1 Mbai 5:25 - Mbeti ti Nzapa - Tënë so amu fini

²⁵ Me azo ti mara ti Ruben, ti Gad na ndambo ti mara ti Manase ake Nzapa ti akotara ti ala; ala voro anzapa ti amara so Nzapa afâ ala na dawa ti ala so.

1 Mbai 5:25 ပူးပေါင်းရင်းမြစ်များ

2 Agbia 15:19

Pul, gbia ti Asirii ali ti sara bira na sese ti Israel. Tongaso Menahem amu na lo wen ti nginza so nengo ni ayeke kilo saki baleota titene Pul amu na lo maboko si komandema ti lo akpengba.

1 Mbai 5:24

So ayeke iri ti amakonzi ti asewa ti ala: Efer, Ishei, Eliel, Azriel, Irmeya, Hodavia na Yadiel. Ala kue ayeke angangu koli, iri ti ala awu mingi.

1 Mbai 9:1

A diko wungo ti azo ti Israel kue si a su ni na ya ti mbeti ti agbia ti Israel na lege ti asewa ti ala. A gbu azo ti Juda ague na ala na Babilone, ngbanga ti so ala ke Nzapa.

Sigingo 34:15

Tongaso, alingbi ala na azo ti kodro ni aga ambuki pepe. Tongaso pepe, tongana azo ni ayeke kpe na peko ti anzapa ti ala si ayeke mu *asandaga na anzapa ni, gbaa fade azo ni ayeke tisa ala, azo ti Israel ti te kobe so azo ni ayeke mu na sandaga na anzapa ti ala ni.

Osée 1:2

So ayeke tongo nda ti atënë so *KOTA GBIA azia na yanga ti Osée ti tene na azo ti lo laa. Lo tene na Osée: “Gue, mo mu mbeni wali-ndumba titene lo ga wali ti mo si lo du na mo amolenge ti ndumba. Biani, azo ti kodro ni ake KOTA GBIA; so sarango aye ti ndumba ti ala laa.”

Osée 9:1

Israel, duti na ngia gbani gbani pepe tongana ti ambeni mara. Biani, mo sara aye ti ndumba si mo gue yongoro na Nzapa ti mo awe; mo ye ti wara futa ti mo ndali ti aye ti ndumba na ndö ti alakere so kue a yeke pika ale ti *ble daa.

Aye so Nzapa afa 17:5

Na ndö ti le ti lo, a su mbeni iri so nda ni angba na hondengo ni: “Kota Babilone, mama ti awali-ndumba, na ti aye ti sioni kue ti ndö ti sese so zo alingbi ti baa na le ti lo fani use pepe.”

Awafango-ngbanga 2:12

Ala do KOTA GBIA, Nzapa ti akotara ti ala azia, lo so lo sara si ala sigigi na kodro ti Ezipte so. Ala gue, avoro ambeni nzapa nde so ayeke anzapa ti azo so alango nduru na ala. Ala kuku na gbe ti anzapa ni si ala zia ngonzo na be ti KOTA GBIA.

Awafango-ngbanga 2:17

Me azo ti Israel ama yanga ti awafango-ngbanga ti ala ni pepe. Biani, ala kuku akpo li ti ala na gbe ti anzapa nde. Gi hio tongaso, ala zia lege so akotara ti ala atambula ando daa; ambeni kotara ti ala ayeke azo so abata ndia ti KOTA GBIA; sarango ye ti ala akpa ti akotara ti ala ni pepe.

Awafango-ngbanga 8:33

Na peko ti kuâ ti Gédéon, azo ti Israel akiri avoro anzapa *Baal. Ala mu Baal-Berit ti ga nzapa ti ala.