1 Mbai 26:16 - Mbeti ti Nzapa - Tënë so amu fini

¹⁶ Ti Shupim na Hosa, a zia ala na yanga ti gbagba ti mbage ti Do nga na yanga ti gbagba ti Shaleket, na lege so ague na mbage ti nduzu. A kangbi abongbi oko oko ti batango ayanga ti gbagba ni tongaso:

1 Mbai 26:16 ပူးပေါင်းရင်းမြစ်များ

1 Agbia 10:5

kobe so ayeke na ndö ti meza ti lo, da ti lango ti azo ti yangbo ti lo, lege so azo ti gbe ti lo ayeke sara kua ti ala, amakonzi ti mungo samba na lo; lo baa nga *asandaga so a yeke gbi kue na wâ so Salomon ayeke mu ni na ya ti kota da ti KOTA GBIA. Na bango aye so kue, li ti gbia-wali ni kue akpe.

1 Mbai 25:8

A bi mbeni ye ti hinga lege so ala yeke sara na kua ni: ataa akota zo, wala akete zo, ataa azo so ahinga ye nzoni wala ala so angba ti manda ye, a sara kangbi na popo ti ala pepe.

1 Mbai 26:15

Ti Obed-Edom, a zia lo na yanga ti gbagba ti mbage ti Mbongo; ti amolenge ti lo, a zia ala ti bata da so a yeke bata akungba daa.

1 Mbai 26:17

na mbage ti To, a mu azo ti mara ti Lévi omene na ya ti lango oko; na mbage ti Banga, a mu ala osio na ya ti lango oko, na mbage ti Mbongo, a mu ala osio na ya ti lango oko; ti da so a yeke bata akungba daa, a mu ala osio si a zia ala use use na ando use;

1 Mbai 26:18

ti da so agbu tere na kota da ti Nzapa si ayeke na mbage ti Do, a zia azo osio na tere ti lege si azo use na ya ti da ni.

2 Mbai 9:4

kobe so ayeke na ndö ti meza ti lo, da ti lango ti azo ti yangbo ti lo, lege so azo ti gbe ti lo ayeke sara kua ti ala, bongo so ala yeke yu, amakonzi ti azo ti mungo samba na lo nga na bongo so ala yeke yu; lo baa gbia so ayeke na li ti azo so ayeke tambula ti gue na ya ti kota da ti *KOTA GBIA. Na bango aye so kue, li ti gbia-wali ni kue akpe.

Néhémie 12:24

Amakonzi ti azo ti mara ti Lévi Hashabia, Sherebia na Yeshua, molenge ti Kadmiel aluti abaa le na ambeni zo ti mara ti Lévi, ala yeke sepela Nzapa si ala yeke gonda lo, tongana ayeke ngoi ti ala ti sarango kua na ya ti kota da ti Nzapa. Amakonzi ni asara ye alingbi na yanga so David, zo ti Nzapa amu.