1 Pierre 2:20 - Mbeti ti Nzapa - Tënë so amu fini

²⁰ Tongana ala sara mbeni ye ti sioni, azo apika ala ndali ni si ala kanga be ti ala, zo wa si alingbi ti gonda ala, zo wa? Me tongana ala kanga be na ya ti pasi so ala yeke baa na peko ti so ala sara ye ti nzoni, so ayeke nzoni ye na le ti Nzapa.

1 Pierre 2:20 ပူးပေါင်းရင်းမြစ်များ

Matthieu 26:67

Na pekoni, ala tuku ngu ti yanga ti ala na le ti lo si ala kpo lo na gobo, ambeni apika ngbangba ti lo,

Matthieu 5:47

Tongana ala yeke bara gi a-ita ti ala, ye so ala sara ahon tanga ti azo na ni ayeke nyen? Azo so ahinga Nzapa pepe ayeke sara nga tongaso pepe?

Marc 14:65

Ambeni zo ato nda ti tuku ngu ti yanga ti ala na tere ti lo, ala kanga le ti lo, ala kpo lo na gobo si ala tene na lo: “Sara tongana wayanga-Nzapa: fa na e zo so asara ye so na mo.” Azo ti kua ni amu Jésus si ala pika ngbangba ti lo fani mingi.

Nzoni Tënë so Luc asu na mbeti 6:32

Tongana ala ye gi azo so aye ala, ye titene azo agonda ala ndali ni ayeke so wa? Azo ti siokpari nga aye gi azo so aye ala.

1 Korente 4:11

Nzara ti kobe ayeke sara e, nzara ti ngu ayeke sara e, e yeke na bongo pepe, azo ayeke sara sioni na e, e yeke tambula gi na nduzu na nduzu, ngbii asi fadeso.

Galasii 4:18

Biani, so ayeke nzoni mingi titene zo amu tere ti lo kue ti sara nzoni ye; ayeke nzoni lo sara ni na ngoi kue, me lo sara ni pepe gi na ndembe so mbi yeke na popo ti ala.

Efeze 5:10

Ala gi lege ti hinga ye so anzere na be ti Kota Gbia.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

1 Pierre 2:19

Biani, ndali ti so ala ye ti ma yanga ti Nzapa, ayeke nzoni ala kanga be ti ala tongana azo asara pasi na ala senge senge.

1 Pierre 3:14

Gi so oko pepe, me ti ala nzoni, tongana ala baa pasi ndali ti ye ti mbirimbiri so ala sara! Ala sara mbeto ti azo so pepe, be ti ala agi ala pepe!

1 Pierre 3:17

Tongana Nzapa aye titene ala baa pasi ndali ti sarango nzoni ye, so laa ayeke nzoni ahon titene ala baa pasi ndali ti sarango sioni ye.