1 Mbai 9:2 - Mbeti ti Nzapa - Tënë so amu fini

² Akozo zo so akiri na ya ti gbata ti ala ti kiri ti mu aye so ayeke lani ti ala ayeke asenge zo ti Israel, awayango-sandaga, azo ti mara ti Lévi na azo ti kua ti kota da ti Nzapa.

1 Mbai 9:2 ပူးပေါင်းရင်းမြစ်များ

Esdras 2:1

Nabukodonosor, gbia ti Babilone agbu ando azo si ague na ala na Babilone. Fadeso, mingi ti azo ni akiri na Jérusalem nga na Juda. Zo oko oko akiri na ya ti gbata ti lo wani.

Esdras 2:43

Azo ti kua ti kota da ti Nzapa so akiri ayeke tongaso: azo ti ahale ti Siha, ti Hasufa, ti Tabaot,

Esdras 2:58

Ti azo ti kua ti kota da ti Nzapa na azo ti ahale ti azo ti sarango kua ti Salomon, wungo ti akoli kue ayeke 392.

Esdras 2:70

Awayango-sandaga, azo ti mara ti Lévi, ambeni senge zo ti Israel, azo ti hengo bia, asanziri na azo ti kua ti kota da ti Nzapa aduti na ya ti agbata so a mu na ala. Tanga ti azo ti Israel kue aduti na ya ti agbata ti akotara ti ala.

Esdras 8:20

Ala ga nga na akoli 220 so ayeke azo ti sarango kua ti kota ti Nzapa; a soro ala na lege ti iri ti ala. David na amakonzi amu ando ala titene ala sara kua na azo ti mara ti Lévi.

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Néhémie 11:1

Amakonzi ti azo ni aga aduti na Jérusalem. Ti tanga ti azo ni, a bi mbeni ye ti baa zo wa laa na popo ti azo baleoko so alingbi ti duti na Jérusalem, gbata so ayeke nde si ayeke nzoni kue. Atanga ni gumbaya ayeke ngba ti ala na ya ti agbata nde nde ti kodro ni.

Néhémie 7:60

“Ti azo ti kua ti kota da ti Nzapa na ti ahale ti azo ti sarango kua ti Salomon, wungo ti akoli kue ayeke 392.