1 Mbai 9:25 - Mbeti ti Nzapa - Tënë so amu fini

²⁵ Ambeni ita ti ala so angba na ya ti akete kodro ti ala, ala yeke ga ngoi na ngoi ti sara kua ti batango yanga ti gbagba na ya ti yenga oko oko.

1 Mbai 9:25 ပူးပေါင်းရင်းမြစ်များ

2 Agbia 11:5

Lo mu yanga na ala, lo tene: “Ye so fade ala yeke sara ayeke so: kozo bongbi ti ala, ala so ayeke ga ti sara kua na *lango ti wungo tere, ala yeke bata da ti gbia;

2 Agbia 11:7

Abongbi use ti aturugu so ayeke sara kua na lango ti wungo tere pepe, fade ala yeke ga ti bata kota da ti KOTA GBIA, na ndo so gbia ayeke daa.

1 Mbai 24:19

Lege so a kangbi ala titene ala sara akua ti ala na ya ti kota da ti *KOTA GBIA laa. Ala yeke sara kua ni alingbi na peko ti yanga ti kotara ti ala Aaron, alingbi nga na yanga so KOTA GBIA, Nzapa ti Israel amu.

1 Mbai 9:24

A zia azo ti batango ayanga ti gbagba ni na mbage osio kue: na To, na Do, na Mbongo nga na Banga.

1 Mbai 9:26

Me ambeni makonzi osio ti azo ti batango ayanga ti gbagba ni angba ti ala lakue na ndo ti kua ni. Kua ti azo ti mara ti Lévi ayeke ti baa ndo na ndö ti akubu nga na ndö ti amosoro ti kota da ti Nzapa.

2 Mbai 23:4

Ye so fade ala yeke sara ayeke so: tongana awayango-sandaga na azo ti mara ti Lévi ayeke to nda ti sara kua na *lango ti wungo tere, kozo bongbi ti ala ayeke bata ayanga ti kota da ti Nzapa;

2 Mbai 23:8

Azo ti mara ti Lévi na azo ti Juda kue asara ye alingbi gi na yanga so wayango-sandaga Yoyada amu. Makonzi oko oko abongbi azo ti lo, azo so ato nda ti kua ti ala na lango ti wungo tere nga na ala so ahunzi kua ti ala na lango ni so, ngbanga ti so Yoyada azia lege na bongbi oko ti gue ti wu tere ti lo pepe.