1 Mbai 9:1 - Mbeti ti Nzapa - Tënë so amu fini

¹ A diko wungo ti azo ti Israel kue si a su ni na ya ti mbeti ti agbia ti Israel na lege ti asewa ti ala. A gbu azo ti Juda ague na ala na Babilone, ngbanga ti so ala ke Nzapa.

1 Mbai 9:1 ပူးပေါင်းရင်းမြစ်များ

1 Agbia 14:19

Tanga ti atënë na ndö ti Yeroboam, atënë ti abira so lo sara na atënë ti lengo-gbia ti lo, a su tënë ni kue na ya ti “Mbeti ti aye so agbia ti Israel asara”.

2 Agbia 24:14

Nabukodonosor agbu azo ti Jérusalem kue, lo gue na ala na sese ti Babilone: akota zo kue, na angangu zo ti tiringo bira so kue wungo ti ala ayeke saki baleoko. Awakode-kua kue na azo ti pikango ndao kue, lo gbu ala, lo gue na ala; gi awayere laa angba na ya ti gbata ni.

2 Agbia 24:15

Lo gbu Yoakin, mama ti lo, awali ti lo, akota zo ti yangbo ti lo nga na akota zo ti kodro ti lo; lo gbu ala na Jérusalem si lo gue na ala na Babilone.

2 Agbia 24:16

Lo gbu nga angangu zo ti tiringo bira so wungo ti ala ayeke saki mbarambara, na awakode-kua na azo ti pikango ndao so wungo ti ala ayeke saki oko; lo gbu angangu koli so kue alingbi ti tiri bira si lo gue na ala na Babilone.

1 Mbai 8:40

Amolenge ti Ulam ayeke akpengba turugu na azo ti pikango kokora. Ala du amolenge nga na a-ata mingi; wungo ti ala kue ayeke 150. Azo so kue ayeke azo ti mara ti Benjamin.

2 Mbai 33:11

Tongaso KOTA GBIA asara si amakonzi ti aturugu ti gbia ti Asirii aga na tere ti ala. Aturugu ni agbu Manase, ala yoro *kongi na ngbangba ti lo, ala kanga lo na zingiri ti bengba wen si ala gue na lo na Babilone.

Esdras 2:1

Nabukodonosor, gbia ti Babilone agbu ando azo si ague na ala na Babilone. Fadeso, mingi ti azo ni akiri na Jérusalem nga na Juda. Zo oko oko akiri na ya ti gbata ti lo wani.

Esdras 2:59

Ambeni zo alondo na Tel-Mela, Tel-Harsha, Kerub, Adan na Imer si akiri; me ala lingbi ti fa tënë mbirimbiri na ndö ti asewa ti akotara ti ala pepe; ala lingbi ti fa nga pepe atene, mara ti ala ayeke biani ti azo ti Israel.

Néhémie 11:1

Amakonzi ti azo ni aga aduti na Jérusalem. Ti tanga ti azo ni, a bi mbeni ye ti baa zo wa laa na popo ti azo baleoko so alingbi ti duti na Jérusalem, gbata so ayeke nde si ayeke nzoni kue. Atanga ni gumbaya ayeke ngba ti ala na ya ti agbata nde nde ti kodro ni.

Néhémie 7:5

Nzapa ti mbi azia na be ti mbi titene mbi bongbi akota zo, amakonzi na tanga ti azo ni ti diko wungo ti ala. Azo so a alondo na ngbaa na kodro wande si ala kiri ti ala kozoni, mbi wara wungo ti ala na ya ti mbeni buku; ye so a su na ya ti buku ni ayeke so:

Néhémie 7:64

Azo ni so agi mbeti so a su iri ti akotara ti ala na ya ni gbaa, ala wara ni pepe. Tongaso a baa ala tongana azo so aga *sioni awe, nilaa a tumba ala na kua ti wayango-sandaga.

Ésaïe 3:2

akpengba turugu na asenge turugu, awafango-ngbanga na awayanga-Nzapa, azo ti bango nda ti aye na *akangba,

Jérémie 13:19

A kanga lege ti lingo na ya ti agbata ti mbage ti Mbongo awe; zo oko ti zingo ayanga ni ayeke daa pepe. A gbu azo ti Juda kue, a gue na ala na kodro wande; a gue na ala kue kue kue na kodro wande.”

Jérémie 39:9

Na pekoni, Nebuzaradan, makonzi ti aturugu ti batango gbia agbu tanga ti azo so angba na ya ti gbata ni, ala na azo so lani azia tere ti ala na gbia ti Babilone nga na tanga ti azo so angba si lo gue na ala na Babilone.

Daniel 1:2

KOTA GBIA azia Yoakim, gbia ti Juda na maboko ti Nabukodonosor; lo zia nga lege na Nabukodonosor si lo mu mbeni mbage ti akungba ti ya ti kota da ti Nzapa. Nabukodonosor ague na akungba ni na kodro ti Shinear si lo zia ni na ya ti kubu ti batango amosoro ti lo so ayeke na ya ti da ti anzapa ti lo.