1 Mbai 9:31 - Mbeti ti Nzapa - Tënë so amu fini

³¹ Mbeni zo ti mara ti Lévi oko so iri ti lo ayeke Matitia ayeke sara ti lo agatoo ti mungo na *sandaga na Nzapa. Lo yeke kozo molenge ti Shalum, zo ti kete mara ti Kore.

1 Mbai 9:31 ပူးပေါင်းရင်းမြစ်များ

Tongo nda ti aye 19:3

Me Lot ague na ala ngangu ngangu ngbii si ala gue na da ti lo. Lo to pendere kobe, lo zö mapa so a sara na mama ni pepe, lo mu na ala si ala te.

1 Mbai 23:29

amapa so a leke si a zia na dawa ti Nzapa, nzoni farini ndali ti asandaga ti ale ti kobe, amakara so a sara na mama ni pepe, agatoo so a zö ni na ya ti kpangbara sembe na agatoo nde nde; ala yeke baa lege ti asembe na ametere ti hakango na ye.

1 Mbai 9:17

Ala so ayeke bata yanga ti kota da ti Nzapa ayeke Shalum, Akub, Talmon, Ahiman na a-ita ti ala. Shalum laa ayeke na li ti azo ni.

1 Mbai 9:19

Shalum ayeke molenge ti Kore, Kore ayeke molenge ti Abiasaf, Abiasaf ayeke molenge ti Kore. Shalum na ambeni zo ti ya ti sewa ti Kore ayeke bata yanga ti da ti bongo, ndo so laa *KOTA GBIA ayeke duti daa. Akotara ti ala ayeke ando azo ti batango yanga ti bâbâ ti KOTA GBIA.

1 Mbai 9:22

Wungo ti ala so kue a soro ala titene ala ga azo ti batango ayanga ti gbagba ayeke 212. A su iri ti ala na mbeti na ya ti akete kodro ti ala. David na wayanga-Nzapa Samuel laa azia akotara ti ala na kua ni so.

1 Mbai 9:26

Me ambeni makonzi osio ti azo ti batango ayanga ti gbagba ni angba ti ala lakue na ndo ti kua ni. Kua ti azo ti mara ti Lévi ayeke ti baa ndo na ndö ti akubu nga na ndö ti amosoro ti kota da ti Nzapa.

Awayango-sandaga 2:5

Tongana sandaga ni ayeke mbeni sandaga so a zö na ya ti kpangbara sembe, alingbi lo mu farini, lo tuku mafuta daa, lo gbu ya ni, me lo zia mama ti mapa daa pepe.

Awayango-sandaga 2:7

Tongana sandaga ni ayeke mbeni sandaga so a yoro na ya ti du ti sembe, alingbi zo ni amu farini, lo tuku mafuta daa si lo yoro na ni.

Awayango-sandaga 6:14

Alingbi ala tuku mafuta na ya ti farini ni, ala gbu ya ni si ala zö ni na ya ti kpangbara sembe. Fade ala yeke fâ ya ni kete kete si ala mu na sandaga na KOTA GBIA titene fion ni anzere na lo.

Awayango-sandaga 6:21

Tongana a to nyama ni na ya ti ta ti sese, fade a yeke fâ ya ti ta ni. Tongana a to ni na ya ti ta so a sara na bengba wen, a yeke kpaka ni si a sukula ni nzoni.