1 Mbai 28:9 - Mbeti ti Nzapa - Tënë so amu fini

⁹ – Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

1 Mbai 28:9 ပူးပေါင်းရင်းမြစ်များ

Tongo nda ti aye 28:13

KOTA GBIA ayeke luti nduru na Jacob si atene na lo: “Mbi yeke KOTA GBIA, Nzapa ti babâ ti mo Abraham na Nzapa ti Isaac. Sese so mo yeke lango daa so, fade mbi yeke mu na mo, na *ahale ti mo.

Tongo nda ti aye 6:5

KOTA GBIA abaa so sioni ti zo ahon ndoni na ndö ti sese. Ti londo na ndaperere ngbii asi na lakui, be ti lo aye gi ti sara sioni.

Tongo nda ti aye 8:21

KOTA GBIA ama nzoni fion ti sandaga ni, anzere na lo si lo tene na be ti lo, lo tene: “Mbi yeke kiri ti deba sese ndali ti zo pepe. Biani, ti londo na ndembe so zo ade maseka, be ti lo aye ti sara gi ye ti sioni. Tongaso mbi yeke kiri ti buba aye so ayeke na fini so tongana ti so mbi sara so pepe.

1 Agbia 3:6

Salomon akiri tënë, lo tene: “Mo sara nzoni be mingi na babâ ti mbi David, zo ti kua ti mo. Lani lo sara ye na le ti mo na lege ti taa-tënë, na lege ti mbirimbiri nga na legeni mbirimbiri. Nilaa mo ngba ti sara nzoni be na lo si mo mu na lo mbeni molenge-koli titene lo duti laso gbia na ndö ti mbata ti lo ti gbia.

1 Agbia 8:39

mo so mo yeke na yayu, na ndo so mo yeke duti daa, ma sambela ti ala, mo zi siokpari na li ti ala, mo sara mbeni ye; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo kue.

1 Agbia 8:43

mo so mo yeke na yayu, na ndo so mo yeke duti daa, ayeke nzoni mo ma sambela ti wande so si ye so kue lo hunda na mo, mo mu ni na lo. Tongaso, fade azo kue ti ndö ti sese so ayeke hinga mo, ala yeke kpe mbeto ti mo tongana ti so azo ti Israel, azo ti mo, ayeke kpe mbeto ti mo; azo ni ayeke hinga nga atene, da so mbi sara so, a di iri ti mo na ndö ni.

1 Agbia 8:61

Ayeke nzoni, ala azo ti Israel, be ti ala kue angba na KOTA GBIA Nzapa ti e, ti sara ye alingbi na andia ti lo nga na atënë ti yanga ti lo, tongana ti so ala yeke sara laso so.”

2 Agbia 20:3

“Ae! KOTA GBIA, mbi gbu gere ti mo, mo dabe ti mo so mbi sara ye na le ti mo na lege ti taa-tënë si mbi sara ni na be ti mbirimbiri. Mbi sara nga ye so ayeke nzoni na le ti mo.” Na pekoni Ezekias atoto mingi.

2 Agbia 21:22

Lo do KOTA GBIA, Nzapa ti akotara ti lo, lo zia si lo tambula na lege ti KOTA GBIA pepe.

2 Agbia 22:2

Yosias asara ye so ayeke mbirimbiri na le ti *KOTA GBIA. Lo mu taa gi peko ti sarango ye ti kotara ti lo David; lo zia lege ni ti hon mbage na mbage pepe.

1 Mbai 22:19

Tongaso, ala mu be ti ala na fini ti ala kue ti gi KOTA GBIA Nzapa ti ala. Ala londo, ala sara da so a zia ni nde ndali ti KOTA GBIA Nzapa; fade ala yeke mu sanduku ti *mbuki ti KOTA GBIA na aye so a zia nde ndali ti Nzapa ti zia na ya ti da so ala sara ndali ti lo.”

