1 Mbai 28:8 - Mbeti ti Nzapa - Tënë so amu fini

⁸ Ti fadeso, na le ti azo ti Israel kue, na le ti bongbi ti azo ti KOTA GBIA nga na le ti Nzapa ti e, ayeke nzoni ala, a-ita ti mbi, ala bata andia kue ti KOTA GBIA, Nzapa ti ala. Tongaso si ala yeke ngba na nzoni kodro so si ala yeke zia ni titene aga ti amolenge ti ala kpu na kpu.

1 Mbai 28:8 ပူးပေါင်းရင်းမြစ်များ

1 Mbai 28:7

Fade mbi yeke sara titene lengo-gbia ti lo akpengba kpu na kpu, tongana lo bata andia na ambela ti mbi tongana ti so lo yeke sara laso so’.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Esdras 9:12

Tongaso ala azo ti Israel, ala mu amolenge ti ala ti wali na amolenge-koli ti amara ni pepe; ala soro awali na popo ti azo ti amara ni pepe ti mu na amolenge ti ala ti koli. Ala gi nzoni dutingo na nzoni maingo ti amara ni pepe; tongaso si ala, azo ti Israel, ala lingbi ti ga ngangu mara, ala yeke te anzoni ye ti sese ni si ala yeke zia sese ni na amolenge ti ala titene aga ti ala kpu na kpu.’

Abia (Psaumes) 119:27

Sara si mbi ma ya ti andia ti mo, tongaso si mbi gbu li ti mbi na ndö ti aye ti kpene ti mo.

Abia (Psaumes) 119:4

KOTA GBIA, mo laa mo mu andia ti mo na azo titene ala bata ni nzoni.

Abia (Psaumes) 119:44

Fade mbi yeke bata ndia ti mo lakue lakue, kpu na kpu.

Sigingo 23:13

“Aye so kue mbi mu yanga daa na ala so, ala sara ye alingbi na ni. Ala sambela ambeni nzapa nde pepe; ala di nga iri ti anzapa ni na yanga ti ala pepe.”

Amato 13:22

Zo ti nzoni ayeke zia anzoni ye na peko ti kuâ ti lo na *ahale ti lo; me mosoro ti zo ti siokpari ayeke ngba ndali ti azo ti mbirimbiri.

Amato 3:1

Molenge ti mbi, aye so mbi fa na mo, mo girisa ni pepe; bata atënë ti ndia ti mbi na ya ti be ti mo.

Ésaïe 34:16

Tongana ala gi na ya ti mbeti ti KOTA GBIA, fade ala yeke diko tënë so: Na popo ti anyama so kue, mbeni oko angba na peko pepe, mbeni oko so ake ti ga ayeke daa pepe. KOTA GBIA laa amu yanga na ala, yingo ti lo laa abongbi ala.

Awatokua 10:33

Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Ndia ti fani use ni 27:1

Moïse na *akangba ti Israel amu yanga na azo ni, atene: “Fade ala yeke bata andia so kue mbi fa na ala laso.

Ndia ti fani use ni 29:10

awali ti ala na amolenge ti ala, ataa awande so aduti na popo ti ala na ya ti bâbâ si kua ti ala ayeke ti de keke wala ti to ngu na ala, azo ti Israel.

Ndia ti fani use ni 29:15

Ala, azo ti Israel, ala hinga lege so e duti na ni na sese ti Ezipte; nga na lege so e hon na popo ti amara nde so e fâ ya ti sese ti ala ti hon.

Ndia ti fani use ni 4:1

Moïse atene: Ala azo ti Israel, fadeso ala ma aye so ndia afa nga na atënë ti ndia so mbi yeke fa na ala titene ala sara ye alingbi na ni. Tongaso, fade ala yeke duti na fini si ala yeke gue ti mu sese so *KOTA GBIA, Nzapa ti akotara ti ala amu na ala.

Ndia ti fani use ni 4:26

Tongana ala sara mara ti asiokpari tongaso, mbi tene na ala laso biani, yayu na sese ayeke ma mbi, sese so ala yeke gue ti mu na mbage ti ngu ti Jourdain kâ titene aga ti ala so, ala yeke ngba na ya ni aninga pepe, a yeke fâ ala kue ti hunzi ala.

Ndia ti fani use ni 4:6

Tongana ala bata andia ni si ala sara ye alingbi na ni, amara nde so ayeke ma tënë ni, fade ala yeke baa ala, azo ti Israel, tongana azo ti ndara na azo ti hingango ndo; azo ni ayeke tene: “So ndara na hingango ndo na kota mara so!”

Ndia ti fani use ni 5:32

Moïse akiri atene na azo ti Israel, atene: Ala sara kue ti sara ye alingbi na ye so KOTA GBIA Nzapa ti ala amu yanga na ala ti sarango ni; ala zia ni, ahon mbage na mbage pepe.

Ndia ti fani use ni 5:33

Ala tambula lakue gi na lege so KOTA GBIA Nzapa ti ala afa na ala; tongaso si fade ala yeke duti na fini, gigi ti ala ayeke yo si ala yeke duti nzoni na ya ti kodro so ala yeke mu ni titene aga ti ala.

Josué 24:20

Tongana ala zia KOTA GBIA ti sara kua na ambeni nzapa nde, fade lo yeke kiri na ndö ti ala ti sara sioni na ala, lo yeke fâ ala ti hunzi ala na peko ti nzoni so lo sara na ala.”