1 Mbai 9:26 - Mbeti ti Nzapa - Tënë so amu fini

²⁶ Me ambeni makonzi osio ti azo ti batango ayanga ti gbagba ni angba ti ala lakue na ndo ti kua ni. Kua ti azo ti mara ti Lévi ayeke ti baa ndo na ndö ti akubu nga na ndö ti amosoro ti kota da ti Nzapa.

1 Mbai 9:26 ပူးပေါင်းရင်းမြစ်များ

2 Agbia 7:10

Ala kiri na ya ti gbata ni, ala iri asanziri ti yanga ti gbagba ni si ala tene na ala: “E gue, e li na ya ti bâbâ ti azo ti Sirii, me e baa zo oko pepe, e ma nga go ti zo oko pepe. Ye so e baa kâ ayeke gi ambarata na alele so a kanga ala kangango; azo ni ado ada ti bongo azia ahon.”

1 Mbai 9:25

Ambeni ita ti ala so angba na ya ti akete kodro ti ala, ala yeke ga ngoi na ngoi ti sara kua ti batango yanga ti gbagba na ya ti yenga oko oko.

1 Mbai 9:27

Ala yeke lango nduru na kota da ti Nzapa, ngbanga ti so ala laa ayeke baa ndo na ndö ni si lakue na ndaperere, ala yeke zi ayanga ti da ni.

Néhémie 13:5

Eliashib amu na Tobia mbeni kota kubu so a yeke bata na ya ni *asandaga ti ale ti kobe, dukani na agbakuru nde nde ti kota da ti Nzapa, na asandaga so a yeke mu na awayango-sandaga, *adime ti ble, ti fini vin na ti mafuta; adime ti aye so a bata ndali ti azo ti mara ti Lévi, azo ti hengo bia na azo ti batango yanga ti gbagba.

Jérémie 35:2

“Gue mo wara tere na azo ti kete mara ti Rekab; mo tene tënë na ala si mo gue na ala na ya ti kota da ti Nzapa, na ya ti mbeni kota kubu. Kâ, fade mo yeke mu na ala vin ti nyongo ni.”

Ezekiel 40:17

Koli ni amu mbi, ague na mbi na ya ti gbagba ti gigi ni. A leke ada baleota na tere ti gbagba ni, angoro ni kue; a leke ndö ti sese ti ya ti gbagba ni na têne, angoro ni kue.