1 Mbai 7:22 - Mbeti ti Nzapa - Tënë so amu fini

²² Efraim atoto kuâ ti ala lango mingi si asewa ti lo aga ti de be ti lo.

1 Mbai 7:22 ပူးပေါင်းရင်းမြစ်များ

Tongo nda ti aye 37:34

Jacob asuru bongo na tere ti lo, lo yu bongo ti mua si lo toto kuâ ti molenge ti lo na ya ti alango mingi.

Tongo nda ti aye 37:35

Amolenge ti lo ti koli na ti wali kue aga ti de be ti lo, me lo ke; lo tene: “Mbi yeke ngba ti sara mua ngbii mbi gue ti wara lo na ndo ti akuâ.” Tongaso laa lo toto molenge ti lo.

1 Mbai 7:21

Zabad ayeke molenge ti Tahat, Shutela ayeke molenge ti Zabad. Ezer na Elad ayeke ambeni molenge ti Efraim. Azo ti sese ti Gat so a du ala na ya ti kodro ni afâ Ezer na Elad, ngbanga ti so ala gi lege ti mu anyama ti azo ti sese ti Gat ni.

1 Mbai 7:23

Na pekoni, Efraim aduti na wali ti lo, wali ni amu ngo si adu na lo molenge-koli. Lo di iri ti molenge ni Beria, ngbanga ti so ye ti mawa ayeke na ya ti da ti lo.

Mbeti ti Job 2:11

Amba ti Job ota ama tënë ti aye ti vundu so kue asi na lo si zo oko oko alondo na kodro ti lo aga ti baa lo. Ayeke azo tongana: Elifaz, zo ti kodro ti Teman; Bildad, zo ti kodro ti Shuha nga na Sofar, zo ti kodro ti Naama. Ala ma tere titene ala ga akangbi vundu na lo, ti de be ti lo.

Jean 11:19

Nilaa azuife mingi aga ti baa Marthe na Marie ti zi vundu na be ti ala na peko ti kuâ ti ita ti ala.