mbeni ye so zo amu na mo, so laa mo ye pepe, me mo leke tere, mo mu na mbi.

Ahebro 12:13

Ala suru lege so ayeke mbirimbiri titene ala hon daa, tongaso si zo so gere ti lo abuba, abuba biani pepe, me tere ti lo aga nzoni.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

1 Jean 2:29

Ala hinga atene, Christ ayeke mbirimbiri. Tongaso, alingbi ala hinga nga atene, zo so asara ye ti mbirimbiri, lo yeke molenge ti Nzapa.

1 Jean 3:7

Amolenge ti mbi, ala zia mbeni zo ahanda ala pepe! Zo so ayeke sara ye ti mbirimbiri, lo yeke zo ti mbirimbiri, tongana ti so Jésus ayeke mbirimbiri.

Aye so Nzapa afa 22:2

Ngu ni asua, ahon na be ti balabala ti ya ti gbata ni. Na atere ti ngu ni, mbage na mbage, keke so ayeke mu fini na zo ayeke daa. Keke ni ayeke le fani baleoko na use na ya ti ngu oko, so ti tene nze na nze. Akugbe ti keke ni ayeke yoro ti kaingo na kobela na tere ti amara.