1 Mbai 27:29 - Mbeti ti Nzapa - Tënë so amu fini

²⁹ Shitrai, zo ti kodro ti Saron ayeke baa ndo na ndö ti abagara so ayeke te pere na ngonda ti Saron. Shafat, molenge ti Adlai ayeke baa ndo na ndö ti abagara so ayeke te pere na popo-hoto.

1 Mbai 27:29 ပူးပေါင်းရင်းမြစ်များ

1 Mbai 27:30

Obil, zo ti mara ti Ismael ayeke baa ndo na ndö ti *azambala. Yedia, zo ti kodro ti Meronot ayeke baa ndo na ndö ti amama ti lele.

1 Mbai 5:16

Ahale ti Gad asara kodro na sese ti Galaad, ti Bashan nga na akodro so ayeke na tere ni. Ala sara nga kodro na Saron, ndo so anzoni pere ayeke daa ndali ti anyama, ngbii asi na nda ti kodro ni.

2 Mbai 26:10

Lo sara nga ada so ayo na nduzu na benyama si lo zi adu ti ngu mingi, ngbanga ti so lo yeke na anyama mingi na *Kodro-ti-gbeni nga na kpangbara sese. Lo yeke nga na azo ti fango yaka na azo ti fango yaka ti *vinye so ayeke na ndö ti ahoto nga na ndö ti hoto ti Karmel. Biani, Ozias aye kua ti yaka mingi.

Zo ti bongbingo azo 2:7

Mbi vo angbaa ti koli na ti wali; amolenge so ala du ayeke sara kua na da ti mbi. Mbi wara gba ti abagara, ataba na angasa ahon ti azo so kue ale-gbia na Jérusalem kozo ti mbi.

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 65:10

Ti azo ti mbi so agi mbi, fade lando ti Saron ayeke ga ndo ti tengo kobe ti ataba na ti angasa; popo-hoto ti Akor ayeke ga ndo ti lango ti abagara.

Awatokua 9:35

Azo ti Lida kue nga na azo ti lando ti Saron abaa lo si ala kiri na mbage ti *Kota Gbia.

Ndia ti fani use ni 1:7

Fadeso, ala londo, ala gue na sese ti ahoto so azo ti mara ti Amori ayeke daa nga na asese so ayeke na tere ni, so azo ti Kanaan ayeke lango daa, so ti tene na lando ti Jourdain, na sese ti ahoto, na *Kodro-ti-gbeni, na sese ti Negev nga na sese so ayeke na tere ti kota ngu-ingo ti Mediterane. Ala gue nga ngbii, ala si na ahoto ti Liban nga na *bale ti Efrate.

1 Samuel 21:7

Tongaso wayango-sandaga amu na David mapa so a zia nde ndali ti Nzapa, ngbanga ti so mbeni mapa nde ayeke daa pepe, gi mapa so a mu na sandaga na Nzapa. Andaa azo azia amapa ni na dawa ti *KOTA GBIA si ala kiri azia amapa so angba wâ na plase ni.