1 Mbai 9:20 - Mbeti ti Nzapa - Tënë so amu fini

²⁰ Pinas, molenge ti Elazar ayeke ando makonzi ti ala, ngbanga ti so KOTA GBIA ayeke na lo.

1 Mbai 9:20 ပူးပေါင်းရင်းမြစ်များ

Tongo nda ti aye 39:2

*KOTA GBIA ayeke na Joseph, lo ga zo so aye ti lo kue aga nzoni. Lo yeke lango na da ti wa ti lo, zo ti Ezipte so.

Tongo nda ti aye 39:3

Wa ti Joseph abaa so KOTA GBIA ayeke na Joseph si KOTA GBIA ayeke sara titene aye so kue lo yeke sara, aga nzoni.

1 Mbai 9:19

Shalum ayeke molenge ti Kore, Kore ayeke molenge ti Abiasaf, Abiasaf ayeke molenge ti Kore. Shalum na ambeni zo ti ya ti sewa ti Kore ayeke bata yanga ti da ti bongo, ndo so laa *KOTA GBIA ayeke duti daa. Akotara ti ala ayeke ando azo ti batango yanga ti bâbâ ti KOTA GBIA.

Sigingo 3:12

Nzapa atene na lo: “Fade mbi yeke na mo. Ye so ayeke fa atene mbi laa mbi tokua mo ayeke so: Tongana mo zi azo ti Israel na sese ti Ezipte mo sigigi na ala, fade mo na ala ayeke voro mbi na ndö ti hoto so.”

Wungo ti azo 3:32

Kota makonzi ti azo ti mara ti Lévi kue ayeke Elazar, molenge ti wayango-sandaga Aaron. Lo laa lo yeke baa ndo na ndö ti akoli so ayeke sara kua ti da so a zia nde ndali ti KOTA GBIA.

Wungo ti azo 31:6

Moïse atokua azo saki oko na ya ti mara oko oko na bira, ala na wayango-sandaga Pinas, molenge ti Elazar. Pinas amu aye ti sarango na kua ti da ti KOTA GBIA nga na atatalita titene ahuru si aturugu adekongo ti bira.

Wungo ti azo 4:16

Ti Elazar, molenge ti wayango-sandaga Aaron, kua ti lo ayeke ti baa lege ti mafuta ti ziango na ya ti alamba, dukani ti zongo na wâ, sandaga ti ale ti kobe so azo ayeke mu na ya ti lango oko oko nga na mafuta ti tukungo na li ti zo ti zia lo nde. Kua ti lo ayeke nga ti baa ndo na ndö ti da so a zia nde ndali ti Nzapa, na aye ti ya ni kue, aye nde nde ti sarango na kua ti ya ti da ni nga na agbakuru ni kue.”

Wungo ti azo 4:28

So ayeke akua so azo ti kete mara ti Gershon ayeke sara na ya ti da ti bongo so KOTA GBIA na azo ti lo ayeke wara tere daa laa. Ala yeke sara kua ni na gbe ti Itamar, molenge ti wayango-sandaga Aaron.

Wungo ti azo 4:33

So ayeke kua ti azo ti kete mara ti Merari so ala yeke sara na ya ti da so KOTA GBIA na azo ti lo ayeke wara tere daa laa. Ala yeke sara akua ni na gbe ti Itamar, molenge ti wayango-sandaga Aaron.”

Josué 22:13

Azo ti Israel atokua Pinas, molenge ti wayango-sandaga Elazar ti gue na sese ti Galaad titene lo tene tënë na azo ti mara ti Ruben, ala ti mara ti Gad na ala ti ndambo ti mara ti Manase.

1 Samuel 16:18

Mbeni zo ti kua oko akiri tënë, atene: “Mbi baa mbeni molenge ti Yese so ayeke lango na Betlehem. Molenge ni ayeke pika mozoko nzoni, lo yeke mbeni kpengba molenge, lo yeke mbeni ngangu turugu; lo yeke tene tënë na ndara; lo yeke mbeni pendere koli, KOTA GBIA ayeke na lo.”