1 Mbai 9:18 - Mbeti ti Nzapa - Tënë so amu fini

¹⁸ *Ahale ti ala laa angba ti sara kua na yanga ti gbagba so abaa ndo na mbage so lâ ayeke londo daa ngbii asi laso, so ti tene yanga ti gbagba ti gbia. Akotara ti ala laa ayeke ando azo ti batango yanga ti bâbâ ti azo ti mara ti Lévi.

1 Mbai 9:18 ပူးပေါင်းရင်းမြစ်များ

1 Agbia 10:5

kobe so ayeke na ndö ti meza ti lo, da ti lango ti azo ti yangbo ti lo, lege so azo ti gbe ti lo ayeke sara kua ti ala, amakonzi ti mungo samba na lo; lo baa nga *asandaga so a yeke gbi kue na wâ so Salomon ayeke mu ni na ya ti kota da ti KOTA GBIA. Na bango aye so kue, li ti gbia-wali ni kue akpe.

2 Agbia 11:19

Na pekoni, Yoyada amu amakonzi so ayeke na li ti aturugu ngbangbo oko, azo ti mara ti Kari, aturugu ti batango gbia nga na azo ti kodro kue; lo mu nga gbia na ya ti kota da ti KOTA GBIA, ala hon na yanga ti da so aturugu ti batango gbia ayeke duti ka daa, ala si na yangbo ti gbia. Kâ, Yoas aduti na ndö ti mbata ti gbia.

2 Agbia 16:18

Titene be ti gbia ti Asirii anzere na lo, gbia Ahaz asanze veranda so iri ni “Veranda ti *lango ti wungo tere”; veranda so a leke na ya ti kota da ti KOTA GBIA so. Lo sanze nga yanga ti gbagba so ayeke na mbage ti gigi so iri ni “Yanga-da ti gbia”.

1 Mbai 9:17

Ala so ayeke bata yanga ti kota da ti Nzapa ayeke Shalum, Akub, Talmon, Ahiman na a-ita ti ala. Shalum laa ayeke na li ti azo ni.

1 Mbai 9:19

Shalum ayeke molenge ti Kore, Kore ayeke molenge ti Abiasaf, Abiasaf ayeke molenge ti Kore. Shalum na ambeni zo ti ya ti sewa ti Kore ayeke bata yanga ti da ti bongo, ndo so laa *KOTA GBIA ayeke duti daa. Akotara ti ala ayeke ando azo ti batango yanga ti bâbâ ti KOTA GBIA.

Jérémie 35:4

Mbi ga na ala na ya ti kota da ti KOTA GBIA, na ya ti kota kubu ni so adisiple ti Hanan ayeke duti daa; Hanan ayeke taa zo ti Nzapa, lo yeke molenge ti Igdalia. Kota kubu ni ayeke nduru na tere ti kota ya ti da ti amakonzi si ayeke na nduzu, na ndo so kota kubu ti Maaseya ayeke daa; Maaseya ayeke molenge ti Shalum, wayango-sandaga so ayeke bata yanga ti kota da ti Nzapa.

Ezekiel 44:1

Koli ni amu mbi, akiri na mbi na mbage ti yanga ti gbagba ni ti gigi so ayeke na mbage ti To ti da so ayeke nde si ayeke nzoni kue. Yanga ni akanga kangango.

Awatokua 3:11

Koli ni angba gi na tere ti Pierre na Jean na gbe ti veranda so a iri ni Veranda ti Salomon. Be ti azo kue ado si ala kpe ague na tere ti ala.