1 Mbai 27:25 - Mbeti ti Nzapa - Tënë so amu fini

²⁵ Azmavet, molenge ti Adiel ayeke baa ndo na ndö ti amosoro ti gbia. Jonatan, molenge ti Ozias ayeke baa ndo na ndö ti amosoro ti gbia so a bata na ya ti kodro ni, na ya ti agbata ni, na ya ti akete kodro nga na ndo so aturugu ayeke luti daa ti bata ndo.

1 Mbai 27:25 ပူးပေါင်းရင်းမြစ်များ

Tongo nda ti aye 41:48

Joseph abongbi akobe na ya ti ngu mbarambara so na sese ti Ezipte. Lo bata akobe ni na ya ti agbata ti kodro ni. Akobe ti ayaka so ayeke na tere ti agbata ni, lo bongbi ni na ya ti agbata oko oko.

2 Samuel 23:31

Abialbon, zo ti kodro ti Bet-Araba; Azmavet, zo ti kodro ti Bahurim;

2 Agbia 18:15

Ezekias amu na lo wen ti nginza so kue ayeke na ya ti kota da ti KOTA GBIA nga na amosoro so kue ayeke na ya ti kubu ti batango amosoro ti yangbo ti gbia.

1 Mbai 27:24

Yoab, so iri ti mama ti lo ayeke Seruya ato nda ti diko wungo ti azo ni lani awe; me lo hunzi dikongo ala pepe, ngbanga ti so ngonzo ti Nzapa alondo na ndö ti azo ti Israel. Ndani laa a fa wungo ti azo ni pepe na ya ti “Mbeti ti aye so gbia David asara.”

1 Mbai 27:26

Ezri, molenge ti Kelub ayeke baa ndo na ndö ti azo ti fango yaka ti kodro ni.

1 Mbai 28:1

David abongbi amakonzi ti Israel kue na Jérusalem: amakonzi ti amara, amakonzi ti abongbi ti aturugu ti gbia, ala so ayeke na li ti aturugu saki oko, ala so ayeke na li ti aturugu ngbangbo oko, amakonzi so ayeke baa ndo na ndö ti amosoro nga na anyama ti gbia na ti amolenge ti lo. Gbia abongbi nga akota zo ti kua ti yangbo ti lo, akpengba turugu na angangu koli kue.

1 Mbai 29:6

Tongaso amakonzi ti asewa, amakonzi ti amara ti Israel, ala so ayeke na li ti aturugu saki oko, ala so ayeke na li ti aturugu ngbangbo oko nga na azo so ayeke baa ndo na ndö ti akua ti gbia amu ye na be ti ala wani;

2 Mbai 16:2

Tongaso Asa amu awen ti nginza na lôro so a bata na ya ti kubu ti mosoro ti kota da ti *KOTA GBIA na ti so ayeke na yangbo ti gbia si lo tokua ni na Ben-Hadad, gbia ti Sirii so ayeke lango na Damas. Lo tene na Ben-Hadad:

2 Mbai 26:10

Lo sara nga ada so ayo na nduzu na benyama si lo zi adu ti ngu mingi, ngbanga ti so lo yeke na anyama mingi na *Kodro-ti-gbeni nga na kpangbara sese. Lo yeke nga na azo ti fango yaka na azo ti fango yaka ti *vinye so ayeke na ndö ti ahoto nga na ndö ti hoto ti Karmel. Biani, Ozias aye kua ti yaka mingi.

Sigingo 1:11

Tongaso azo ti Ezipte azia amakonzi ti kua na ndö ti azo ti Israel titene a mu na ala akua ti ngbaa. Nilaa azo ti Israel asara agbata tongana Pitom na Ramses ndali ti batango akungba na akobe ti yaka ti Faraon.

Jérémie 41:8

Me azo baleoko na popo ti ala atene na Ismael: “Mo fâ e pepe. E yeke na kobe so e honde na yaka: ble, orze, mafuta na mafuta ti wotoro.” Nilaa Ismael azia ti fâ ala, ala na a-ita ti ala ni.