1 Mbai 26:27 - Mbeti ti Nzapa - Tënë so amu fini

²⁷ Mbage ti aye so azo ni so agbu na peko ti bira, ala zia ni nde ndali ti lekengo na kota da ti KOTA GBIA.

1 Mbai 26:27 ပူးပေါင်းရင်းမြစ်များ

2 Samuel 8:11

Gbia David azia aye so nde ndali ti KOTA GBIA, tongana ti so lo zia lani nde wen ti nginza nga na lôro so lo gbu na maboko ti amara so kue lo kinda ala:

2 Agbia 12:14

Me nginza so azo aga na ni na ya ti kota da ti KOTA GBIA, a mu ni pepe ti sara na adu ti sembe, wala na aye ti mingongo na wâ ti lamba, wala na adu ti sembe so a yeke tuku mene daa ti fi na tere ti aye, wala na tatalita, wala na aye so a sara na lôro wala na wen ti nginza.

1 Mbai 18:11

Gbia David azia aye so nde ndali ti KOTA GBIA; lo bongbi ni na wen ti nginza nga na lôro so lo gbu na maboko ti amara kue: azo ti mara ti Edom, ti Moab, ti Amon, ti Filistii na ti Amalek.

1 Mbai 26:26

Shelomit, lo na a-ita ti lo ayeke baa ndo na ndö ti aye so kue gbia David, na amakonzi ti asewa, na amakonzi ti aturugu 1 000 na ti aturugu 100 nga na amakonzi nde nde ti aturugu azia ni nde ndali ti Nzapa.

1 Mbai 26:28

Aye so kue wayanga-Nzapa Samuel, Saul, molenge ti Kish, Abner, molenge ti Ner, Yoab, so iri ti mama ti lo ayeke Seruya, azia nde ndali ti Nzapa; Shelomit na a-ita ti lo laa ayeke baa ndo na ndö ni.

2 Mbai 5:1

So Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba kue; lo zia aye ni na ya ti kubu so ayeke bata ka amosoro ti da ti Nzapa daa.

Josué 6:19

Wen ti nginza kue na lôro nga na aye so kue a sara na bengba wen nga na wen, fade ala zia ni nde ndali ti KOTA GBIA; ala zia ni na ya ti kubu so a yeke bata amosoro ti KOTA GBIA daa.”