1 Mbai 5:1 - Mbeti ti Nzapa - Tënë so amu fini

¹ Ruben ayeke kozo molenge ti Jacob. Me na peko ti so lo lango na mbeni wali ti babâ ti lo, a mu ndo ti lo ti kozo molenge na Joseph so ayeke nga molenge ti Jacob. A kiri abaa Ruben tongana kozo molenge pepe.

1 Mbai 5:1 ပူးပေါင်းရင်းမြစ်များ

Tongo nda ti aye 25:23

KOTA GBIA atene na lo: “Amara use ayeke na ya ti mo; amara use ayeke sigigi na ya ti mo ti kangbi tere ti ala. Mbeni mara ni oko ayeke ngangu ahon mbeni, yaya ni ayeke sara kua na gbe ti ngambe ni.”

Tongo nda ti aye 25:31

Jacob atene na lo: “Ka na mbi ndo ti mo ti kozo molenge si.”

Tongo nda ti aye 29:32

Lea amu ngo, lo du molenge-koli si lo di iri ti lo Ruben, ngbanga ti so lo tene: “KOTA GBIA abaa vundu ti be ti mbi awe. Fadeso koli ti mbi ayeke ye mbi.”

Tongo nda ti aye 35:22

Na ndembe so Israel ayeke duti na sese so, Ruben ague, alango na Bila, mbeni wali ti babâ ti lo. Israel ama tënë ni. Amolenge ti Jacob ti koli kue ayeke baleoko na use.

Tongo nda ti aye 46:8

Iri ti amolenge ti Israel so ague na Ezipte ayeke so: Jacob na amolenge ti lo: Ruben, kozo molenge ti Jacob.

Tongo nda ti aye 48:5

Fadeso, amolenge-koli use so mo du ala na sese ti Ezipte kozoni si mbi ga na peko ti mo na kodro ni so, ayeke ti mbi. Efraim na Manase ayeke amolenge ti mbi tongana ti so Ruben na Siméon ayeke amolenge ti mbi so.

1 Mbai 2:1

So ayeke iri ti amolenge ti Jacob – so a iri nga lo Israel – Ruben, Siméon, Lévi, Juda, Isakar, Zabulon,

1 Mbai 26:10

Hosa, zo ti kete mara ti Merari, adu amolenge osio: Shimri, kota zo ni; lo laa lo yeke yaya ni pepe, me babâ ti lo azia lo kota zo na ndö ti sewa ni;

Sigingo 6:14

Iri ti ababâ ti asewa ti azo ti Israel na lege ti molongo ni ayeke so: Ruben, kozo molenge ti Jacob. Amolenge ti Ruben ti koli ayeke so: Hanok, Palu, Hesron na Karmi. So ayeke akotara ti akete mara ti Ruben laa.

Awayango-sandaga 18:8

“Alingbi mo lango na wali ti babâ ti mo pepe; so ziango kamene na le ti babâ ti mo laa.

Awayango-sandaga 20:11

“Tongana mbeni koli alango na wali ti babâ ti lo, andaa lo zia kamene na le ti babâ ti lo awe. Fade a yeke fâ ala use kue, koli ni na wali ni; ngbanga ti mene ti ala ayeke kiri na li ti ala wani.

Wungo ti azo 1:5

Iri ti azo ni ayeke so: ti mara ti Ruben: Elisur, molenge ti Shedeur;

Wungo ti azo 16:1

Kore, molenge ti Isar, zo ti kete mara ti Kehat, zo ti mara ti Lévi, lo mu na tere ti lo Datan na Abiram, amolenge ti Eliab nga na On, molenge ti Pelet; ala yeke azo ti mara ti Ruben.

Wungo ti azo 26:5

Kozo ni ayeke mara ti Ruben. Ruben ayeke kozo molenge ti Jacob. Amolenge ti Ruben ti koli ayeke: Hanok, kotara ti azo ti kete mara ti Hanok; Palu, kotara ti azo ti kete mara ti Palu;

1 Korente 5:1

Na ndo kue, azo ayeke ma a tene, gingo wali wala gingo koli kirikiri ahon ndoni na popo ti ala. Ataa na popo ti azo so ahinga Nzapa pepe, mbeni zo ti sarango mara ti ye tongaso ayeke daa pepe! Azo atene, mbeni zo na popo ti ala ayeke duti na wali ti babâ ti lo!

Ndia ti fani use ni 21:17

Me alingbi koli ni ayeda, atene: kozo molenge-koli ni ayeke molenge ti wali so lo ye lo pepe so. Fade lo yeke mu aye so kue lo yeke na ni na kozo molenge ni fani use, ngbanga ti so lo yeke kozo molenge so lo ngba ngangu si lo du lo.

Ndia ti fani use ni 27:20

‘Deba aga na ndö ti zo so alango na wali ti babâ ti lo; so bingo buba na tere ti babâ ti lo laa.’ Fade azo kue ayeke kiri tënë, atene: ‘Amen!’

Ndia ti fani use ni 33:17

Ayeke nzoni azo agonda Joseph! Lo yeke tongana kozo molenge ti koli-bagara. Adidi ti lo use ayeke ngangu tongana ti ngbä; lo yeke pika amara na ni, lo pusu ala ngbii lo si na ala na nda ti sese. Didi oko ayeke gba ti azo ti mara ti Efraim; mbeni didi ni ayeke azo ti mara ti Manase so ayeke saki saki.”

Kolose 1:15

Christ ayeke limo ti Nzapa so zo ade ti baa lo pepe; lo yeke kozo Molenge, lo yeke na li ti aye so kue Nzapa asara.

Josué 14:6

Mbeni lâ, azo ti mara ti Juda aga awara Josué na Gilgal. Kaleb, molenge ti Yefune, zo ti kete mara ti Kenaz atene na lo, atene: “Mo hinga tënë so KOTA GBIA atene na Moïse, zo ti kua ti Nzapa, na ndö ti mbi na mo, kâ na Kades-Barnea.