1 Pierre 2:13 - Mbeti ti Nzapa - Tënë so amu fini

¹³ Ndali ti *Kota Gbia, ala ma yanga ti azo ti komandema kue: ala ma yanga ti kota gbia, ngbanga ti so lo yeke na komandema na ndö ti tanga ti agbia kue.

1 Pierre 2:13 ပူးပေါင်းရင်းမြစ်များ

Amato 17:11

Zo ti sioni ayeke gi gi lege ti bi wusuwusu; tongaso, fade a yeke tokua asioni ye mingi na ndö ti lo.

Amato 24:21

Molenge ti mbi, mo kpe mbeto ti KOTA GBIA nga na ti gbia ti kodro. Azo so aye titene ye kue aga nde so, mo na ala aduti na ndo oko pepe.

Jérémie 29:7

Ala gi lege ngangu ti sara si gbata so KOTA GBIA ague na ala daa so amai. Ala sambela KOTA GBIA ndali ti gbata ni, ngbanga ti so maingo ti ala wani alondo gi na maingo ti gbata ni.’

Matthieu 22:21

Ala kiri tënë na lo: “Ti kota gbia ti Rome.” Tongaso Jésus atene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.”

Marc 12:17

Tongaso Jésus atene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.” Li ti ala kue akpe na peko ti kiringo tënë ti lo so.

Nzoni Tënë so Luc asu na mbeti 20:25

Lo tene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.”

Efeze 5:21

Ala ma yanga na popo ti ala ndali ti mbeto ti Christ so ayeke na be ti ala.

Tite 3:1

Mo kiri mo tene na azo kue: alingbi ala ma yanga ti azo ti komandema na ti azo so ayeke na li ti kodro; alingbi ala sara ye so azo ni ahunda na ala, ala duti nduru ti sara nzoni ye lakue.

1 Pierre 2:17

Ala ne azo kue, ala ye a-ita ti ala, ala kpe mbeto ti Nzapa, ala ne kota gbia.

2 Pierre 2:10

Lo yeke fâ ande ngbanga kozoni na li ti azo so ayeke sara aye ti potopoto na lege ti nzara ti aye ti kirikiri so ayeke na be ti ala si ala baa komandema ti Nzapa tongana buba ye na le ti ala. Awafango-ye ti mvene so abaa tere ti ala tongana azo so alingbi awe; baba ahon ndö ti ala, ayingo ti yayu so ayeke na gonda, azo ni akpe mbeto ti ala pepe si ala yeke zonga ala.