1 Mbai 28:8

Ti fadeso, na le ti azo ti Israel kue, na le ti bongbi ti azo ti KOTA GBIA nga na le ti Nzapa ti e, ayeke nzoni ala, a-ita ti mbi, ala bata andia kue ti KOTA GBIA, Nzapa ti ala. Tongaso si ala yeke ngba na nzoni kodro so si ala yeke zia ni titene aga ti amolenge ti ala kpu na kpu.

1 Mbai 29:9

Azo ni kue ayeke na ngia, ngbanga ti so ala mu aye na KOTA GBIA na be ti ala kue nga na nzoni be. Be ti David asi singo na kota ngia.

2 Mbai 12:5

Wayanga-Nzapa Shemaya aga abaa Roboam nga na amakonzi ti Juda so abongbi na Jérusalem na ndembe so Shishak aga nduru ti si. Lo tene na ala: “Tënë so KOTA GBIA atene ayeke so: ‘Ala ke mbi awe! Mbi nga, mbi ke ala si mbi zia ala na maboko ti Shishak.’ ”

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

2 Mbai 6:30

mo so mo yeke na yayu kâ, na ndo so mo yeke duti daa, ma sambela ti ala, zi siokpari na li ti ala; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo.

Esdras 8:22

Tongana mbi hunda fade na gbia titene lo mu na e aturugu na azo ti kpengo na ambarata titene ala bata e na lege ndali ti awato ti e, ka kamene asara mbi. Biani, lani e tene na gbia, e tene: “Maboko ti Nzapa ti e ayeke na ndö ti azo so kue ayeke gi lo; me ngonzo ti lo ayeke londo ngangu na tere ti azo so azia lo.”

Abia (Psaumes) 101:2

Mbi ye ti hinga lege ti sarango ye ti azo so alingbi kue. Lawa laa mo yeke ga ande na mbage ti mbi? Na ya ti da ti mbi, mbi yeke sara ye na be so alingbi kue.

Abia (Psaumes) 139:2

Tongana mbi londo, mo hinga; tongana mbi duti, mo hinga. Aye so mbi yeke leke na be ti mbi kâ, mo hinga ni kozoni awe.

Abia (Psaumes) 17:3

Mo gi ya ti atënë ti be ti mbi awe. Na bi, mo ga ti gi ti hinga mbi nzoni, mo tara be ti mbi, mo wara ye oko pepe; tënë so mbi gbu li ti mbi daa, ni laa asigigi na yanga ti mbi pepe.

Abia (Psaumes) 18:2

KOTA GBIA, mbi ye mo, mo yeke ngangu ti mbi!

Abia (Psaumes) 7:10

Kanga lege na sioni ti azo ti sioni! Sara si zo ti mbirimbiri akpengba! Biani, mo so mo yeke Nzapa ti mbirimbiri, mo laa mo hinga tënë so ayeke na ya ti be ti zo nga na nzara ti be ti lo.

Abia (Psaumes) 7:9

KOTA GBIA, mo so mo yeke fâ ngbanga ti amara nde, fâ ngbanga ti mbi alingbi na mbirimbiri ti mbi; tënë ayeke na li ti mbi pepe.

Abia (Psaumes) 89:26

Mbi yeke sara titene lo duti na komandema na ndö ti kota ngu-ingo nga na ndö ti *abale.

Abia (Psaumes) 89:38

Mbata ni ayeke duti daa lakue tongana ti so nze aduti na peko ti ambinda si lo yeke baa aye kue so.” Luti kete

Abia (Psaumes) 9:10

KOTA GBIA ayeke tongana ngangu gbagba so ayeke bata azo so a sara ngangu na ala; lo yeke tongana ngangu gbagba so ayeke bata azo na ngoi ti aye ti ngangu.

Sigingo 15:2

KOTA GBIA ayeke ngangu ti mbi, mbi yeke he bia na lo. Lo laa lo soo mbi! Lo yeke Nzapa ti mbi, mbi yeke sepela lo! Lo yeke Nzapa ti babâ ti mbi, mbi ye ti he bia ti fa kota ti lo.

