1 Mbai 27:1 - Mbeti ti Nzapa - Tënë so amu fini

¹ So ayeke iri ti azo ti Israel so ayeke sara kua na gbia: amakonzi ti asewa, amakonzi ti aturugu 1 000, amakonzi ti aturugu 100 na awakuasu. Kua ti ala ayeke ti baa lege ti abongbi ti aturugu so ayeke sara kua na ya ti nze oko oko, na ya ti ngu oko kue. Bongbi oko oko, aturugu ayeke na ya ni 24 000.

1 Mbai 27:1 ပူးပေါင်းရင်းမြစ်များ

2 Samuel 23:8

So ayeke iri ti akpengba turugu ti David: Ishebaal, zo ti kete mara ti Hakmoni; lo yeke na li ti aturugu ti batango gbia, mbeni iri ti lo ayeke Adino, zo ti kete mara ti Esni; lo laa na ya ti lango oko, lo fâ azo 800 na likongo ti lo.

1 Agbia 4:7

Salomon ayeke lani na agovoronere baleoko na use so ayeke na ndö ti kodro ti Israel kue. Kua ti ala ayeke ti gi kobe ndali ti gbia na azo ti yangbo ti lo kue. Govoronere oko oko ayeke mu nze oko na ya ti ngu oko ti bongbi kobe ndali ti gbia na azo ti lo.

1 Agbia 5:14

Azo ti akodro nde nde ti dunia ayeke ga ti ma tënë ti ndara ti Salomon; agbia ayeke tokua azo titene ala ga ama tënë ti ndara na yanga ti lo.

1 Mbai 11:10

So ayeke iri ti amakonzi ti akpengba turugu ti David, ala na azo ti Israel so kue amu maboko na David titene lo ga gbia alingbi na tënë so *KOTA GBIA atene lani na ndö ti Israel.

1 Mbai 13:1

David na amakonzi ti aturugu 1 000 na ala ti aturugu 100 nga na akota zo ti kodro kue abongbi ti ma tere.

1 Mbai 26:32

Yeria na a-ita ti lo ayeke angangu koli, wungo ti ala ayeke 2 700; ala yeke amakonzi ti sewa ti ala. Gbia David azia ala ti baa lege ti akua kue ti KOTA GBIA na kua ti gbia, na sese ti azo ti mara ti Ruben, ti Gad na ti ndambo ti mara ti Manase.

1 Mbai 27:2

Bongbi oko oko ayeke sara kua na gbe ti amakonzi tongaso: Na kozo nze ni: Yashobam, molenge ti Zabdiel, zo ti kete mara ti Peres. Lo wani laa lo yeke na ndö ti amakonzi ti aturugu ti kozo nze ni. Na use nze ni: Dodai, zo ti kodro ti Ahoa. Zo so ayeke mu maboko na lo ayeke komanda ti aturugu Miklot. Na ota nze ni: Benaya, molenge ti kota wayango-sandaga Yoyada. Benaya ayeke mbeni oko na popo ti aturugu ti batango gbia. So lo ga makonzi ti aturugu ti batango gbia awe, molenge ti lo Amizabad laa aga komanda ti aturugu na plase ti lo. Na osio nze ni: Asael, ita ti Yoab; na pekoni Zebadia, molenge ti lo. Na oku nze ni: Shamut, zo ti kete mara ti Izra. Na omene nze ni: Ira, molenge ti Ikesh, zo ti kodro ti Tekoa. Na mbarambara nze ni: Heles, zo ti kodro ti Palon, zo ti mara ti Efraim. Na miombe nze ni: Sibkai, zo ti kodro ti Husha, zo ti kete mara ti Zera. Na gumbaya nze ni: Abiezer, zo ti kodro ti Anatot, zo ti mara ti Benjamin. Na nze baleoko ni: Marai, zo ti kodro ti Netofa, zo ti kete mara ti Zera. Na nze baleoko na oko ni: Benaya, zo ti kodro ti Piraton, zo ti mara ti Efraim. Na nze baleoko na use ni: Heldai, zo ti kodro ti Netofa, zo ti kete mara ti Otniel.

1 Mbai 28:1

David abongbi amakonzi ti Israel kue na Jérusalem: amakonzi ti amara, amakonzi ti abongbi ti aturugu ti gbia, ala so ayeke na li ti aturugu saki oko, ala so ayeke na li ti aturugu ngbangbo oko, amakonzi so ayeke baa ndo na ndö ti amosoro nga na anyama ti gbia na ti amolenge ti lo. Gbia abongbi nga akota zo ti kua ti yangbo ti lo, akpengba turugu na angangu koli kue.

1 Mbai 29:6

Tongaso amakonzi ti asewa, amakonzi ti amara ti Israel, ala so ayeke na li ti aturugu saki oko, ala so ayeke na li ti aturugu ngbangbo oko nga na azo so ayeke baa ndo na ndö ti akua ti gbia amu ye na be ti ala wani;

2 Mbai 1:2

Salomon abongbi azo ti Israel kue, amakonzi so ayeke na ndö ti aturugu 1 000, ala so ayeke na ndö ti aturugu 100, awafango-ngbanga nga na amakonzi kue ti azo ti Israel, so ti tene amakonzi ti asewa.

Sigingo 18:25

Na popo ti azo ti Israel kue, Moïse asoro azo so alingbi si lo zia ala makonzi na ndö ti azo ni: ambeni na ndö ti azo saki oko, ambeni na ndö ti azo ngbangbo oko, ambeni na ndö ti azo baleoku si ambeni na ndö ti azo baleoko.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Ndia ti fani use ni 1:15

Tongaso, mbi mu azo so ayeke na li ti amara ti ala, azo ti ndara na azo so iri ti ala awu nzoni, mbi zia ambeni na li ti azo saki oko, ambeni na li ti azo ngbangbo oko, ambeni na li ti azo baleoku, ambeni na li ti azo baleoko. Mbi zia ambeni ti baa ndo na ndö ti akua na ya ti amara oko oko.

Josué 23:1

Na peko ti so *KOTA GBIA azi azo ti Israel na maboko ti awato ti ala so angoro ala, lo mu na ala siriri aninga awe. Josué aga mbakoro si ngu ti lo ahon mingi awe.

1 Samuel 8:12

Fade lo yeke mu ambeni ti duti makonzi na ndö ti aturugu saki oko wala makonzi na ndö ti aturugu baleoku. Lo yeke mu ambeni titene ala fâ yaka ti lo si ala fâ nga ale ti kobe ti yaka ti lo. Fade lo yeke mu ambeni titene ala leke aye ti bira ti lo nga na agbakuru ti kangango na tere ti apusu ti mbarata ti lo.