1 Mbai 26:12 - Mbeti ti Nzapa - Tënë so amu fini

¹² Azo ti batango ayanga ti gbagba so, amakonzi ni na azo ti ya ti abongbi nde nde ayeke sara kua ti ala legeoko na ya ti kota da ti *KOTA GBIA.

1 Mbai 26:12 ပူးပေါင်းရင်းမြစ်များ

2 Agbia 7:10

Ala kiri na ya ti gbata ni, ala iri asanziri ti yanga ti gbagba ni si ala tene na ala: “E gue, e li na ya ti bâbâ ti azo ti Sirii, me e baa zo oko pepe, e ma nga go ti zo oko pepe. Ye so e baa kâ ayeke gi ambarata na alele so a kanga ala kangango; azo ni ado ada ti bongo azia ahon.”

1 Mbai 25:8

A bi mbeni ye ti hinga lege so ala yeke sara na kua ni: ataa akota zo, wala akete zo, ataa azo so ahinga ye nzoni wala ala so angba ti manda ye, a sara kangbi na popo ti ala pepe.

1 Mbai 26:11

Hilkia, use molenge ni; Tebalia, ota ni; Zakarii, osio ni. Azo so ayeke na ya ti bongbi ti Hosa ayeke amolenge ti lo na a-ita ti lo. Wungo ti ala kue ayeke baleoko na ota.

1 Mbai 26:13

A bi mbeni ye si a kangbi kua ti batango ayanga ti gbagba oko oko na popo ti azo ni, na lege ti asewa ti ala oko oko; a kangbi akua ni alingbi tere, ataa na akota zo, wala na akete zo.

1 Mbai 9:23

Ala na ahale ti ala angba ti sara kua ti batango yanga ti kota da ti Nzapa, so ti tene da ti bongo so KOTA GBIA ayeke duti daa.

2 Mbai 31:14

Kore, molenge ti Imna, zo ti mara ti Lévi, zo ti batango yanga ti gbagba na mbage ti To, ayeke baa lege ti aye so azo amu na be ti ala wani na Nzapa. Aye so azo azi na ndö ti aye so ala wara si ala zia nde ndali ti KOTA GBIA nga na aye so ayeke nde si ayeke nzoni kue ahon atanga ni, lo laa lo yeke kangbi ni.

2 Mbai 35:15

Azo ti hengo bia so ayeke ahale ti Asaf angba na ndo ti kua ti ala, alingbi na yanga so David, Asaf, Heman na Yedutun, zo ti bango nda ti aye ti gbia amu. Azo ti batango ayanga ti gbagba angba na ndo ti kua ti ala; ala zia kua ti ala ahon pepe, ngbanga ti so a-ita ti ala, azo ti mara ti Lévi ayeke to kobe ndali ti ala.