1 Mbai 5:2 - Mbeti ti Nzapa - Tënë so amu fini

² Juda laa ayeke ngangu zo ahon a-ita ti lo; mbeni *hale ti lo aga gbia ti azo ti Israel, me ndo ti kozo molenge aga ti Joseph.

1 Mbai 5:2 ပူးပေါင်းရင်းမြစ်များ

Tongo nda ti aye 25:31

Jacob atene na lo: “Ka na mbi ndo ti mo ti kozo molenge si.”

Tongo nda ti aye 35:23

Amolenge ti Lea ayeke so: Ruben, kozo molenge ti Jacob, Siméon, Lévi, Juda, Isakar na Zabulon.

Tongo nda ti aye 48:5

Fadeso, amolenge-koli use so mo du ala na sese ti Ezipte kozoni si mbi ga na peko ti mo na kodro ni so, ayeke ti mbi. Efraim na Manase ayeke amolenge ti mbi tongana ti so Ruben na Siméon ayeke amolenge ti mbi so.

Tongo nda ti aye 49:26

Tufa so babâ ti mo asara na ndö ti mo so ayeke ngangu ahon tufa so azo ti dungo mbi asara na ndö ti mbi. Tufa ni ahon anzoni kobe ti ndö ti ahoto ti kozoni. Fade tufa ni so ayeke ngba na ndö ti Joseph, lo so lo yeke makonzi na ndö ti a-ita ti lo.

2 Samuel 8:15

David ale-gbia na ndö ti azo ti Israel kue; lo fâ ngbanga ti azo ti lo kue na legeni mbirimbiri.

1 Mbai 28:4

KOTA GBIA, Nzapa ti Israel asoro mbi na popo ti asewa ti mbi kue titene mbi ga gbia ti Israel kpu na kpu. Ando lo soro Juda titene lo ga makonzi; na ya ti mara ti Juda, lo soro sewa ti mbi si na popo ti amolenge ti babâ ti mbi, be ti lo anzere ti zia mbi gbia na ndö ti Israel kue.

Abia (Psaumes) 108:8

Na ya ti kota da ti lo so ayeke nde si ayeke nzoni kue, Nzapa atene tënë, lo tene: “Mbi so benda awe! Mbi yeke kangbi gbata ti Sishem na azo; mbi yeke haka popo-hoto ti Sukot ti mu na azo.

Abia (Psaumes) 60:7

Na lege ti ngangu ti mo, zi e, kiri tënë na e; tongaso si e azo ti mo so mo ye e mingi, fade e soo kuâ.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Wungo ti azo 2:3

“Ala so ayeke sara bâbâ ti ala na mbage ti To, ndo so lâ ayeke londo daa, ayeke duti aturugu ti mara ti Juda na tere ti bendere ti ala. Makonzi ti aturugu ti ala ayeke Nashon, molenge ti Aminadab.

Wungo ti azo 7:12

Na kozo lango ni, zo so aga na amatabisi ti lo ayeke Nashon, molenge ti Aminadab, zo ti mara ti Juda.

Matthieu 2:6

‘Mo Betlehem, mo so mo yeke na sese ti Juda, mo yeke biani kete kodro pepe na popo ti akota kodro ti Juda, ngbanga ti so, na ya ti mo, fade mbeni gbia ayeke sigigi ti fa lege na azo ti Israel, azo ti Nzapa.’ ”

Rome 8:29

Biani, azo so Nzapa asoro ala kozoni, lo leke na be ti lo kozoni ti sara si ala ga tongana Molenge ti lo, tongaso si Molenge ni aga yaya ti a-ita mingi.

Ndia ti fani use ni 21:17

Me alingbi koli ni ayeda, atene: kozo molenge-koli ni ayeke molenge ti wali so lo ye lo pepe so. Fade lo yeke mu aye so kue lo yeke na ni na kozo molenge ni fani use, ngbanga ti so lo yeke kozo molenge so lo ngba ngangu si lo du lo.

Ndia ti fani use ni 33:17

Ayeke nzoni azo agonda Joseph! Lo yeke tongana kozo molenge ti koli-bagara. Adidi ti lo use ayeke ngangu tongana ti ngbä; lo yeke pika amara na ni, lo pusu ala ngbii lo si na ala na nda ti sese. Didi oko ayeke gba ti azo ti mara ti Efraim; mbeni didi ni ayeke azo ti mara ti Manase so ayeke saki saki.”

Ahebro 7:14

Azo kue ahinga so, a du Kota Gbia ti e na ya ti mara ti Juda. Moïse atene tënë oko pepe na ndö ti mara ti Juda tongana lo tene tënë ti awayango-sandaga.

Josué 14:6

Mbeni lâ, azo ti mara ti Juda aga awara Josué na Gilgal. Kaleb, molenge ti Yefune, zo ti kete mara ti Kenaz atene na lo, atene: “Mo hinga tënë so KOTA GBIA atene na Moïse, zo ti kua ti Nzapa, na ndö ti mbi na mo, kâ na Kades-Barnea.

Aye so Nzapa afa 5:5

Me mbeni *kangba ni oko atene na mbi: “Toto pepe! Baa, bamara ti mara ti Juda so ayeke *hale ti David, lo so benda awe; lo lingbi ti zi anzoroko mbarambara ni nga ti zi ya ti mbeti ni.”

Awafango-ngbanga 1:2

KOTA GBIA akiri tënë na ala: “Mara ti Juda laa ayeke gue; mbi zia kodro ni na maboko ti ala awe.”

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 16:10

Yese airi amolenge ti lo ti koli mbarambara titene Samuel abaa ala; Samuel atene na lo: “Ala so kue so, *KOTA GBIA asoro zo oko na popo ti ala pepe.”

1 Samuel 16:12

Yese atokua mbeni zo, amu molenge ni aga na lo. Lo be, lo pendere, le ti lo ayeke za pendere. KOTA GBIA atene na Samuel: “Lo laa, londo mo tuku mafuta na li ti lo.”