1 Pierre 2:11 - Mbeti ti Nzapa - Tënë so amu fini

¹¹ A-ita ti mbi so mbi ye ala mingi, ala yeke tongana agene, tongana awande na ndö ti sese so. Ndani laa mbi hunda na ala titene ala ke asioni nzara ti be so ayeke sara bira na ala.

1 Pierre 2:11 ပူးပေါင်းရင်းမြစ်များ

Tongo nda ti aye 21:34

Abraham alango aninga na sese ti azo ti Filistii.

Tongo nda ti aye 23:4

“Mbi yeke wande so aduti na popo ti ala, mbi yeke wande so aga ndali ti mbeni kete ngoi. Ayeke nzoni ala mu na mbi mbeni sese ti ala titene mbi lu kuâ ti wali ti mbi daa, wali ti mbi so ahon na tere ti mbi so.”

Tongo nda ti aye 47:9

Jacob akiri tënë, atene: “Ngu so kue mbi sara na tambulango ti mbi na dunia so ayeke ngbangbo oko na baleota. Ngu ni ayeke mingi pepe, me aye ti sioni asi singo daa. Ngu ti mbi ni alingbi na ngu so akotara ti mbi asara na tambulango ti ala na dunia so pepe.”

1 Mbai 29:15

Biani, na le ti mo, e yeke awande, e yeke agene tongana akotara ti e. Fini ti e na ndö ti sese so ayeke tongana gbe ti de so ayeke hon hongo, mbeni ye titene e zia be ti e ti ku ayeke daa pepe.

Abia (Psaumes) 119:19

Mbi yeke wande na sese so, honde atënë ti ndia ti mo na mbi pepe.

Abia (Psaumes) 119:54

Ambela ti mo aga tongana abia ti mbi, na ngoi so kue mbi yeke tongana gene na ndö ti sese so.

Abia (Psaumes) 39:12

Tongana mo ye ti kiri zo na nzoni lege, mo yeke pika lo ndali ti sioni ti lo. Mo yeke buba ye so lo ye mingi tongana ti so ngusu ayeke buba ye. Biani, zo ayeke gi pupu senge! Luti kete

Awayango-sandaga 15:18

“Tongana mbeni koli na mbeni wali aduti koli na wali, alingbi ala use kue asukula ngu; ala yeke ngba *sioni ngbii asi na lakui.

Awayango-sandaga 25:23

“Fade zo ayeke ka sese biani biani pepe, ngbanga ti so sese ayeke ti mbi KOTA GBIA. Ti ala, fade ala yeke duti tongana awande wala agene na kodro ti mbi.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Awatokua 15:20

Ayeke nzoni e su mbeti, e tokua na ala titene kobe so aga *sioni na lege so a ya ni na *sandaga na anzapa nde, ala te ni pepe, ala gi wali wala koli kirikiri pepe; nyama so azo apete go ti lo petengo si lo kui so, ala te ni pepe, ala te nga mene pepe.

Awatokua 15:29

nyama so azo aya na *sandaga na anzapa nde, ala te ni pepe; ala te mene pepe, anyama so azo apete go ti ala petengo si ala kui so, ala te nga ni pepe; ala gi wali wala koli kirikiri pepe. Tongana ala zia lege ti sarango aye so kue, so ayeke nzoni! E bara ala.”

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

Rome 7:23

Me mbi baa na ya ti tere ti mbi, mbeni ndia nde ayeke daa: ndia ni ayeke tiri na mbeni ndia so gbungo-li ti mbi ayeda na ni. Ndia ni asara si mbi ga ngbaa ti siokpari so ayeke na ya ti tere ti mbi.

Rome 8:13

Tongana ala yeke duti na fini na lege ti asioni nzara ti be ti ala, fade ala yeke kui; me na lege ti Yingo, tongana ala zi na ya ti fini ti ala asioni sarango ye ti ala ti zo, fade ala yeke duti na fini.

2 Korente 5:20

Tongaso, e yeke sara kua ti lembe na iri ti Christ; Nzapa wani laa airi ala na lege ti e: e voro ala na iri ti Christ, ala yeda titene songo akiri na popo ti ala na Nzapa.

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Efeze 2:19

Tongaso, ala azo ti amara nde, ala yeke awande mbeni pepe, wala azo so aga gango pepe. Me fadeso, ala na azo ti Nzapa ayeke amolenge ti kodro oko, ala yeke azo ti sewa ti Nzapa.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

2 Timothée 2:22

Mo kpe aye nde nde so nzara ni ayeke gbu ka amaseka. Mo sara kue ti ga mbirimbiri na le ti Nzapa, ti duti na mabe, na ndoye nga na siriri na azo so ayeke sambela Kota Gbia na vurungo be.

Ahebro 11:13

Azo so kue angba na lege ti mabe si ala kui. Aye so Nzapa amu zendo ni, ala wara ni pepe, me ala ngba yongoro, ala baa ni bango si ala bara ni. Ala hinga biani atene, ala yeke awande, azo ti lege senge na ndö ti sese so.

Ahebro 6:9

Ti ala, a-ita so e ye ala mingi, ataa so e tene tënë tongaso, e hinga na be ti e so, ala yeke tambula na nzoni lege so zo ayeke mu titene lo soo kuâ.

Jacques 4:1

Atiri na apapa so ayeke na popo ti ala so alondo na ndo wa? Alondo gi na lege ti anzara ti be ti ala so ayeke tiri lakue na ya ti tere ti ala.

1 Pierre 1:1

Mbi Pierre, *watokua ti Jésus Christ, mbi tokua mbeti so na azo so Nzapa asoro ala, ala so akpe kodro ti ala, ague, aduti na ya ti akodro nde nde na sese ti Pon, ti Galasii, ti Kapadose, ti Azii na ti Bitinii.

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.

1 Pierre 4:12

A-ita ti mbi so mbi ye ala mingi, li ti ala akpe pepe na wâ ti pasi so ala yeke na ya ni so! Ala baa ni tongana mbeni fini ye pepe.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.

2 Pierre 3:1

A-ita ti mbi so mbi ye ala mingi, use mbeti so mbi su ti tokua na ala laa. Na ya ti ambeti ni use kue, mbi ye ti dabe ti ala na ndö ti aye so ala hinga awe si ala duti azo so tënë ti be ti ala ayeke na legeni.