1 Mbai 26:32 - Mbeti ti Nzapa - Tënë so amu fini

³² Yeria na a-ita ti lo ayeke angangu koli, wungo ti ala ayeke 2 700; ala yeke amakonzi ti sewa ti ala. Gbia David azia ala ti baa lege ti akua kue ti KOTA GBIA na kua ti gbia, na sese ti azo ti mara ti Ruben, ti Gad na ti ndambo ti mara ti Manase.

1 Mbai 26:32 ပူးပေါင်းရင်းမြစ်များ

1 Mbai 12:37

Na popo ti azo ti mara ti Aser, aturugu ayeke 40 000 so amanda ti sara bira si ala hinga lege ti lekengo tere ti ala ti tiri bira.

1 Mbai 15:12

Lo tene na ala: “Ala so ayeke amakonzi ti sewa ti mara ti Lévi, ayeke nzoni ala na a-ita ti ala, ala zia tere ti ala nde ndali ti Nzapa, na pekoni ala gue, amu sanduku ti mbuki ti KOTA GBIA, Nzapa ti Israel, ala zia na ndo so mbi leke ndali ni.

1 Mbai 23:24

So ayeke ahale ti Lévi na lege ti akete mara ti ala oko oko nga na lege ti amakonzi ti asewa ti ala oko oko laa. A su iri ti ala oko oko kue na mbeti. Ala so ngu ti ala alingbi baleuse na ala so ngu ti ala ahon baleuse, a mu ala ti sara kua na ya ti kota da ti KOTA GBIA.

1 Mbai 24:31

Tongana ti so a-ita ti ala, ahale ti Aaron asara, ala nga abi mbeni ye ti baa na lege ti kua ti ala. Ala sara ye ni na dawa ti gbia David, lo na Sadok, Ahimelek, amakonzi ti asewa ti awayango-sandaga nga na azo ti mara ti Lévi. Tongaso, kua so a mu na kota zo ti sewa, gi ni laa a mu na ngambe ni.

1 Mbai 27:1

So ayeke iri ti azo ti Israel so ayeke sara kua na gbia: amakonzi ti asewa, amakonzi ti aturugu 1 000, amakonzi ti aturugu 100 na awakuasu. Kua ti ala ayeke ti baa lege ti abongbi ti aturugu so ayeke sara kua na ya ti nze oko oko, na ya ti ngu oko kue. Bongbi oko oko, aturugu ayeke na ya ni 24 000.

2 Mbai 19:11

Fade kota wayango-sandaga Amaria ayeke duti na li ti ala ndali ti akua kue ti KOTA GBIA. Makonzi ti azo ti mara ti Juda, Zebadia, molenge ti Ismael, lo laa lo yeke duti na li ti ala ndali ti akua kue ti gbia. Azo ti mara ti Lévi laa ayeke duti na tere ti ala ti su aye kue na mbeti. Ala gbu ngangu, ala sara kua! Ayeke nzoni KOTA GBIA aduti na zo so ayeke sara nzoni ye.”

Josué 1:12

Na pekoni, Josué atene na azo ti mara ti Ruben, ti Gad nga na ndambo ti mara ti Manase, atene: