1 Mbai 5:16 - Mbeti ti Nzapa - Tënë so amu fini

¹⁶ Ahale ti Gad asara kodro na sese ti Galaad, ti Bashan nga na akodro so ayeke na tere ni. Ala sara nga kodro na Saron, ndo so anzoni pere ayeke daa ndali ti anyama, ngbii asi na nda ti kodro ni.

1 Mbai 5:16 ပူးပေါင်းရင်းမြစ်များ

1 Mbai 27:29

Shitrai, zo ti kodro ti Saron ayeke baa ndo na ndö ti abagara so ayeke te pere na ngonda ti Saron. Shafat, molenge ti Adlai ayeke baa ndo na ndö ti abagara so ayeke te pere na popo-hoto.

1 Mbai 5:15

Ahi ayeke makonzi ti akete mara ni so. Lo yeke molenge ti Abdiel, Abdiel ayeke molenge ti Guni.

B. ti abia 2:1

Mbi yeke kongo ti Saron mbi yeke pendere kongo ti apopo-hoto.

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 65:10

Ti azo ti mbi so agi mbi, fade lando ti Saron ayeke ga ndo ti tengo kobe ti ataba na ti angasa; popo-hoto ti Akor ayeke ga ndo ti lango ti abagara.

Awatokua 9:35

Azo ti Lida kue nga na azo ti lando ti Saron abaa lo si ala kiri na mbage ti *Kota Gbia.

Josué 13:24

Moïse amu sese na azo ti mara ti Gad alingbi na akete mara ti ala.

Josué 13:28

So ayeke agbata na akete kodro ti tere ni so Moïse amu na azo ti mara ti Gad titene aga ti ala, alingbi na akete mara ti ala laa.