1 Mbai 4:10 - Mbeti ti Nzapa - Tënë so amu fini

¹⁰ Yabes asambela Nzapa ti Israel, atene: “Ayeke nzoni mo sara tufa na ndö ti mbi, mo sara si le ti sese ti mbi akiri akono mingi, mo zia maboko ti mo na ndö ti mbi ti bata mbi, mo sara si akpale na pasi ahon yongoro na tere ti mbi!” Nzapa amu na lo ye so lo hunda.

1 Mbai 4:10 ပူးပေါင်းရင်းမြစ်များ

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

Tongo nda ti aye 12:8

Lo londo na ndo so, lo gue, lo si na hoto so ayeke na mbage ti To ti gbata ti Betel; Betel ayeke na Do si Ai ayeke na To. Lo zia da ti lo ti bongo na popo ti agbata use so. Lo leke mbeni gbalaka ndali ti KOTA GBIA. Kâ, lo iri KOTA GBIA na iri ti lo si lo voro lo.

Tongo nda ti aye 28:20

Jacob amu zendo, atene: “Tongana Nzapa ayeke na mbi si lo bata mbi na lege so mbi yeke tambula daa so, tongana lo mu na mbi kobe ti tengo ni na abongo ti yungo ni,

Tongo nda ti aye 28:21

tongana mbi kiri na nzoni tere na da ti babâ ti mbi, fade KOTA GBIA ayeke ga Nzapa ti mbi.

Tongo nda ti aye 32:26

So zo ni abaa so lo lingbi ti hon ndö ti Jacob pepe na ngoi so ala ngba ti tiri, lo pika Jacob na mbage so bio ti ngbonda ti lo na bio ti gere ti lo atengbi tere daa si abio ni azi.

Tongo nda ti aye 32:27

Zo ni atene na Jacob: “Zia mbi, mbi gue ngbanga ti so ndo ato nda ti han awe.” Jacob akiri tënë, atene: “Tongana mo sara tufa na ndö ti mbi pepe, mbi yeke zia mo, mo gue pepe.”

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

Tongo nda ti aye 33:20

Lo leke mbeni gbalaka kâ si lo di iri ni “El, Nzapa ti Israel”.

Tongo nda ti aye 48:16

ayeke nzoni *ange so azi mbi na ya ti ye ti sioni asara tufa na ndö ti amolenge so. Ayeke nzoni iri ti mbi na ti ababâ ti mbi Abraham na Isaac angba ti wu ndali ti ala. Ayeke nzoni ala du amolenge mingi si ala wu mingi na ndö ti sese.”

1 Mbai 16:8

Ala sepela KOTA GBIA! Ala to mbela ti fa atene, lo yeke Nzapa! Ala sara si amara ahinga tënë ti akota ye so lo sara!

1 Mbai 4:11

Kelub, ita ti Shuha adu Mehir; Mehir adu Esheton,

1 Mbai 4:9

Yabes ayeke mbeni koli so azo ane lo mingi ahon a-ita ti lo. Mama ti lo abaa pasi mingi na dungo lo, nilaa lo di iri ti lo Yabes.

Mbeti ti Job 12:4

Mbi iri Nzapa titene lo kiri tënë na mbi, mbi ga ye so amba ti mbi ayeke he na ngia. Zo ti mbirimbiri, zo so asara ye na legeni mbirimbiri, lo laa azo ayeke he lo na ngia.

Abia (Psaumes) 119:173

Ayeke nzoni mo mu na mbi maboko, ngbanga ti so mbi soro andia ti mo.

Abia (Psaumes) 121:7

Fade KOTA GBIA ayeke bata mo na ya ti asioni ye kue, fade lo yeke bata fini ti mo.

Abia (Psaumes) 145:19

Azo so akpe mbeto ti lo, lo yeke mu na ala ye so be ti ala aye; lo yeke ma toto ti ala si lo yeke soo ala.

Abia (Psaumes) 21:4

Mo ga ti sara tufa na ndö ti lo, mo ga ti mu na lo anzoni ye mingi; mo zia kpoto ti lôro na li ti lo.

