1 Mbai 9:28 - Mbeti ti Nzapa - Tënë so amu fini

²⁸ Ambeni na popo ti ala, kua ti ala ayeke ti baa ndo na ndö ti agbakuru ti vorongo na Nzapa. Ala yeke diko ni lakue na ndembe so ala yeke sigigi na ni ti sara na kua wala ala yeke kiri na ni ti bata ni.

1 Mbai 9:28 ပူးပေါင်းရင်းမြစ်များ

Néhémie 12:44

Na lango ni so, a soro ambeni zo titene ala baa ndo na ndö ti ada ti batango akozo le ti keke, akozo le ti kobe nga na *adime ti akobe ti yaka. Kua ti azo ni ayeke ti bata na ya ti ada ni so ale ti kobe so *Ndia ahunda na azo titene ala ga na ni na awayango-sandaga nga na azo ti mara ti Lévi. Ale ti kobe ni alondo na ya ti ayaka so azo afâ si angoro agbata. Biani, be ti azo ti Juda anzere mingi na kua so awayango-sandaga na azo ti mara ti Lévi ayeke sara.

1 Mbai 9:27

Ala yeke lango nduru na kota da ti Nzapa, ngbanga ti so ala laa ayeke baa ndo na ndö ni si lakue na ndaperere, ala yeke zi ayanga ti da ni.

1 Mbai 9:29

Ambeni zo ni ayeke baa ndo na ndö ti asembe, aye so a zia nde ndali ti Nzapa, farini, vin, mafuta, dukani na yombo.

Wungo ti azo 4:12

Na pekoni, ala yeke mu aye kue ti vorongo na Nzapa so ala yeke sara na kua na ya ti da so a zia nde ndali ti KOTA GBIA, ala yeke zia ni na ya ti mbeni bongo so nzoroko ni akpa le ti nduzu, ala yeke kanga ndö ni na mbeni pendere poro ti nyama si ala yeke zia ni na ndö ti ye ti yongo na ni.

1 Mbai 26:20

Mbeni zo ti mara ti Lévi, Ahia, kua ti lo ayeke ti baa ndo na ndö ti kubu so a bata amosoro ti kota da ti Nzapa daa nga na aye so a zia nde ndali ti Nzapa.