Sigingo 3:16

Fadeso, gue, mo bongbi *akangba ti Israel si mo tene na ala: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob asi na mbi, lo tene: Mbi yeke ga biani ti mu maboko na ala ndali ti ye so azo ayeke sara na ala na Ezipte.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

Amato 3:6

Na ya ti sarango ye ti mo kue, mo dabe ti mo na lo; lo laa lo yeke leke lege so fade mo yeke tambula daa.

Amato 4:4

Lani, babâ ti mbi ayeke fa na mbi aye tongaso: “Bata atënë ti mbi na be ti mo; sara ye alingbi na atënë ti yanga ti mbi si fade mo ngba na fini.

Ésaïe 1:28

Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Ésaïe 38:3

lo tene: “Ae! KOTA GBIA, mbi gbu gere ti mo, mo dabe ti mo so mbi sara ye na le ti mo na lege ti taa-tënë si mbi sara ni na be ti mbirimbiri. Mbi sara nga ye so ayeke nzoni na le ti mo.” Na pekoni Ezekias atoto mingi.

Ésaïe 45:19

Mbi tene tënë na hondengo ni pepe, na mbeni ndo na sese so avuko vukongo. Mbi tene na *ahale ti Jacob pepe, mbi tene: Ala gi mbi na ndo so angba senge! Mbi KOTA GBIA, mbi yeke tene tënë ti ye so ayeke mbirimbiri, mbi yeke tene tënë ti ye so ayeke na legeni.”

Jérémie 11:20

Me mo, KOTA GBIA so mo yeke na ndö ti dunia kue, mo yeke fâ ngbanga mbirimbiri. Tënë ti be ti zo na ye so zo ayeke gbu li ti lo daa, mo hinga ni kue. Fade mbi yeke baa lege so mo yeke kiri na ala peko ti sioni so ala sara na mbi, ngbanga ti so mbi zia tënë ti mbi na maboko ti mo.

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Jérémie 20:12

KOTA GBIA so ayeke na ndö ti dunia kue, mo laa mo hinga zo so ayeke mbirimbiri, mo laa mo hinga atënë ti be ti zo na agbungo li ti lo. Sara si mbi baa lege so mo kiri na awato ti mbi peko ti sioni so ala sara na mbi, ngbanga ti so mbi zia tënë ti mbi na maboko ti mo awe.

Jérémie 22:16

Zo ti mawa na wayere, lo fâ ngbanga ti ala na legeni; so asara si lo baa nzoni mingi. So tënë ti yanga ti KOTA GBIA laa.

Jérémie 24:7

Mbi yeke mu na ala be ti hinga so mbi yeke KOTA GBIA. Na be ti ala kue, fade ala yeke kiri na mbage ti mbi. Ala yeke duti azo ti mbi si mbi yeke duti Nzapa ti ala.

Jérémie 29:13

Fade ala yeke gi mbi si ala yeke wara mbi. Tongana ala gi mbi na be ti ala kue,

Jérémie 29:14

fade mbi yeke zia lege titene ala wara mbi; so tënë ti yanga ti KOTA GBIA laa. Mbi yeke sara titene ala kiri na kozo ndo ti ala; mbi yeke zi ala na ya ti kodro so kue nga na ando so kue mbi kangbi ala ando daa ti bongbi ala na ndo oko; mbi yeke kiri na ala na ndo so a gbu ala ando daa si a gue na ala na kodro wande so’; so tënë ti yanga ti KOTA GBIA laa.

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Jérémie 9:24

“Mbeni lango ayeke ga so mbi yeke ga na tere ti azo so atene, ani yeke azo so afâ *ganza awe so; so tënë ti yanga ti KOTA GBIA laa.

Ezekiel 11:5

Yingo ti KOTA GBIA agbu mbi si amu yanga na mbi, atene: “Tënë so KOTA GBIA atene ayeke so: Ala azo ti Israel, tënë so ala yeke tene, mbi ma ni! Aye so ayeke ga na li ti ala, mbi hinga ni.

