1 Mbai 28:4 - Mbeti ti Nzapa - Tënë so amu fini

⁴ KOTA GBIA, Nzapa ti Israel asoro mbi na popo ti asewa ti mbi kue titene mbi ga gbia ti Israel kpu na kpu. Ando lo soro Juda titene lo ga makonzi; na ya ti mara ti Juda, lo soro sewa ti mbi si na popo ti amolenge ti babâ ti mbi, be ti lo anzere ti zia mbi gbia na ndö ti Israel kue.

1 Mbai 28:4 ပူးပေါင်းရင်းမြစ်များ

2 Samuel 5:3

Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel.

1 Mbai 17:23

Fadeso, KOTA GBIA, tënë so mo tene lani na ndö ti mbi nga na ndö ti ahale ti mbi, ayeke nzoni ye ni asi alingbi na tënë ni kpu na kpu. Sara ye alingbi na tënë ti mo.

1 Mbai 17:27

Fadeso, mo yeda awe ti sara tufa na ndö ti ahale ti mbi, tongaso si ala ngba kpu na kpu na dawa ti mo. Biani, KOTA GBIA, mo laa mo sara tufa na ndö ti ala; ye so mo sara tufa na ndö ni, tufa ni ayeke ngba kpu na kpu.”

1 Mbai 5:2

Juda laa ayeke ngangu zo ahon a-ita ti lo; mbeni *hale ti lo aga gbia ti azo ti Israel, me ndo ti kozo molenge aga ti Joseph.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

Abia (Psaumes) 108:8

Na ya ti kota da ti lo so ayeke nde si ayeke nzoni kue, Nzapa atene tënë, lo tene: “Mbi so benda awe! Mbi yeke kangbi gbata ti Sishem na azo; mbi yeke haka popo-hoto ti Sukot ti mu na azo.

Abia (Psaumes) 18:19

Na lango so ye ti ngangu asi na mbi, awato ti mbi alondo ti tiri na mbi, me KOTA GBIA aga amu maboko na mbi.

Abia (Psaumes) 60:7

Na lege ti ngangu ti mo, zi e, kiri tënë na e; tongaso si e azo ti mo so mo ye e mingi, fade e soo kuâ.

Abia (Psaumes) 89:4

Mo tene: “Zo so mbi soro lo, mbi na lo, e ga ambuki awe; mbi deba yanga na David, zo ti kua ti mbi, mbi tene:

Ahebro 7:14

Azo kue ahinga so, a du Kota Gbia ti e na ya ti mara ti Juda. Moïse atene tënë oko pepe na ndö ti mara ti Juda tongana lo tene tënë ti awayango-sandaga.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 26:1

Azo ti Zif ague, awara Saul na gbata ti Gibea si ala tene na lo: “David ahonde tere ti lo na li ti hoto ti Hakila so abaa le na benyama, mo hinga pepe?”