1 Mbai 9:22 - Mbeti ti Nzapa - Tënë so amu fini

²² Wungo ti ala so kue a soro ala titene ala ga azo ti batango ayanga ti gbagba ayeke 212. A su iri ti ala na mbeti na ya ti akete kodro ti ala. David na wayanga-Nzapa Samuel laa azia akotara ti ala na kua ni so.

1 Mbai 9:22 ပူးပေါင်းရင်းမြစ်များ

1 Mbai 28:13

David amu na lo mbeti so afa kode so a leke na abongbi ti awayango-sandaga na ti azo ti mara ti Lévi nga na akua so ala yeke sara. Lo mu nga na lo iri ti akungba ti sarango na kua ti kota da ti KOTA GBIA.

1 Mbai 28:21

Baa awayango-sandaga na azo ti mara ti Lévi so ayeke na ya ti abongbi ti ala ayeke daa ti sara kua ti kota da ti Nzapa. Azo ti nzoni be so kue ahinga kode ti akua nde nde, amakonzi na azo ti kodro kue ayeke na tere ti mo, fade ala yeke sara ye so kue mo yeke mu yanga daa na ala.”

1 Mbai 29:29

Atënë na ndö ti gbia David, na tongo nda ni ngbii asi na ndani, a su na ya ti abuku ti ambai ti awayanga-Nzapa Samuel, Natan na Gad.

1 Mbai 9:16

Mbeni zo ni ayeke Obadia, Obadia ayeke molenge ti Shemaya, Shemaya ayeke molenge ti Galal, Galal ayeke molenge ti Yedutun; Berekia ayeke nga daa. Berekia ayeke molenge ti Asaf, Asaf ayeke molenge ti Elkana; Elkana alango na ya ti akete kodro so ayeke na tere ti gbata ti Netofa.

1 Mbai 9:23

Ala na ahale ti ala angba ti sara kua ti batango yanga ti kota da ti Nzapa, so ti tene da ti bongo so KOTA GBIA ayeke duti daa.

1 Mbai 9:31

Mbeni zo ti mara ti Lévi oko so iri ti lo ayeke Matitia ayeke sara ti lo agatoo ti mungo na *sandaga na Nzapa. Lo yeke kozo molenge ti Shalum, zo ti kete mara ti Kore.

2 Mbai 23:19

Yoyada azia nga azo na yanga ti kota da ti KOTA GBIA titene ala bata ni, tongaso si mbeni zo so aga *sioni awe na lege ti aye nde nde ali na ya ti da ni pepe.

2 Mbai 31:15

Na ya ti agbata ti awayango-sandaga, azo so ayeke sara kua na gbe ti lo ayeke Eden, Miniamin, Yeshua, Shemaya, Amaria na Shekania. Ala laa ayeke kangbi aye lakue na legeni na popo ti a-ita ti ala, ataa akota zo wala akete zo, na lege ti bongbi ti kua ti azo ni.

2 Mbai 31:18

A su iri ti azo ni kue na mbeti, ala na azo ti sewa ti ala, awali ti ala, amolenge ti ala ti koli na ti wali nga na tanga ti azo ti sewa ti ala so kue alingbi ti te aye so a zia nde ndali ti Nzapa.

Néhémie 11:36

Ambeni zo ti mara ti Lévi alondo na sese ti Juda si ague na sese ti Benjamin.

Néhémie 12:44

Na lango ni so, a soro ambeni zo titene ala baa ndo na ndö ti ada ti batango akozo le ti keke, akozo le ti kobe nga na *adime ti akobe ti yaka. Kua ti azo ni ayeke ti bata na ya ti ada ni so ale ti kobe so *Ndia ahunda na azo titene ala ga na ni na awayango-sandaga nga na azo ti mara ti Lévi. Ale ti kobe ni alondo na ya ti ayaka so azo afâ si angoro agbata. Biani, be ti azo ti Juda anzere mingi na kua so awayango-sandaga na azo ti mara ti Lévi ayeke sara.

1 Samuel 9:9

Ando na kodro ti Israel, tongana azo aye ti gue ti hunda mbeni ye na Nzapa, ala yeke tene: “Ala ga, e gue, e baa zo ti bango nda ti aye.” Biani, zo so azo ayeke iri lo fadeso wayanga-Nzapa, ando ala yeke iri lo “zo ti bango nda ti aye.”