1 Pierre 2:18 - Mbeti ti Nzapa - Tënë so amu fini

¹⁸ Ala azo ti kua, ayeke nzoni ala ma yanga ti azo so ala yeke sara kua na gbe ti ala, ala kpe mbeto ti ala mingi. Ala ma gi yanga ti ala so ayeke anzoni zo wala azo so ayeke kpoo so pepe, me ala ma nga yanga ti ala so ayeke so na ndö ti ala mingi.

1 Pierre 2:18 ပူးပေါင်းရင်းမြစ်များ

Abia (Psaumes) 101:4

Zo so be ti lo asi singo na atënë ti mayere, mbi ye lo ga nduru na tere ti mbi pepe; mbi ye ti hinga sioni ye oko pepe.

Amato 10:32

Zo ti mbirimbiri ayeke tene tënë na nzoni be; me azo ti sioni ayeke tene gi mvene.

Amato 11:20

Be ti KOTA GBIA ake mingi azo so be ti ala asi singo na atënë ti mayere; me be ti lo anzere na azo so sarango ye ti ala ayeke na legeni.

Amato 3:32

Biani, be ti KOTA GBIA ake mingi azo so ake lege ti lo, me lo yeke fa atënë ti be ti lo na azo ti mbirimbiri.

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

2 Korente 10:1

Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Tite 3:2

Alingbi ala tene sioni tënë na iri ti zo pepe, ala papa na zo pepe, ala sara nzoni be na azo; lakue, ala sara ye na azo kue gi na wokongo be.

Jacques 3:17

Me ndara so alondo na yayu, kozoni asara si zo aduti na vurungo be, na pekoni, asara si zo aduti na siriri, zo asara ye na ngangu pepe, zo ama tere na mba ti lo, zo asara nzoni be mingi na mba ti lo si lo sara nga anzoni ye. Ndara ti yayu ayeke mu mbage ti mbeni zo pepe si zo so ayeke na ni, tënë ti yanga ti lo ayeke nde pepe na sarango ye ti lo.