1 Mbai 28:6 - Mbeti ti Nzapa - Tënë so amu fini

⁶ Na pekoni, KOTA GBIA atene na mbi: ‘Molenge ti mo Salomon laa ayeke sara da nga na gbagba na mbi. Biani, mbi soro lo titene lo ga molenge ti mbi si mbi, mbi yeke duti babâ ti lo.

1 Mbai 28:6 ပူးပေါင်းရင်းမြစ်များ

1 Agbia 5:5

Na ngoi so kue Salomon aduti gbia, azo ti Juda na azo ti Israel kue aduti na siriri. Ti londo na kodro ti Dan ngbii asi na Bersheba, zo oko oko ayeke duti kpoo na gbe ti keke ti *vinye ti lo wala na gbe ti keke ti fige ti lo.

1 Agbia 8:20

Salomon akiri atene: “Tënë so KOTA GBIA atene lani so, lo sara ye alingbi na ni awe: mbi ga gbia na peko ti babâ ti mbi David, mbi duti na ndö ti mbata ti gbia ti Israel, alingbi na tënë so KOTA GBIA atene lani, nilaa mbi sara kota da so ndali ti KOTA GBIA, Nzapa ti Israel.

2 Mbai 1:9

Fadeso KOTA GBIA Nzapa, ayeke nzoni mo sara si tënë so mo tene na babâ ti mbi David so, aga taa-tënë. Biani, mo laa mo zia mbi gbia na ndö ti azo so awu mingi tongana fuku ti sese.

Ezekiel 40:14

Lo haka nga kota kubu ni; ayo kudee baleomene. Gbagba ti kota da ni angoro kota kubu ni mbage na mbage.

Ahebro 3:3

Biani, zo so asara da, azo ayeke ne lo ahon da ni wani, nilaa, alingbi azo agonda Jésus ahon ti so ala gonda Moïse so.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Ahebro 4:5

Gi na ya ti oko Mbeti ti Nzapa so, a kiri atene: “Kodro so mbi leke titene ala wu tere ti ala daa so, fade ala yeke li na ya ni oko pepe.”