Abia (Psaumes) 51:12

O Nzapa, mu na mbi be so avuru tarara; sara si mbi ga fini zo si mbi ngba lakue gi na lege ti mo.

Abia (Psaumes) 51:8

Me ye so anzere na be ti mo ayeke titene taa-tënë aduti na be ti mbi. Na be ti mbi kâ, mo yeke fa na mbi lege ti ndara.

Abia (Psaumes) 55:16

Ayeke nzoni kuâ amu awato ti mbi. So ala de na fini so, ayeke nzoni ala gue na ndo ti akuâ, ngbanga ti so sioni ye asi singo na be ti ala.

Abia (Psaumes) 65:2

Nzapa, mo so mo yeke na gbata ti Sion, mo lingbi titene azo kue agonda mo; zendo so azo amu na mo, ayeke nzoni ala sara ye alingbi na ni.

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Abia (Psaumes) 99:6

Moïse na Aaron ayeke ando na popo ti awayango-sandaga ti lo; Samuel ayeke ando na popo ti azo so adi iri ti KOTA GBIA si lo yeke kiri tënë na ala.

Amato 10:22

Tufa ti KOTA GBIA laa ayeke sara si zo awara mosoro; ngangu so zo asara azia ye oko daa pepe.

Amato 30:8

Mo zi na ya ti fini ti mbi aye ti kirikiri na atënë ti mvene. Mo sara si mbi ga wayere pepe wala zo ti mosoro nga pepe; mo mu na mbi gi kobe so alingbi na mbi.

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 41:17

Azo ti mawa na awayere ayeke gi ngu, me ala wara ni pepe. Nzara ti ngu ahole menga ti ala. Me mbi *KOTA GBIA, mbi yeke kiri tënë na ala; mbi Nzapa ti Israel, mbi yeke zia ala pepe.

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Matthieu 26:75

Pierre adabe ti lo na tënë so Jésus atene lani na lo, atene: “Kozo titene koli-kondo atoto, fade mo yeke bere tënë ti mbi fani ota.” Lo sigigi si lo toto ngangu mingi.

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Nzoni Tënë so Luc asu na mbeti 19:42

Lo tene: “Âa! Tongana mo nga, mo hinga fade ye so alingbi ti mu na mo siriri! Me mawa ni ayeke so ye ni angba na hondengo ni si le ti mo abaa ni pepe!

Jean 10:28

Mbi yeke mu na ala fini so angba lakue lakue; ala yeke kui ande laoko pepe, zo oko alingbi ti gboto ala na maboko ti mbi pepe.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Awatokua 3:26

Ndali ti ala, azo ti Israel, Nzapa asoro zo ti kua ti lo si lo tokua lo kozoni ti sara tufa na ndö ti ala tongana ala oko oko azia ngbene lege ti sarango ye ti ala.”

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

Rome 16:19

Ti ala, a-ita, azo kue ahinga atene, ala yeke azo ti mango tënë. Tongaso be ti mbi anzere na ala, me mbi ye titene ala duti azo ti ndara ti sara ye so ayeke nzoni, ala duti *nzoni ti ke lege ti ye ti sioni.

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Efeze 4:30

Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!

1 Samuel 1:17

Tongaso, Heli akiri tënë na lo: “Gue nzoni! Ayeke nzoni Nzapa ti Israel amu na mo ye so mo hunda na lo.”

1 Samuel 1:20

Anne amu ngo si lo du molenge-koli, lo di iri ti lo Samuel. Anne atene: “Mbi di iri ti lo Samuel, ngbanga ti so ayeke molenge so mbi hunda na maboko ti KOTA GBIA.”

1 Samuel 1:26

Anne atene na Heli: “Babâ, mbi gbu gere ti mo; mo laa mo ngba na le ti mo so. Wali so lani aluti na tere ti mo ge ti sambela KOTA GBIA so, ayeke mbi.

1 Samuel 1:27

Baa molenge so lani mbi sambela KOTA GBIA ngbanga ti lo so laa. KOTA GBIA ama sambela ti mbi si amu lo na mbi.