1 Mbai 3:15 - Mbeti ti Nzapa - Tënë so amu fini

¹⁵ Amolenge ti Yosias ayeke Yohanan, kozo molenge ni; Yoakim, use molenge ni; Sedesias, ota molenge ni, Shalum, osio molenge ni.

1 Mbai 3:15 ပူးပေါင်းရင်းမြစ်များ

2 Agbia 23:31

Yoakaz ayeke na ngu baleuse na ota si lo ga gbia; lo le-gbia nze ota na Jérusalem. Iri ti mama ti lo ayeke Hamutal, molenge ti Irmeya, zo ti gbata ti Libna.

2 Agbia 23:34

Na pekoni Neko amu Eliakim, molenge ti Yosias, azia lo gbia na peko ti babâ ti lo. Lo zia fini iri na ndö ti lo so atene Yoakim. Ti Yoakaz, Neko agbu lo ti ga zo ti kanga, lo gue na lo na Ezipte si lo kui kâ.

2 Agbia 24:17

Na pekoni, gbia ti Babilone amu Matania, ita ti babâ ti Yoakin, azia lo gbia ti Juda. Lo zia fini iri na ndö ti lo so atene Sedesias.

1 Mbai 3:14

Amon, molenge ti Manase na Yosias, molenge ti Amon.

1 Mbai 3:16

Amolenge ti Yoakim ayeke Yekonia na Sedesias.

2 Mbai 36:1

Azo ti kodro amu Yoakaz, molenge ti Yosias si ala zia lo gbia na Jérusalem na peko ti babâ ti lo.

2 Mbai 36:10

Na tongo nda ti fini ngu, gbia Nabukodonosor atokua aturugu ti mu lo ti gue na lo na Babilone, lo na aye ti ngangu ngere so ayeke na ya ti kota da ti KOTA GBIA. Na pekoni, lo mu Sedesias, mbeni sewa ti Yoakin, lo zia lo gbia ti Juda na ti Jérusalem.

Jérémie 1:3

Tënë ni akiri asi na lo na ngoi so Yoakim, molenge ti Yosias, ayeke gbia ti Juda ngbii asi na ngoi so Sedesias, mbeni molenge ti Yosias ayeke gbia ti Juda; ngbii asi na ya ti ngu baleoko na oko ni so lo le-gbia. Na ngu ni so, na ya ti oku nze ni si a gbu azo ti Jérusalem, a gue na ala na kodro wande.

Jérémie 22:11

Biani, tënë so KOTA GBIA atene ayeke so; tënë ni ayeke ndali ti Shalum, molenge ti Yosias, gbia ti Juda, lo so lo le-gbia na peko ti babâ ti lo si lo sigigi na ndo so lo hon awe; KOTA GBIA atene: “Fade lo yeke kiri na ndo so pepe;

Jérémie 22:18

Baa, tënë so KOTA GBIA atene ndali ti Yoakim, molenge ti Yosias, gbia ti Juda ayeke so: “Na ndembe ti kuâ ti lo, zo ayeke he bia ti totongo kuâ ndali ti lo pepe; wala ti tene pepe: ‘Ae ita ti mbi ti koli, so ye ti mawa ti nyen!’ ‘Ae ita ti mbi ti wali, so ye ti mawa ti nyen!’ Zo ayeke he bia ti totongo kuâ ndali ti lo pepe, atene: ‘Ae gbia, so ye ti mawa ti nyen!’ ‘Ae kota zo, so ye ti mawa ti nyen!’

Jérémie 24:8

“Me ti asioni fige so akpa titene zo ate ni pepe, ngbanga ti ala yeke sioni ahon ndoni so, tënë so mbi KOTA GBIA, mbi tene ayeke so: Ye so zo ayeke sara na afige ni, gi ni laa mbi yeke sara na Sedesias, gbia ti Juda, lo na akota zo ti kodro ti lo, na tanga ti azo ti Jérusalem na ala so kue angba na ya ti kodro ni nga na ala so aduti fadeso na sese ti Ezipte.

Jérémie 26:1

So Yoakim, molenge ti Yosias ato nda ti le-gbia na sese ti Juda, tënë ti *KOTA GBIA so asi na Jérémie, atene:

Jérémie 37:1

Nabukodonosor, gbia ti Babilone amu Sedesias, mbeni molenge ti Yosias, azia lo gbia na kodro ti Juda. Tongaso Sedesias amu mbata ti gbia na peko ti Konia, molenge ti Yoakim.