Ezekiel 38:10

“Tënë so mbi Kota Gbia NZAPA, mbi tene ayeke so: Na lango ni so, fade atënë mingi mingi ayeke ga na be ti mo; mo yeke leke pialo so ayeke sioni.

Osée 4:1

Azo ti Israel, ala ma tënë ti *KOTA GBIA: KOTA GBIA ayeke na ngbanga na azo ti kodro, ngbanga ti so na ya ti kodro ni, tenengo taa-tënë ayeke daa pepe, ndoye ayeke daa pepe, hingango Nzapa ayeke daa pepe.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Jean 1:47

Jésus abaa Natanael so ayeke ga na mbage ti lo si lo tene: “Baa, so mbirimbiri zo ti Israel laa. Lo hinga ti tene mvene pepe.”

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jean 2:25

Mbeni zo alingbi ti fa peko ti tënë na Jésus na ndö ti zo pepe, ngbanga ti so lo hinga tënë ti be ti zo nzoni mingi.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Jean 4:24

Nzapa ayeke Yingo; azo so ayeke voro lo, ayeke nzoni ala voro lo na lege ti Yingo nga na lege ti taa-tënë.”

Jean 8:55

me ala hinga lo oko pepe. Mbi laa mbi hinga lo. Tongana mbi tene fade, mbi tene: ‘Mbi hinga lo pepe’, ka mbi yeke zo ti mvene tongana ala. Me mbi hinga lo si mbi yeke sara ye alingbi na tënë ti lo.

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

Awatokua 17:23

Biani, so mbi yeke tambula na ya ti gbata ti ala, mbi yeke baa anzapa so ala leke si ala yeke voro ni. Mbi baa nga mbeni gbalaka so a sara mbeti daa, atene: ‘So ayeke ti mbeni nzapa so e hinga lo pepe.’ Nzoni! Ye so ala yeke voro ni si ala hinga pepe so, ni laa mbi ga ti fa ni na ala.

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

1 Korente 15:34

Ala sara ye tongana azo so li ti ala ayeke daa, ala sara siokpari pepe! Biani, ambeni zo na popo ti ala ahinga Nzapa pepe. A-ita, mbi yeke tene tënë so ti zia kamene na le ti ala.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

2 Korente 9:7

Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.

Ndia ti fani use ni 10:12

Moïse atene: Ala azo ti Israel, ye so *KOTA GBIA Nzapa ti ala ayeke ku na mbage ti ala fadeso ayeke nyen? Lo yeke ku gi titene ala kpe mbeto ti lo, ala sara ye so kue lo ye, ala ye lo si ala sara kua na lo na be ti ala kue, na yingo ti ala kue.

Ndia ti fani use ni 31:21

Tongana akpale na aye ti ngangu asi ande na ala, fade bia so ayeke ga mbeni ye ti bi tënë na li ti ala. Ataa *ahale ti ala ayeke girisa bia so pepe. Biani, gi laso laso, mbi hinga ye so ala leke na be ti ala ti sarango ni kozo si mbi sara titene ala li na ya ti kodro so mbi deba yanga ti mbi ti mu na ala.”

Ndia ti fani use ni 4:35

Ala wara lege ti baa aye so kue titene ala hinga atene, KOTA GBIA laa ayeke Nzapa; mbeni nzapa nde ayeke daa pepe, gi lo oko.

Ahebro 12:28

Ndali ti so e wara lege ti li na *Kodro-gbia ti Nzapa, kodro so ayeke yingi pepe, ayeke nzoni e mu singila na lo na lege ti sarango kua so anzere na be ti lo, e ma yanga ti lo si e kpe mbeto ti lo.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

1 Pierre 5:2

Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

1 Samuel 12:20

Samuel atene na azo ni: “Ala sara mbeto pepe! Ala wani laa asara asioni ye so kue. Me ala hon yongoro na KOTA GBIA pepe, ala sara kua na lo na be ti ala kue.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”