1 Mbai 5:26 - Mbeti ti Nzapa - Tënë so amu fini

²⁶ Nilaa Nzapa ti Israel azia na be ti agbia ti Asirii, Pul na Teglat-Falasar titene ala ga amu sese ti amara ni si ala gbu azo ni ague na ala na Hala, Habor nga na Hara, nduru na *bale ti Gozan. Ala ngba kâ ngbii asi laso.

1 Mbai 5:26 ပူးပေါင်းရင်းမြစ်များ

2 Samuel 24:1

Mbeni lâ, ngonzo ti *KOTA GBIA akiri alondo na tere ti azo ti Israel. Lo pusu David titene lo sara mbeni ye so ayeke sara sioni na ala; lo tene na lo: “Gue, mo diko wungo ti azo ti Israel na ti Juda.”

2 Agbia 15:19

Pul, gbia ti Asirii ali ti sara bira na sese ti Israel. Tongaso Menahem amu na lo wen ti nginza so nengo ni ayeke kilo saki baleota titene Pul amu na lo maboko si komandema ti lo akpengba.

2 Agbia 15:29

Na ngoi so Peka ayeke gbia ti Israel, Teglat-Falasar, gbia ti Sirii aga si lo mu agbata tongana: Iyon, Abel-Bet-Maaka, Yanoa, Kedesh na Hasor. Lo mu nga sese ti Galaad, ti Galile na ti Neftali kue. Lo gbu azo ti agbata ni si lo gue na ala na kodro ti Asirii.

2 Agbia 16:7

Ahaz atokua azo na Teglat-Falasar, gbia ti Asirii ti tene na lo, atene: “Mbi yeke zo ti kua ti mo, mbi yeke nga molenge ti mo. Ga mo zi mbi na maboko ti gbia ti Sirii nga na maboko ti gbia ti Israel so alondo ti tiri bira na mbi so!”

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

2 Agbia 18:11

Gbia ti Asirii agbu azo ti Israel, ague na ala na kodro ti Asirii; lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

2 Agbia 19:12

So ababâ ti mbi abuba ando agbata tongana: Gozan, Haran, Resef nga na gbata ti Telasar so azo ti sese ti Bet-Eden ayeke lango ando daa so, anzapa ti ala azi ala na maboko ti ababâ ti mbi ni?

1 Mbai 5:22

Ala fâ awato ti ala mingi, ngbanga ti so bira ni ayeke ti Nzapa. Ala sara kodro na sese ti azo ti mara ti Hagri, ala duti na ndo ni ngbii asi na ngoi so a gbu ala a gue na ala na kodro wande.

1 Mbai 5:6

Beera ayeke molenge ti Baal. Beera ayeke mbeni makonzi ti azo ti mara ti Ruben so gbia ti Asirii, Teglat-Falasar, agbu lo si ague na lo na Babilone.

1 Mbai 9:1

A diko wungo ti azo ti Israel kue si a su ni na ya ti mbeti ti agbia ti Israel na lege ti asewa ti ala. A gbu azo ti Juda ague na ala na Babilone, ngbanga ti so ala ke Nzapa.

2 Mbai 28:20

Teglat-Falasar, gbia ti Asirii aga ti mu maboko na Ahaz pepe, me lo ga ti tiri bira na lo, ti zia lo na ya ti kota kpale.

2 Mbai 30:6

Awatokua amu ambeti so gbia na amakonzi ti lo asu so si ala gue na ni na sese ti Israel kue nga na ti Juda. Na lege ti yanga so gbia amu, ala tene: “Ala azo ti Israel, ala so akpe na maboko ti azo ti Asirii so, ala kiri na mbage ti KOTA GBIA, Nzapa ti Abraham, ti Isaac na ti Jacob si fade lo kiri na mbage ti ala.

2 Mbai 33:11

Tongaso KOTA GBIA asara si amakonzi ti aturugu ti gbia ti Asirii aga na tere ti ala. Aturugu ni agbu Manase, ala yoro *kongi na ngbangba ti lo, ala kanga lo na zingiri ti bengba wen si ala gue na lo na Babilone.

Esdras 1:5

Tongaso azo so ayeke na li ti asewa ti mara ti Juda na ti Benjamin, awayango-sandaga na azo ti mara ti Lévi alondo ti gue ti leke kota da ti KOTA GBIA so ayeke na Jérusalem. Ala na azo so kue Nzapa azia na be ti ala nzara ti sarango da ni laa ague.

Ésaïe 37:12

So ababâ ti mbi abuba ando agbata tongana: Gozan, Haran, Resef nga na gbata ti Telasar so azo ti sese ti Bet-Eden ayeke lango ando daa so, anzapa ti ala azi ala na maboko ti ababâ ti mbi ni?

Ésaïe 37:18

KOTA GBIA, taa-tënë, agbia ti Asirii ahunzi amara nde kue si ala buba akodro ti amara ni.