1 Mbai 26:20 - Mbeti ti Nzapa - Tënë so amu fini

²⁰ Mbeni zo ti mara ti Lévi, Ahia, kua ti lo ayeke ti baa ndo na ndö ti kubu so a bata amosoro ti kota da ti Nzapa daa nga na aye so a zia nde ndali ti Nzapa.

1 Mbai 26:20 ပူးပေါင်းရင်းမြစ်များ

1 Agbia 14:26

Lo mu amosoro so a bata na ya ti kubu ti da ti KOTA GBIA nga na amosoro so ayeke na ya ti yangbo ti gbia, lo hon na ni; lo mu aye kue kue kue, ataa *avala ti lôro so Salomon amu yanga si a sara ni ando so.

1 Agbia 15:18

Tongaso Asa amu wen ti nginza na lôro so kue angba na ya ti kubu ti amosoro ti kota da ti KOTA GBIA na ti so angba na yangbo ti gbia, lo zia ni na maboko ti azo ti kua ti lo. Na pekoni, gbia atokua azo ni titene ala gue na amosoro ni na Damas ti mu na Ben-Hadad, gbia ti Sirii. Ben-Hadad ayeke molenge ti Tabrimon, molenge ti Hezion. Asa atene na gbia Ben-Hadad, atene:

1 Agbia 7:51

So gbia Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba; lo zia aye ni na ya ti kubu so ayeke bata ka amosoro ti da ti KOTA GBIA daa.

1 Mbai 18:11

Gbia David azia aye so nde ndali ti KOTA GBIA; lo bongbi ni na wen ti nginza nga na lôro so lo gbu na maboko ti amara kue: azo ti mara ti Edom, ti Moab, ti Amon, ti Filistii na ti Amalek.

1 Mbai 26:19

So ayeke abongbi ti azo ti batango ayanga ti gbagba so a soro ala na ya ti kete mara ti Kore nga na ti Merari laa.

1 Mbai 26:21

Ladan ayeke zo ti kete mara ti Gershon. *Ahale ti lo ayeke amakonzi ti asewa ti ala. Na popo ti ahale ti Ladan ni, azo ti kete mara ti Yehieli ayeke daa.

1 Mbai 26:22

Amolenge ti Yehieli ayeke Zetam na ita ti lo Joël; ala yeke baa ndo na ndö ti kubu so a bata amosoro ti kota da ti *KOTA GBIA daa.

1 Mbai 26:24

Shebuel ayeke daa; Shebuel ayeke mbeni hale ti Gershom, molenge ti Moïse. Shebuel laa ayeke kota zo so ayeke baa ndo na ndö ti kubu so a bata amosoro kue daa.

2 Mbai 8:15

Yanga so gbia amu ndali ti awayango-sandaga nga ndali ti azo ti mara ti Lévi, wala ndali ti ada ti batango mosoro, zo oko alingbi ti zia ni ti sara mbeni ye nde pepe.

Esdras 2:69

Ala mu ye so kue ala lingbi ti mu ndali ti kua ti da ni. Wungo ti aye so kue ala mu ayeke ale ti lôro 61 000, wen ti nginza so nengo ni kue ayeke kilo 2 500. Ala mu nga abongo ti awayango-sandaga 100.

Esdras 8:28

Mbi tene na ala: “A zia ala nde ndali ti kua ti *KOTA GBIA awe. Legeoko nga a zia aye so nde ndali ti lo awe. Wen ti nginza na lôro so ayeke aye so azo amu na be ti ala wani na KOTA GBIA, Nzapa ti akotara ti ala.

Néhémie 12:44

Na lango ni so, a soro ambeni zo titene ala baa ndo na ndö ti ada ti batango akozo le ti keke, akozo le ti kobe nga na *adime ti akobe ti yaka. Kua ti azo ni ayeke ti bata na ya ti ada ni so ale ti kobe so *Ndia ahunda na azo titene ala ga na ni na awayango-sandaga nga na azo ti mara ti Lévi. Ale ti kobe ni alondo na ya ti ayaka so azo afâ si angoro agbata. Biani, be ti azo ti Juda anzere mingi na kua so awayango-sandaga na azo ti mara ti Lévi ayeke sara.

Malashii 3:10

Adime ti aye so ala wara, ala ga na ni kue na ya ti kubu ti batango mosoro ti da ti mbi titene kobe aduti lakue na ya ti da ti mbi. Ala sara tongaso ti tara mbi, ala baa tongana mbi zi fenetere ti yayu ti tuku anzoni ye ti mbi gbani gbani na ndö ti ala pepe si. Tënë so KOTA GBIA so ayeke na ndö ti dunia kue atene laa.

Wungo ti azo 8:26

Ala lingbi ti mu maboko na a-ita ti ala na ngoi so a-ita ti ala ni ayeke sara kua na ya ti da ti bongo so KOTA GBIA na azo ti lo ayeke wara tere daa; me a yeke hunda na ala ti sara kua mbeni pepe. So ayeke lege so mo yeke mu kua na azo ti mara ti Lévi laa.”